କଟକ ୨୩/୬: ଚୌଦ୍ବାର ପୋଲିସ ୩ ଜଣ କୁଖ୍ୟାତ ଅପରାଧୀଙ୍କୁ ଧରିବାରେ ସଫଳ ହୋଇଛି। ଏହି ୩ ଜଣ ହେଲେ ଚୌଦ୍ବାରର ଚିତ୍ତରଞ୍ଜନ ଦାସ, ମିଟୁ ସାମଲ ଓ ଆନନ୍ଦ ସାମଲ। ଏହି ତିନିଜଣ ଗତକାଲି ରାତିରେ ଆଗ୍ରହାଟ-ଶଙ୍କରପୁର ରାସ୍ତାରେ ଅପରାଧ ପାଇଁ ପ୍ରସ୍ତୁତ ହେଉଥିବା ବେଳେ ଖବର ପାଇ ଚୌଦ୍ବାର ପୋଲିସ ଚଢ଼ଉ କରିଥିଲା।

ସେମାନଙ୍କ ଠାରୁ ଗୋଟିଏ ରିଭଲଭର, ଗୋଟିଏ ଗୁଳି ଏବଂ ଏକ ଆକ୍ଟିଭା ଗାଡ଼ି ଜବତ କରାଯାଇଛି। ଗିରଫ ୩ ଜଣଙ୍କ ନାଁରେ କଟକ ଜିଲ୍ଲାର ବିଭିନ୍ନ ଥାନାରେ ୨୦ରୁ ଅଧିକ ମାମଲା ରହିଛି। ସେମାନଙ୍କୁ ଆଜି କୋର୍ଟ ଚାଲାଣ କରାଯାଇଛି।