ଭୁବନେଶ୍ବର ୧|୬: ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଯୁକ୍ତ ଦୁଇ ବିଜ୍ଞାନ ପରୀକ୍ଷା ଫଳ ଜୁନ୍ ୩ ତାରିଖରେ ପ୍ରକାଶ ପାଇବ । ନିର୍ଦ୍ଧିଷ୍ଟ ଓ୍ବେବସାଇଟ୍ ମାଧ୍ୟମରେ ପରୀକ୍ଷା ଫଳ ଜାଣିପାରିବେ ଛାତ୍ରଛାତ୍ରୀ । www.chse.nic.in ଏବଂ http://orissaresults.nic.in ଓ୍ବେବସାଇଟ୍ ରେ ରେଜଲ୍ଟ ଜାଣିପାରିବେ । ଏ ନେଇ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ସୂଚନା ଦିଆଯାଇଛି ।
ଗତ ବର୍ଷ ବିଜ୍ଞାନ, କଳା ଏବଂ ବାଣିଜ୍ୟ ପରୀକ୍ଷା ଫଳ ପୃଥକ ଭାବେ ପ୍ରକାଶ କରାଯାଇଥିଲା । ଚଳିତ ବର୍ଷ ମଧ୍ୟ ସେହିଭଳି ପ୍ରକାଶ କରାଯିବ । ଗତବର୍ଷ ବିଜ୍ଞାନରେ ମୋଟ୍ ପାସ୍ ହାର ୭୫ପ୍ରତିଶତ ରହିଥିଲା । ସେହିଭଳି କଳାରେ ୬୮.୭୯ ପ୍ରତିଶତ ଥିବାବେଳେ ବାଣିଜ୍ୟରେ ୭୪.୯୧ ପ୍ରତିଶତ ରହିଥିଲା ।