ଭଞ୍ଜନଗର,୦୮/୦୬: ମୋବାଇଲ୍ ଦୋକାନରୁ ଚୋରି ଫେଲ୍ ମାରିଲା । ଚୋରି କରୁଥିବା ବେଳେ ଧରା ପଡିଲେ ଦୁଇ ଚୋର । କାବୁକରି ପୋଲିସର ଜିମା ଦେଲେ ସ୍ଥାନୀୟ ଲୋକେ । ଏପରି ଏକ ଘଟଣା ଘଟିଛି କେନ୍ଦୁରଝର ଜିଲ୍ଲା ଆନନ୍ଦପୁର ଦୁର୍ଗା ମାର୍କେଟରେ ।
ସୂଚନା ଅନୁସାରେ, ଲକ୍ ଡାଉନ୍ ଯୋଗୁଁ ଦୋକାନ ବଜାର ବନ୍ଦ ରହୁଛି । ଏହାର ସୁଯୋଗ ନେଇ ସୋମବାର ରାତିରେ ଆନନ୍ଦପୁର ଉପଖଣ୍ଡ ସାଇଁକୂଳ ଦୁର୍ଗା ମାର୍କେଟ୍ ଠାରେ ଚୋରି ଉଦ୍ୟମ କରିଥିଲେ କିଛି ଚୋର । ଯାହା ଫେଲ୍ ମାରିଥିଲା । ଦୁଇଜଣ ଯୁବକ ମାର୍କେଟରେ ଥିବା ଏକ ମୋବାଇଲ୍ ଦୋକାନର ସ୍କାଇଲାଇଟ୍ ଭାଙ୍ଗି ଚୋରି ଉଦ୍ୟମ କରୁଥିବା ବେଳେ ସ୍ଥାନୀୟ ଲୋକେ ଏହା ଦେଖିଥିଲେ ।
ସେମାନେ ଚୋରଙ୍କୁ କାବୁକରି ପୋଲିସର ଜିମା ଦେଇଥିଲେ । ସଂପୃକ୍ତ ଯୁବକଙ୍କୁ ଅଟକ ରଖି ରାମଚନ୍ଦ୍ରପୁର ପୋଲି ତଦନ୍ତ ଜାରି ରଖିଛି ।
