Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||
  • ଦିଲ୍ଲୀରେ ଭାଇ-ଭାଉଜଙ୍କୁ ହାଣି ଫିଙ୍ଗିଦେଲା ସାନ ଭାଇ, ୬୦କି.ମି. ଦୂରରୁ ଉଦ୍ଧାର ହେଲା ମୃତଦେହ
  • ||
  • ଯାଜପୁରରେ କାର୍‌-ଟ୍ରକ୍‌ ମୁହାଁମୁହିଁ ଧକ୍କା, ଯନ୍ତ୍ରୀଙ୍କ ସହ ଚାଲିଗଲା ୨ ଜଣଙ୍କ ଜୀବନ, ୨ ଗୁରୁତର
  • ||
  • ପଶ୍ଚିମବଙ୍ଗ-ବାଂଲାଦେଶକୁ ମୁହାଁଇଲା ଭୀଷଣ ଅବପାତ, ୫ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ମୁମ୍ବାଇ ସିଟି ସେଣ୍ଟର ମଲ୍‌ରେ ଭୟାବହ ଅଗ୍ନିକାଣ୍ଡ, ମଲ୍‌ରେ ଥିଲେ ପ୍ରାୟ ୩୦୦ ଲୋକ
  • ||

ଚିରାଗ କହିଲେ, ‘ମୁଁ ମୋଦୀଙ୍କ ହନୁମାନ’, ବିଜେପି କଲା ତାତ୍ସଲ୍ୟ, ‘ତମେ ଭୋଟ ବିଭାଜନକାରୀ’

16/10/2020 at 11:00 PM

ପାଟନା, ୧୬|୧୦:  ବିହାର ବିଧାନସଭା ନିର୍ବାଚନ ପାଇଁ ଏନଡିଏଠୁ ଅଲଗା ହୋଇ ନିର୍ବାଚନ ଲଢୁଥିବା ଲୋକ ଜନଶକ୍ତି ପାର୍ଟିର ନେତା ଚିରାଗ ପାଶଓ୍ୱାନ ନିଜକୁ ମୋଦୀଙ୍କୁ ହନୁମାନ ବୋଲି କହିଛନ୍ତି । ବିହାରରେ ବିଜେପି ଓ ଏଲଜେପି ସରକାର ହେଉ ବୋଲି ସେ ଚାହୁଁଥିବା ପ୍ରକାଶ କରିଛନ୍ତି ।

ଏକ ସାକ୍ଷାତକାରରେ ଚିରାଗ କହିଛନ୍ତି ଯେ, ସେ ମୋଦୀଙ୍କ ସହ ରହିଛନ୍ତି ଓ ରହିବେ । ପ୍ରଧାନମନ୍ତ୍ରୀଙ୍କ ଫଟୋକୁ ବ୍ୟବହାର କରିବା ଭୁଲ ନୁହେଁ ବୋଲି ସେ କହିଛନ୍ତି । କାରଣ ସେ ନିର୍ବାଚନୀ ପ୍ରଚାରରେ ମୋଦଙ୍କ ଫଟୋ ଲଗାଇବାକୁ ନେଇ ବିବାଦ ହୋଇଥିଲା । ଯାହାର ସେ ଜବାବ ଦେଇଛନ୍ତି ।

ସେ ଆହୁରି କହିଛନ୍ତି ଯେ, ତାଙ୍କ ହୃଦୟରେ ମୋଦୀ ଅଛନ୍ତି । ସେ ତାଙ୍କର ହନୁମାନ ଅଟନ୍ତି । ଏପରିକି ଛାତି ଚିରିଦେଲେ ମୋଦୀ ଅଛନ୍ତି ବୋଲି ଚିରାଗ କହିଛନ୍ତି । ନୀତିଶ କୁମାରଙ୍କୁ ସେ ଟାର୍ଗେଟ କରି କହିଛନ୍ତି ଯେ, ଧାରା ୩୭୦, ସିଏଏ, ଏନଆରସି ପ୍ରସଙ୍ଗରେ ନୀତିଶ ମୋଦୀଙ୍କୁ ବିରୋଧ କରିଥିଲେ । ୧୦ ତାରିଖରେ ବିହାରରେ ଡବଲ ଇଞ୍ଜିନ ସରକାର ହେବ । ବିହାରରେ ବିଜେପି ନେତୃତ୍ୱରେ ବିଜେପି-ଏଲଜେପି ସରକାର ହେବ ବୋଲି ସେ ଦୃଢୋକ୍ତି ବାଢିଛନ୍ତି ।

ତେବେ ଏହାର ଜବାବ ଦେଇଛନ୍ତି ବିଜେପି ନେତା ଭୁପେନ୍ଦର ଯାଦବ । ଭୁପେନ୍ଦର କହିଛନ୍ତି ଯେ, ପାଶଓ୍ୱାନ ମିଛ କହୁଛନ୍ତି । ସେ ଭୋଟ ଭାଗ ଭାଗ ପାଇଁ ଚେଷ୍ଟା କରୁଥିବା ଭୁପେନ୍ଦର କହିଛନ୍ତି ।

   Related Posts