Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||
  • ଖଲ୍ଲିକୋଟ : ପାଖେଇ ଆସୁଛି ‘ଜଓ୍ବାଦ’, ଡଙ୍ଗା ଓ ଜାଲ ନଷ୍ଟ ହେବା ଆଶଙ୍କାରେ ମତ୍ସ୍ୟଜୀବୀ
  • ||

ଦୀପାବଳି ଗଧ ମେଳା: ୨ଦିନରେ ୨୦ କୋଟିର କାରବାର, ସର୍ବାଧିକ ବୋଲି ଲାଗିଛି ୧ଲକ୍ଷ ୨୫ ହଜାର ଟଙ୍କା, ଜାଣନ୍ତୁ କାହା ଉପରେ

5/11/2021 at 8:59 PM

ଚିତ୍ରକୁଟ ୫।୧୧: ଦୀପାବଳିରେ ପ୍ରତିବର୍ଷ ମନ୍ଦାକିନୀ କୂଳରେ ଅନୁଷ୍ଠିତ ହେଉଥିବା ୫ ଦିନିଆ ଗଧମେଳାରେ ଏବେ ଜୋରଦାର କିଣାବିକା ହେଉଛି। ଗୁରୁବାର ଦୀପାବଳିରେ ଏଠାରେ ଦୀପିକା ନାମକ ଏକ ମାଈ ଗଧ ସର୍ବାଧିକ ୧ ଲକ୍ଷ ୨୫ ହଜାର ଟଙ୍କାରେ ବିକା ହୋଇଛି। ଗତ ୨ ଦିନରେ ଏଠାରେ ୯ ହଜାର ଗଧ ବିକ୍ରି ହୋଇଥିବା ବେଳେ ଏପର୍ଯ୍ୟନ୍ତ ମୋଟ ୨୦ କୋଟିର କାରବାର ହୋଇଥିବା ଜଣାପଡିଛି। ମେଳାରେ କେବଳ ଗଧ ନୁହନ୍ତି ଖଚର ବି ବିକା ହୁଅନ୍ତି। ଦେଶ ତଥା ଦେଶ ବାହାରୁ ମେଳାକୁ ଲୋକେ ଗଧ ଓ ଖଚର କିଣିବାକୁ ଆସିଥାନ୍ତି।

ଏହି ବାର୍ଷିକ ମେଳାରେ ଉତ୍ତରପ୍ରଦେଶ, ଛତିଗଡ଼, ବିହାର, ଝାରଖଣ୍ଡ ଓ ନେପାଳର ଲୋକେ ଗଧ କିଣାବିକା କରିଥାନ୍ତି। ମେଳାରେ ଗଧଙ୍କ ନିଲାମ ଡକାଯାଏ ଓ ଯିଏ ସର୍ବାଧିକ ବୋଲି ଲଗାନ୍ତି ସେ ଅର୍ଥ ପୈଠ କରି ପଶୁ କିଣି ନିଅନ୍ତି। ଏଠାରେ ଗଧ ଓ ଖଚର ୧ ହଜାରରୁ ଆରମ୍ଭ କରି ୫ ଲକ୍ଷ ଟଙ୍କାରେ ବିକ୍ରି ହୋଇଥାନ୍ତି। ଏହି ମେଳାରେ ଗଧଙ୍କ ପ୍ରାୟ ପ୍ରଜାତି ମିଳିଯାଆନ୍ତି। ବେପାରୀ ଦର ଉପରେ ଡିସ୍କାଉଣ୍ଟ ଦେବା ସହ ଆକର୍ଷଣୀୟ ଅଫର ମଧ୍ୟ ଦେଉଛନ୍ତି।

ବେପାରୀ ସେମାନଙ୍କ ବେପାର ଲାଗି ଗଧମାନଙ୍କ ଆକର୍ଷଣୀୟ ନାମକରଣ ବି କରିଛନ୍ତି।  ଏଠାରେ ଶାହରୁଖ, ସଲମାନ ଆଦି ସିନେତାରକାଙ୍କ ନାମରେ ଗଧବି ବିକା ହେବାକୁ ଆସିଛନ୍ତି।  ଏଥର ଦୀପିକା ନାମରେ ଏକ ମାଈ ଗଧ ଏପର୍ଯ୍ୟନ୍ତ ସବୁଠୁ ଅଧିକ ଦର ୧ଲକ୍ଷ ୨୫ ହଜାର ଟଙ୍କାରେ ବିକ୍ରି ହୋଇଥିବା ଜଣାପଡିଛି। ମେଳାରେ ବିକ୍ରି ଲାଗି ପ୍ରାୟ ୧୫ ହଜାର ଗଧ ଓ ଖଚରଙ୍କୁ ଠୁଳ କରାଯାଇଛି। ଏଥିରୁ ଦୁଇ ଦିନରେ ୯ ହଜାର ପଶୁ ବିକ୍ରି ହୋଇଥିବା ଜଣାପଡିଛି।

ଏଠାରେ ଗଧ ମେଳା ନୂଆ ନୁହେଁ। ମୋଗଲ ଶାସନରେ ଆଉରଙ୍ଗ ଜେବଙ୍କ କାଳରୁ ଏଠାରେ ଗଧମେଳା ଅନୁଷ୍ଠିତ ହୋଇ ଆସୁଛି। ମୋଗଲ ବାଦଶାହ ଆଉରଙ୍ଗ ଜେବ ହିଁ ଏହି ମେଳା ପ୍ରାରମ୍ଭ କରିଥିଲେ। ସେନାରେ ଘୋଡା ଓ ଭାରବାହୀ ପ୍ରାଣୀଙ୍କ ଅଭାବ ପୁରଣ ଲାଗି ବାଦଶାହ ଏହି ମେଳା ଆୟୋଜନ କରିଥିଲେ। ସେବେଠାରୁ ଏଠାରେ ଗଧମେଳା ଅନୁଷ୍ଠିତ ହୋଇ ଆସୁଥିବା ବେଳେ ପରବର୍ତ୍ତି ସମୟରେ ସ୍ଥାନୀୟ ଓ ବାହାରର ଚାଷୀ ସେମାନଙ୍କ ଚାଷ ଓ ପରିବହନ ଆବଶ୍ୟକତା ଲାଗି ଏଠାରୁ ପଶୁ କିଣିବାକୁ ପହଞ୍ଚୁଛନ୍ତି।

   Related Posts