Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ପୂର୍ବ ଘାନାରେ ଭୂଷୁଡ଼ି ପଡିଲା ଚର୍ଚ୍ଚ, ୨୨ ମୃତ

24/10/2020 at 4:07 PM

ଆକିମ ବାଟାବି ୨୪।୧୦: ପୂର୍ବ ଘାନାର ଆକିମ ବାଟାବି ସହରରେ ଏକ ନିର୍ମାଣାଧୀନ ଗିର୍ଜାଘର ଭୂଷୁଡି ପଡିଛି। ଫଳରେ ଘଟଣା ବେଳେ ସେଠାରେ ଉପସ୍ଥିତ ଥିବା ୨୨ ଜଣଙ୍କ ମୃତ୍ୟୁ ହୋଇଥିବା ଜାତୀୟ ବିପର୍ଯ୍ୟୟ ପରିଚାଳନା ସଙ୍ଗଠନ (ଏନଏଡିଏମଓ) ଅଧିକାରୀ ରିଚାର୍ଡ ୟାମୋ ୟାର୍ଟି କହିଛନ୍ତି। ମୃତକଙ୍କ ମଧ୍ୟରେ ୧୧ ମହିଳା, ଗୋଟିଏ ଶିଶୁ ଓ ୧୦ ଜଣ ପୁରୁଷ ଥିବା ଏନଏଡିଏମଓ ଅଧିକାରୀ  କହିଛନ୍ତି।

ଏହା ଏକ ୩ମହଲା ବିଶିଷ୍ଟ ଚର୍ଚ୍ଚ ହୋଇଥିବା ବେଳେ ନିର୍ମାଣାଧୀନଥିଲା। ଏଠାରେ ଚର୍ଚ୍ଚ ପକ୍ଷରୁ ଏକ କମ୍ୟୁନିଟି ସର୍ଭିସ କାର୍ଯ୍ୟକ୍ରମ ଆୟୋଜନ କରାଯାଇଥିବା ବେଳେ ଦୁର୍ଘଟଣା ଘଟିଛି।  ଘଟଣା ବେଳେ ସେଠାରେ ପ୍ରାୟ ୬୦ ଜଣ ଲୋକ ଥିଲେ। ଆହତମାନଙ୍କୁ ତୁରନ୍ତ ନିକଟସ୍ଥ ହସ୍ପିଟାଲକୁ ପଠାଯାଇଥିବା ବେଳେ ଚର୍ଚ୍ଚର ଭଗ୍ନାବଶେଷ ତଳୁ ବାକି ଲୋକଙ୍କ ତଲାସ ଜାରି ଥିବା ଏନଏଡିଏମଓ ଅଧିକାରୀ କହିଛନ୍ତି।

ଘଟଣା ସ୍ଥଳରେ ପୋଲିସ ସହ ସେନା ଓ ବିପର୍ଯ୍ୟୟ ପ୍ରସମନ ସଙ୍ଗଠନର ଉଦ୍ଧାରକାରୀ ଦଳ ଉପସ୍ଥିତ ରହି ଉଦ୍ଧାର ପରିଚାଳନା କରୁଛନ୍ତି। ଚର୍ଚ୍ଚର ଭଗ୍ନାବଶେଷ ତଳୁ ଅହୁରି ଲୋକଙ୍କ ଶବ ମିଳିବ ବୋଲି ଆଶଙ୍କା କରାଯାଉଛି। ତେବେ ଏ ପର୍ଯ୍ୟନ୍ତ କେହି ନିଖୋଜ ଥିବା ନେଇ ଅଭିଯୋଗ ମିଳିନଥିବାର କହିଛନ୍ତି ରିଚାର୍ଡ।  

   Related Posts