Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବାଳିଆ ଦ୍ଵାର ଦେଶରେ ଥିବା ଶ୍ରୀଲଙ୍କା ପାଇଁ ଅକ୍ସିଜେନ ପାଲଟିଲା ଭାରତ, ଦେଲା ଏତେ କୋଟି ସହାୟତା
  • ||
  • ପଞ୍ଚାୟତ ନିର୍ବାଚନ ପାଇଁ କଂଗ୍ରେସର ୧୮ ଜଣିଆ ନିର୍ବାଚନ କମିଟି, ନରସିଂହ ଅଧ୍ୟକ୍ଷ
  • ||
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||

କ୍ରିସ ଗେଲଙ୍କ ସେହି ରେକର୍ଡ, ୭ ବର୍ଷ ହେଲା ରହିଛି ଅତୁଟ, ଷ୍ଟାଡିୟମରେ ହୋଇଥିଲା ଛକା-ଚଉକା ବର୍ଷା

23/04/2020 at 4:41 PM

ବାଙ୍ଗାଲୋର, ୨୩|୦୪:  ଆରୋନ ଫିଞ୍ଚ । ଏବେ ସେ ଅଷ୍ଟ୍ରେଲିଆ ଦିନିକିଆ ଦଳର ଅଧିନାୟକ ରହିଛନ୍ତି । ସେ ୨୦୧୩ ଆଇପିଏଲରେ ପୁଣେ ଓ୍ୱାରିଅର୍ସର ଅଧିନାୟକ ରହିଥିଲେ । ପୁଣେ ଲଗାତାର ଖରାପ ପ୍ରଦର୍ଶନ କରୁଥିଲା । ୨୦୧୩ ଆଇପିଏଲର ୩୧ ନମ୍ବର ମ୍ୟାଚରେ ଦଳ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ଭେଟିଥିଲା । ପୁଣେ ଟସ ଜିତି ବାଙ୍ଗାଲୋରରୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା ।

ବାଙ୍ଗାଲୋର ତରଫରୁ ଓପନିଂ ପାଇଁ ଦିଲସାନ ଓ କ୍ରିସ ଗେଲ୍ କ୍ରିଜକୁ ଆସିଥିଲେ । ପ୍ରଥମ ଓଭରରେ ଭୁବନେଶ୍ୱର କୁମାର ଗେଲଙ୍କୁ ବାନ୍ଧି ରଖିଥିଲେ । ଦ୍ୱିତୀୟ ଓଭର ଇଶ୍ୱର ପାଣ୍ଡେ ବୋଲିଂ କରିଥିଲେ । ଓଭରର ପ୍ରଥମ ବଲରେ ଗେଲ୍ ଚଉକା ମାରିଥିଲେ । ସେହି ସମୟରେ ବର୍ଷା ଆରମ୍ଭ ହୋଇଯାଇଥିଲା । ଅଧ ଘଣ୍ଟା ପାଇଁ ମ୍ୟାଚ ରୋକିବାକୁ ପଡିଥିଲା ।ଗେଲ୍ ନିଜେ ଜାଣି ନଥିଲେ ଦଳ ଯେତେ ସ୍କୋର କରିବାକୁ ଚାହୁଁଛି ସେ ନିଜେ ସେତିକି ରନ କରିବେ ।

ବର୍ଷା ରୋକିବା ପରେ ଗେଲ୍ ବିସ୍ଫୋରକ ବ୍ୟାଟିଂ କରିଥିଲେ । ସେ ୧୭ ବଲରୁ ଅର୍ଧଶତକ ପୂରଣ କରିଥିଲେ । ଏହାପରେ ଦଳର ସ୍କୋର ୮୦ରେ ପହଁଚି ଯାଇଥିଲା । ଗେଲ୍ ସେତେବେଳକୁ ୬୭ ରନ କରିସାରିଥିଲେ ।  ଅଷ୍ଟମ ଓଭର ବୋଲିଂ କରିବାକୁ ଫିଞ୍ଚ ନିଜେ ଆସିଥିଲେ । ତାଙ୍କ ଓଭରରେ ଗେଲ ୪ଟି ଛକା ଓ ଗୋଟିଏ ଚଉକା ଲଗାଇଥିଲେ । ଏହି ଓଭରରୁ ମୋଟ ୨୯ ରନ ଆସିଥିଲା । କିନ୍ତୁ ସବୁଠାରୁ ଭଲ କଥା ହେଲା ଯେ ଫିଞ୍ଚ ଚଳିତ ବର୍ଷ ବାଙ୍ଗାଲୋର ତରଫରୁ ଖେଳିବେ । 

ଏହି ମ୍ୟାଚରେ କେବଳ ଭୁବନେଶ୍ୱର କୁମାର ହିଁ ୪ ଓଭର ବୋଲିଂ କରି ୨୩ ରନ ବ୍ୟୟ କରିଥିଲେ । ଅନ୍ୟ ସମସ୍ତ ବୋଲରଙ୍କୁ ଗେଲ୍ ପ୍ରହାର କରିଥିଲେ । ବାଙ୍ଗାଲୋର ୨୦ ଓଭରରେ ୫ ଓ୍ୱିକେଟ ହରାଇ ୨୬୩ ରନ କରିଥିଲା । ଯାହା ସର୍ବାଧିକ ସ୍କୋର ହୋଇ ରହିଛି । ଗେଲ୍ ଏକା ୧୭୫ ରନ କରିଥିଲେ ।ସେ ମାତ୍ର ୩୦ ରନରେ ଶତକ ପୂରଣ କରିଥିଲେ ।  ସେ ୧୩ଟି ଚୌକା ଓ ୧୭ଟି ଛକ୍କା ଲଗାଇଥିଲେ । ଯାହା ଏକ ରେକର୍ଡ ହୋଇ ରହିଛି । ୭ ବର୍ଷ ହେଲା ଏହା ଅତୁଟ ରହିଛି । ପୁଣେ ମାତ୍ର ୧୩୩ ରନ କରିପାରିଥିଲା । ବାଙ୍ଗାଲୋର ୧୩୦ ରନରେ ବିଜୟୀ ହୋଇଥିଲା ।

   Related Posts