ପାରାଦୀପ, ୦୯/୦୭: ଚୋରି କରିବା ବେଳେ ଧରା ପଡିଲେ ୨ ଚୋର । ପାରାଦୀପ ସ୍ଥିତ ଷଣ୍ଢକୁଦ ବସ୍ତିରେ ଗୁରୁବାର ବିଳମ୍ବିତ ରାତିରେ ଚୋରି କରିବାକୁ ଯାଇଥିବା ବେଳେ ୨ ଚୋର ଧରା ପଡିଛନ୍ତି ।
ସୂଚନା ଅନୁସାରେ ସନ୍ଦୀପ ମହାନ୍ତି ଓ ରାଜେସ ଦାସ ନାମକ ଦୁଇ ଜଣ ବସ୍ତିରେ ଜଣଙ୍କ ଘରେ କବାଟ ଭାଙ୍ଗି ଚୋରି କରିବା ପାଇଁ ଉଦ୍ୟମ କରୁଥିଲେ । ବସ୍ତିରେ ରହୁଥିବା ଦୀପକ ଦାସ ଓ ତାଙ୍କ ସ୍ତ୍ରୀ ଘରେ ଶୋଇଥିବା ସମୟରେ ବିଳମ୍ବିତ ରାତିରେ ଘର କବାଟ ଭାଙ୍ଗି ଏହି ଦୁଇ ଜଣ ଚୋରି କରିବାକୁ ଉଦ୍ୟମ କରୁଥିଲେ । କିନ୍ତୁ ବସ୍ତିବାସିନ୍ଦା ସେମାନଙ୍କୁ କାବୁ କରିଥିଲେ । ଏହି ସମୟରେ ଦୀପକ ଓ ଏହି ଦୁଇ ଜଣଙ୍କ ଭିତରେ ଧସ୍ତାଧସ୍ତି ମଧ୍ୟ ହୋଇଥିଲା ।
ପାଟି ଶୁଣି ବସ୍ତିର ଲୋକମାନେ ଦୁଇ ଚୋରକୁ କାବୁ କରିବା ସହ ପାରାଦୀପ ଜଟାଧାର ସାମୁଦ୍ରିକ ଥାନାକୁ ହସ୍ତାନ୍ତର କରିଛନ୍ତି । ପୋଲିସ ଦୁଇ ଜଣକୁ ଗିରଫ କରିବା ସହ ସେମାନଙ୍କ ପାଖରୁ ଗୋଟିଏ ସ୍କୁଟି ଜବତ କରିଛି ।
