Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ପ୍ରତିକ୍ଷାର ଅନ୍ତ, ଆଜିଠୁ ବିନା କୋଭିଡ଼ ରିପୋର୍ଟରେ କାଳିଆ ଦର୍ଶନ
  • ||
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||

ନେତାଙ୍କୁ ଘାରିଲାଣି ପୌର ନିର୍ବାଚନ ଚିନ୍ତା : କଟକ ସମେତ ୩ ମହାନଗର ନିଗମରେ ନିର୍ବାଚନକୁ ନେଇ ଆରମ୍ଭ ହୋଇଗଲାଣି ସରକାରୀ କସରତ

21/06/2019 at 5:51 PM

ଭୁବନେଶ୍ବର ୨୧/୬: ସାଧାରଣ ନିର୍ବାଚନ ପରେ ଏବେ ପୌର ନିର୍ବାଚନ ପାଇଁ ସଜବାଜ ଆରମ୍ଭ ହେଲାଣି ।  ଆସନ୍ତା ଡିସେମ୍ବର ସୁଦ୍ଧା ନିର୍ବାଚନ ହେବା ନେଇ ଚର୍ଚ୍ଚା ହେଉଛି । ଏଭଳି ସ୍ଥିତିରେ ଆମେ ଯଦି କଟକ ମହାନଗର ନିଗମ କଥା ଆଲୋଚନା କରିବା ତାହେଲେ ଏଠି ଏପର୍ଯ୍ୟନ୍ତ ଓ୍ବାର୍ଡ଼ ପୁନର୍ଗଠନ ଆଉ ଓ୍ବାର୍ଡ଼ ସଂରକ୍ଷଣ ପ୍ରସଙ୍ଗରେ କୌଣସି ନିଷ୍ପତ୍ତି ହୋଇନି । ଯାହାକୁ ନେଇ ଆଶା ଆଶଙ୍କାରେ ରହିଛନ୍ତି ଆଶାୟୀ କର୍ପୋରେଟର ପ୍ରାର୍ଥୀ । ତେବେ ସରକାର ଦଳୀୟ ସ୍ବାର୍ଥକୁ ଗୁରୁତ୍ବ ନଦେଇ ନିୟମ ଅନୁସାରେ ଓ୍ବାର୍ଡ଼ ପୁନର୍ଗଠନ କରିବାକୁ ଦାବି କରୁଛନ୍ତି ବିରୋଧୀ ନେତା ।…

ସାଧାରଣ ନିର୍ବାଚନ ଟେନ୍‌ସନ୍‌ ମୁଣ୍ଡରୁ ଓହ୍ଲାଇଛି କି ନାହିଁ ନେତାଙ୍କୁ ଘାରିଲାଣି ପୌର ନିର୍ବାଚନ ଚିନ୍ତା । ଆସନ୍ତା ଡିସେମ୍ବର ଭିତରେ କଟକ ସମେତ ୩ ମହାନଗର ନିଗମରେ ନିର୍ବାଚନକୁ ନେଇ ଆରମ୍ଭ ହୋଇଗଲାଣି ସରକାରୀ କସରତ । ନିୟମ ଅନୁସାରେ ଏଥର ମଧ୍ୟ ନିର୍ବାଚନ ପୂର୍ବରୁ ଓ୍ବାର୍ଡ଼ ପୁନର୍ଗଠନ ଓ ସଂରକ୍ଷଣ ବ୍ୟବସ୍ଥା କରାଯିବ । ସିଏମସି ତରଫରୁ ଏନେଇ ଏକ ପ୍ରାରମ୍ଭିକ ରିପୋର୍ଟ ରାଜ୍ୟ ସରକାରଙ୍କୁ ଦିଆଯାଇଛି । ଯେହେତୁ ଏପର୍ଯ୍ୟନ୍ତ ଆସନ ଅଦଳବଦଳକୁ ନେଇ କୌଣସି ନିଷ୍ପତି ହୋଇନି ତେଣୁ ଆଶା ଆଶଙ୍କାରେ ରହିଛନ୍ତି ଆଶାୟୀ କର୍ପୋରେଟର ପ୍ରାର୍ଥୀ ।

ଆମେ ଯଦି ଦେଖିବା ତାହେଲେ କଟକ ମହାନଗର ନିଗମର ମୋଟ୍‌ ୫୯ ଓ୍ବାର୍ଡ଼ ଭିତରୁ ୪୧ଟି ସଂରକ୍ଷିତ ଆସନ ରହିଛି ।  ଯାହା ହାଇକୋର୍ଟଙ୍କ ନିର୍ଦେଶକୁ ଉଲଂଘନ କରୁଛି । ନିୟମ ଅନୁସାରେ ୫୦ ପ୍ରତିଶତରୁ ଅଧିକ ଆସନକୁ ସଂରକ୍ଷିତ ହୋଇପାରିବ ନାହିଁ । ତେଣୁ ଏନେଇ ନଗର ଉନ୍ନୟନ ବିଭାଗକୁ ଏକ ଚିଠା ପ୍ରସ୍ତାବ ଦେଇଛି ସିଏମସି । ଯେଉଁଥିରେ୨୦ ଆସନ ମହିଳାଙ୍କ ପାଇଁ ସଂରକ୍ଷିତ ରଖାଯାଇଛି । ତେବେ ସରକାର ଓ୍ବାର୍ଡ଼ ପୁନର୍ଗଠନରେ ଦଳୀୟ ସ୍ବାର୍ଥକୁ ଗୁରୁତ୍ବ ନଦେଇ ନିୟମ ଅନୁସାରେ କରନ୍ତୁ ବୋଲି ଦାବି କରିଛନ୍ତି ବିରୋଧୀ ନେତା ।

ଏଥର ସିଧାସଳଖ ଭୋଟରଙ୍କ ଦ୍ବାରା ମେୟର ନିର୍ବାଚନ ହେବ । ତେଣୁ ଏବେ ଓ୍ବାର୍ଡ଼ ପୁନର୍ଗଠନ ଓ ସଂରକ୍ଷଣ ସହିତ ମେୟର ନିର୍ବାଚନକୁ ନଜରରେ ରଖି ପ୍ରାର୍ଥୀ ଚୟନ କରିବାକୁ ସବୁ ରାଜନୈତିକ ଦଳଙ୍କୁ ଖୁବ୍‌ ଅଙ୍କ କଷିବାକୁ ପଡ଼ିବ ।

   Related Posts