Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଧାରା ୩୭୦ ଉଚ୍ଛେଦ ପ୍ରସଙ୍ଗରେ ସୁପ୍ରିମକୋର୍ଟରେ ଶୁଣାଣି- ଦରକାର ପଡିଲେ ଶ୍ରୀନଗର ଯିବେ କହିଲେ ପ୍ରଧାନ ବିଚାରପତି

16/09/2019 at 6:48 PM

ନୂଆଦିଲ୍ଲୀ ୧୬।୦୯- ଜାମ୍ମୁ-କାଶ୍ମୀରରୁ ଧାରା ୩୭୦ ଉଚ୍ଛେଦ ନେଇ ସୁପ୍ରିମକୋର୍ଟଙ୍କ ବଡ ଶୁଣାଣି । ଏକାଧିକ ଜନସ୍ବାର୍ଥ ମାମଲାର ଶୁଣାଣି କରି ଜାମ୍ମୁ-କଶ୍ମୀରରେ ତୁରନ୍ତ ସ୍ଥିତି ସ୍ବାଭାବିକ କରିବାକୁ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ତିନି ଜଣିଆ ଖଣ୍ଡପୀଠ। ଦୁଇ ସପ୍ତାହ ମଧ୍ୟରେ କେନ୍ଦ୍ରକୁ ରିପୋର୍ଟ ତଲବ କରିଛନ୍ତି । ଦରକାର ପଡିଲେ ନିଜେ ସ୍ଥିତି ଅନୁଧ୍ୟାନ କରିବାକୁ ଶ୍ରୀନଗର ଯିବେ ବୋଲି ପ୍ରଧାନ ବିଚାରପତି ରଂଜନ ଗୋଗେଇ  କହିଛନ୍ତି ।

ଧାରା ୩୭୦ ହଟିବା ପରେ କେମିତି ରହିଛି ଜାମ୍ମୁ-କାଶ୍ମୀର ସ୍ଥିତି ?  ଏହା ଉପରେ ଆଗତ ୮ ଟି ପିଟିସନ୍‌ ର ଶୁଣାଣି କରି ସୁପ୍ରିମକୋର୍ଟଙ୍କ ୩ ଜଣିଆ ଖଣ୍ଡପୀଠ କେନ୍ଦ୍ରକୁ କଡା ତାଗିଦ କରିଛନ୍ତି ।  ଜାତୀୟ ସୁରକ୍ଷାକୁ ଦୃଷ୍ଟିରେ ରଖି ତୁରନ୍ତ ସ୍ଥିତି ସ୍ବାଭାବିକ କରିବାକୁ ନିର୍ଦେଶ ଦେଇଛନ୍ତି । ଲୋକେ ଆଇନଗତ ସହାୟତା ପାଇଁ ହାଇକୋର୍ଟ ସହ ଯୋଗାଯୋଗ କରିପାରୁ ନ ଥିବା ଅଭିଯୋଗକୁ ଖଣ୍ଡପୀଠ ଗୁରୁତର ସହ ନେଇଛନ୍ତି । ପ୍ରଧାନ ବିଚାରପତି ଏହି ଅଭିଯୋଗ ଉପରେ ଜାମ୍ମୁ-କାଶ୍ମୀର ହାଇକୋର୍ଟ ମୁଖ୍ୟ ବିଚାରପତିଙ୍କୁ ରିପୋର୍ଟ ମାଗିଛନ୍ତି। ଆବଶ୍ୟକ ହେଲେ ନିଜେ ଶ୍ରୀନଗର ଯାଇ ସ୍ଥିତି ଅନୁଧ୍ୟାନ କରିବେ ବୋଲି ପ୍ରଧାନ ବିଚାରପତି ରଂଜନ ଗୋଗେଇ କହିଛନ୍ତି । 

କେଉଁ ଆଧାରରେ ପୂର୍ବତନ ମୁଖ୍ୟମନ୍ତ୍ରୀ ଫାରୁକ୍ ଅବଦୁଲ୍ଲାଙ୍କୁ ଅଟକ ରଖାଯାଇଛି ବୋଲି କୋର୍ଟ ଜାଣିବାକୁ ଚାହିଁଥିଲେ ।  ଏହାର ଜବାବ ରଖିଥିଲା କେନ୍ଦ୍ର । ଅବଦୁଲ୍ଲାଙ୍କୁ ଗୃହବନ୍ଦୀ ନୁହେଁ ବରଂ ପବ୍ଲିକ୍ ସେଫଟି ଆକ୍ଟରେ ଅଟକ ଅଛନ୍ତି ବୋଲି କୁହାଯାଇଛି । ଏମଡିଏମକେର ନେତା ଭାଇକୋ ଏନେଇ ଆବେଦନ କରିଥିଲେ । କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଗୁଲାମନବୀ ଆଜାଦଙ୍କ ଆବେଦନର ଶୁଣାଣି କରି ତାଙ୍କୁ କାଶ୍ମୀର ଯିବାକୁ ଅନୁମତି ଦେଇଛନ୍ତି । କିନ୍ତୁ ଏଥିପାଇଁ ସର୍ତ ରଖିଛନ୍ତି କୋର୍ଟ । ଗୁଲାମନବୀ କେବଳ ୪ଟି ଜିଲାକୁ ଗସ୍ତ କରିପାରିବେ । କୌଣସି ରାଜନୈତିକ କାର୍ଯ୍ୟକ୍ରମ କରିପାରିବେ ନାହିଁ ବୋଲି କୋର୍ଟ ନିର୍ଦେଶ ଦେଇଛନ୍ତି ।

 ଘାଟିରେ ଗଣମାଧ୍ୟମର କଣ୍ଠରୋଧ କରାଯାଉଥିବା ଏବଂ ଲୋକଙ୍କୁ ଚିକିତ୍ସାସେବା ମିଳୁ ନ ଥିବା ନେଇ ପିଟିଶନ ଦାଖଲ ହୋଇଛି। ଏସବୁ ପିଟିଶନର ଶୁଣାଣି ବେଳେ ଆଟର୍ନି ଜେନେରାଲ କେ.କେ. ବେଣୁଗୋପାଳ ସରକାରଙ୍କ ତରଫରୁ ପକ୍ଷ ରଖିଥିଲେ।  କହିଥିଲେ  ୮୮ ପ୍ରତିଶତ ପୋଲିସ ଷ୍ଟେସନ ଅଞ୍ଚଳରେ ସ୍ଥିତି ସ୍ବାଭାବିକ । କୌଣସି ସ୍ଥାନରେ ଗୁଳି ଫୁଟିନି, କିନ୍ତୁ କିଛି ଅଞ୍ଚଳରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ଗଣମାଧ୍ୟମ ବିନା ପ୍ରତିବନ୍ଧକରେ କାର୍ଯ୍ୟ କରୁଥିବା ସେ କହିଛନ୍ତି ।

   Related Posts