ନୂଆଦିଲ୍ଲୀ, ୨୦/୦୫:କରୋନା ଭାଇରସ ଆରୋସଲ ଓ ଡ୍ରପଲେଟ୍ସ ଦ୍ୱାରା ଦ୍ରୁତ ଗତିରେ ବ୍ୟାପିଥାଏ । ଏହି ଡ୍ରପଲେଟ୍ ବାୟୁରେ ୧୦ ମିଟର ଯାଏଁ ଯାଇପାରିବ । ଏନେଇ ସତର୍କ କରାଇବା ସହ ଆଡଭାଇଜାରୀ ଜାରି କରିଛନ୍ତି ଭାରତ ସରକାର । ସରକାରଙ୍କ ମୁଖ୍ୟ ବୈଜ୍ଞାନିକ ପରାମର୍ଶଦାତା ଏନେଇ ସୂଚନା ଦେଇଛନ୍ତି ।
ସେ କହିଛନ୍ତି ଯେ, ଆରୋସୋଲ ବାୟୁରେ ୧୦ ମିଟର ଯାଏଁ ଯାଇପାରେ । ସେହିପରି ସଂକ୍ରମିତ ବ୍ୟକ୍ତିଙ୍କ ଡ୍ରପଲେଟ୍ ୨ ମିଟର ପରିଧି ଯାଏଁ ପଡିଥାଏ । ଯଦି କୌଣସି ବ୍ୟକ୍ତି ପଜିଟିଭ୍ ହୋଇ ମଧ୍ୟ ଲକ୍ଷଣ ନଥାଏ ତେବେ ମଧ୍ୟ ତାଙ୍କଠାରୁ ଡ୍ରପଲେଟ୍ ବାହାରିଥାଏ । ଯାହା ଅନ୍ୟମାନଙ୍କୁ ସଂକ୍ରମିତ କରିବାରେ ସାହାଯ୍ୟ କରିଥାଏ । ଏହାକୁ ରୋକିବା ପାଇଁ ସରକାର ଗାଇଡଲାଇନ୍ ମଧ୍ୟ ଜାରି କରିଛନ୍ତି ।
wp:html/wp:htmlThe advisory highlights the important role well-ventilated spaces play in diluting the viral load of infected air in poorly ventilated houses, offices etc. Ventilation can decrease the risk of transmission from one infected person to the other. pic.twitter.com/9oc52EtGAv
— ANI (@ANI) May 20, 2021
ଗାଇଡଲାଇନ୍ ଅନୁସାରେ, ସଂକ୍ରମିତଙ୍କ ଦ୍ୱାରା ନିଶ୍ୱାସ ଛାଡିବା, କଥା ହେବା, ଗାଇବା, ହସିବା, କାଶ ଓ ଛିଙ୍କ ଦ୍ୱାରା ଡ୍ରପଲେଟ୍ ସୁସ୍ଥ ବ୍ୟକ୍ତିଙ୍କ ନାକ ଓ ପାଟି ସାହାଯ୍ୟରେ ଶରୀରରେ ପ୍ରବେଶ କରିଥାଏ । ଏଥିରୁ ବର୍ତ୍ତିବା ପାଇଁ ଲୋକେ ଡବଲ୍ ମାସ୍କ କିମ୍ବା ଏନ୯୫ ମାସ୍କ ପିନ୍ଧିବା ଆବଶ୍ୟକ । ଲୋକମାନେ କରୋନା ମୁକାବିଲା ପାଇଁ ସ୍ଥାନୀୟ ପ୍ରଶାସନକୁ ସହଯୋଗ କରିବା ଉଚିତ୍ । ସ୍ୱଚ୍ଛତା ଅବଲମ୍ବନ କରିବା ଆବଶ୍ୟକ ।
ସେହିପରି ଘରେ ବାୟୁ ଚଳାଚଳ ଠିକ୍ ଭାବେ ହେଲେ ସଂକ୍ରମଣ ବିପଦ ହ୍ରାସ ପାଏ । ଘରେ ସେଣ୍ଟ୍ରାଲ ଏୟାର ଫିଲ୍ଟରରେ ସୁଧାର କରିବା ଆବଶ୍ୟକ । ଅଫିସ, ଅଡିଟୋରିୟମ, ସପିଂ ମଲରେ ରୁଫ୍ ଭେଣ୍ଟିଲେଟର୍ ଉପଯୋଗ କରିବା ପାଇଁ ପରାମର୍ଶ ଦିଆଯାଇଛି । ଏପରିକି ଫ୍ୟାନ୍କୁ ମଧ୍ୟ ଠିକ୍ ସ୍ଥାନରେ ଲଗାଇବା ଆବଶ୍ୟକ ଯେପରି ଏହା ଦୂଷିତ ବାୟୁ ସଂସ୍ପର୍ଶରେ ନ ଆସେ ।