Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ନିର୍ବାଚନୀ ମାହୋଲରେ ‘ଚୌକିଦାର ପରଠା’ର ନିଅନ୍ତୁ ମଜା : ଥାଳିର ଓଜନ ୧୦ କିଲୋ, ରହିଛି ୨୮ ରାଜ୍ୟର ବ୍ୟଞ୍ଜନ

13/04/2019 at 4:34 PM

ନୂଆଦିଲ୍ଲୀ ୧୩/୪ : ଦେଶରେ ଏବେ ନିର୍ବାଚନୀ ମାହୋଲ | ପ୍ରଚାର ପ୍ରସାର ଜୋରସୋରରେ ଚାଲିଛି | ନିର୍ବାଚନୀ ପ୍ରଚାର ଲୋକଙ୍କ ମଧ୍ୟରେ ଦେଶ ଭକ୍ତି ଭାବନା ମଧ୍ୟ ଜାଗ୍ରତ କରୁଛି | ଛକ ହେଉ କି ଚା’ଦୋକାନ ହେଉ ପ୍ରତ୍ୟେକ ଜାଗାରେ ଚାଲିଛି ଚର୍ଚ୍ଚା | ଲୋକେ ନିର୍ବାଚନୀ ପ୍ରଚାରର ମଜା ବି ନେଉଛନ୍ତି | ଯଦି ଆପଣ ନିର୍ବାଚନର ମଜା ନେବା ପାଇଁ ଚାହୁଁଛନ୍ତି ତାହେଲେ ଆପଣଙ୍କ ପାଇଁ ଆସିଛି ଆଉ ଏକ ମଜାଳିଆ ଖବର | କନ୍ନଟ ପ୍ଲେସ ସ୍ଥିତ ଅର୍ଡର ୨.୧ ରେସ୍ତୋରାଁକୁ ଗଲେ ଖାଇବାରେ ମଧ୍ୟ ପାଇବେ ନିର୍ବାଚନୀ ମଜା | ଦେଖିବାକୁ ଏହି ଜାଗା ନିର୍ବାଚନୀ ମଂଚ ଭଳି ନୁହେଁ | କିନ୍ତୁ ସେଠାକାର ଭୋଜନରେ ଆପଣ ସାରା ଦେଶର ବ୍ୟଞ୍ଜନର ମଜା ନେଇପାରିବେ | ଆମ ଦେଶର ପ୍ରତ୍ୟେକ ରାଜ୍ୟର ବ୍ୟଞ୍ଜନର କିଛି ବିଶେଷତ୍ୱ ରହିଛି | ଏହି ରେସ୍ତୋରାଁରେ ଆପଣ ସବୁ ରାଜ୍ୟର ବ୍ୟଞ୍ଜନର ମଜା ପାଇପାରିବେ |


ତେବେ ଏହି ରେସ୍ତୋରାଁର ବିଶେଷତ୍ୱ ହେଲା ପରଠା | ଏହି ରେସ୍ତୋରାଁରେ ଆପଣ ପାଇବେ ଚୌକିଦାର ପରଠା | ମୋଦିଙ୍କ ବ୍ୟକ୍ତିତ୍ୱକୁ ଦୃଷ୍ଟିରେ ରଖି ଚୌକିଦାର ପରଠା ଡିଜାଇନ କରାଯାଇଛି | ରେସ୍ତୋରାଁର ସଂଚାଳକ ମେଘା କାଲରା କହିଛନ୍ତି ଯେ, ମୋଦିଙ୍କ କେତେବେଳେ ଶକ୍ତ ସ୍ୱଭାବ ତ ପୁଣି କେତେବେଳେ ନରମ ସ୍ୱଭାବ | ମୋଦିଙ୍କ ସ୍ୱଭାବକୁ ଦୃଷ୍ଟିରେ ରଖି ପ୍ରସ୍ତୁତ କରାଯାଇଛି ଏହି ପରଠା | ଏହା ପରଠା ଲଙ୍କା ଏବଂ ପୁଦିନାର ମିଶ୍ରଣରେ ତିଆରି ହେଉଛି | ଠିକ ମୋଦିଙ୍କ ସ୍ୱଭାବ ଭଳି | ଲୋକଙ୍କୁ ଏହି ଚୌକିଦାର ପରଠା ବହୁତ ପସନ୍ଦ ଆସୁଛି ଏବଂ ଆକର୍ଷିତ କରୁଛି ବୋଲି କହିଛନ୍ତି କାଲରା |


ଏହି ରେସ୍ତୋରାଁରେ ଖାଇବା ପରସା ଯାଉଥିବା ଥାଳିକୁ ଏକ ପ୍ଲେଟର ର ରୂପ ଦିଆଯାଇଛି | ଭାରତ ମାନଚିତ୍ର ଭଳି ଡିଜାଇନ କରାଯାଇଛି ଏହି ଥାଳିକୁ | ଏହି ଥାଳିରେ ୨୮ ରାଜ୍ୟର ବିଶେଷତ୍ୱ ବ୍ୟଞ୍ଜନ ପରସା ଯାଇଥାଏ | ଏହି ଥାଳିର ଓଜନ ପାଖାପାଖି ସାଢେ ୫ କିଲୋରୁ ୧୦ କିଲୋ | ଏଥିରେ କାଶ୍ମୀରରୁ ଆରମ୍ଭ କରି ତାମିଲନାଡୁର ବ୍ୟଞ୍ଜନ ରଖାଯାଇଛି |


ଏହି ଥାଳିରେ ରହିଛି ପଞ୍ଜାବର ବଟର ପନିର ମସଲା, ବିହାରର ଲିଟ୍ଟୀ ଚୋଖା, ଗୁଜରାଟର ଢ଼ୋକଲା ଏବଂ ଖାଣ୍ଡବି, ଗୋଂଗୁରା ପଚଡ଼ି, ଆଳୁ ପୋସ୍ତ, ହିମାଚଳର ଛୋଲେ, ପଂଚରଙ୍ଗି ଡାଲି, ମିଠା | ଆମିଷରେ ରହିଛି ପଂଜାବୀ ଚିକେନ ବଟର ମସଲା, ହାଇଦ୍ରାବାଦ ସ୍ପେଶାଲ ବିରିୟାନୀ, ଲକ୍ଷ୍ନୌ ଗଲୋଟି, କବାବ, ମଟନ ପେପର ଫ୍ରାଏ, ଚିକେନ ଚେତ୍ତିନାଡ଼, ଗୋଆ ଫିସ ଇତ୍ୟାଦି | ପ୍ରତ୍ୟେକ ବ୍ୟଞ୍ଜନରୁ ଅଲଗା ଅଲଗା ରାଜ୍ୟର ବାସନା ମଧ୍ୟ ଆସିଥାଏ | ଭୋଜନରେ ରାଜସ୍ଥାନର ରାଜଭୋଗ ଏବଂ ସାଗୁ ଖିରି ମଧ୍ୟ ଉପଲବ୍ଧ | ଏହାଛଡା ପୁଦିନା ଚଟଣୀ, ଭାଙ୍ଗ ଚଟଣୀ ଏବଂ ଚାରୁ ମଧ୍ୟ ପରସା ଯାଇଥାଏ |


ଏହି ଥାଳି ପ୍ରଥମ ପର୍ଯ୍ୟାୟ ଲୋକସଭା ଦିନ ଅର୍ଥାତ ଏପ୍ରିଲ ୧୧ ତାରିଖରେ ଲଞ୍ଚ କରାଯାଇଛି |

   Related Posts