Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

ଟି୨୦ କ୍ରିକେଟରେ କ୍ରିସ୍ ଗେଲ୍‌ଙ୍କ ବିରଳ ରେକର୍ଡ, କେବଳ ଛକା ଓ ଚଉକାରେ ପୂରଣ କଲେ ୧୦ ହଜାର ରନ୍

16/10/2020 at 3:42 PM

ଦୁବାଇ, ୧୬|୧୦:  ବିସ୍ଫୋରକ ବ୍ୟାଟସମ୍ୟାନ୍ କ୍ରିସ୍ ଗେଲ୍ ଗୁରୁବାର ଏକ ବିରଳ ରେକର୍ଡ ସ୍ଥାପନ କରିଛନ୍ତି । ଏହି ବ୍ୟାଟସମ୍ୟାନ୍ ଜଣଙ୍କ ଟି୨୦ କ୍ରିକେଟରେ କେବଳ ଛକା ଓ ଚଉକା ବଳରେ ୧୦ ହଜାର ରନ୍ ପୂରଣ କରିଛନ୍ତି । କ୍ରିସ ଗେଲ ଏପରି କାରନାମା ହାସଲ କରିଥିବା ବିଶ୍ୱର ପ୍ରଥମ ଖେଳାଳି ଅଟନ୍ତି । ସେ ମୋଟ ୧୦୨୭ଟି ଚଉକା ଓ ୩୮୨ଟି ଛକା ଲଗାଇଛନ୍ତି । ଏହାସହ ସେ ଆଇପିଏଲରେ ଆଉ ଏକ ରେକର୍ଡ ମଧ୍ୟ ହାସଲ କରିଛନ୍ତି । ସେ ମୋଟ୍ ୨୭ଟି ଇନିଂସରେ ୫ବା ଅଧିକ ଛକା ଲଗାଇଛନ୍ତି । ଏପରି କୀର୍ତ୍ତି ହାସଲ କରିଥିବା ସେ ପ୍ରଥମ ଖେଳାଳି ଅଟନ୍ତି ।

ଗୁରୁବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଧୂଆଧାର ପାଳି ଖେଳିଥିଲେ । ସେ ୩୬ ବଲରୁ ନିଜର ଅର୍ଦ୍ଧଶତକ ପୂରଣ କରିଥିଲେ । ସେ ମୋଟ ୪୫ଟି ବଲ ଖେଳି ୫ ଛକା ଓ ଗୋଟିଏ ଚଉକା ସାହାଯ୍ୟରେ ୫୩ ରନ୍ କରିଥିଲେ । ନିଜ ଅର୍ଦ୍ଧଶତକୀୟ ଇନିଂସ ବଳରେ ଗେଲ୍ ଆଇପିଏଲରେ ନିଜର ୪୫୦୦ ରନ୍ ପୂରଣ କରିଛନ୍ତି ।

ଏହି ମ୍ୟାଚରେ ପଞ୍ଜାବକୁ ବିଜୟ ପାଇଁ ଶେଷ ବଲରେ ଗୋଟିଏ ରନ୍ ଦରକାର ଥିଲା । ଗେଲ୍ ନିକୋଲାସ ପୂରନଙ୍କ ଶେଷ ବଲରେ ଛକା ମାରି ଦଳକୁ ବିଜୟୀ କରିଥିଲେ ।

ଆଇପିଏଲରେ ୪୫୦୦ ରନ୍ କରିଥିବା ଗେଲ୍ ହେଉଛନ୍ତି ଅଷ୍ଟମ ଖେଳାଳି ।  ଏହାପୂର୍ବରୁ ବିରାଟ କୋହଲି, ସୁରେଶ ରାଇନା, ଡେବିଡ ଓ୍ୱାର୍ଣ୍ଣର, ରୋହିତ ଶର୍ମା, ଶିଖର ଧାଓ୍ୱନ, ଏବି ଡିଭିଲର୍ସ ଓ ମହେନ୍ଦ୍ର ସିଂ ଧୋନୀ ୮ହଜାର ରନ୍ କ୍ଲବରେ ସାମିଲ ହୋଇଥିଲେ ।

ଗେଲ୍ ଆଇପିଏଲରେ ଏବେସୁଦ୍ଧା ୧୨୬ଟି ମ୍ୟାଚ୍ ଖେଳିଥିବା ବେଳେ ୩୩୧ଟି ଛକା ଲଗାଇଛନ୍ତି । ଆଇପିଏଲରେ ସର୍ବାଧିକ ଛକା ମାରିବାର ରେକର୍ଡ ମଧ୍ୟ ଗେଲଙ୍କ ନାମରେ ରହିଛି ।

   Related Posts