Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଶବରାଜ ବୋମାଇ ହେବେ କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ, ପ୍ରସ୍ତାବ ଦେଲେ ୟେଦିୟୁରପ୍ପା
  • ||
  • ସିରିଜ୍ ଅଧାରୁ କୋଭିଡ୍ ସଂକ୍ରମିତ ହେଲେ ଭାରତୀୟ ଅଲରାଉଣ୍ଡର କ୍ରୁନାଲ ପାଣ୍ଡ୍ୟା, ଭାରତ-ଶ୍ରୀଲଙ୍କା ଦ୍ବିତୀୟ ଟ୍ବେଣ୍ଟି ଟ୍ବେଣ୍ଟି ବାତିଲ
  • ||
  • ଦେଶରେ କମୁଛି ସଂକ୍ରମଣ : ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ ପଜିଟିଭ୍, ୪୧୫ ମୃତ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୦ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୨୯ କରୋନା ପଜିଟିଭ୍
  • ||
  • ମୟୂରଭଞ୍ଜ : ଗାଧୋଇବା ବେଳେ ଖସିଗଲା ଗୋଡ, ପୋଖରୀରେ ବୁଡି ୨ ଶିଶୁ ମୃତ
  • ||
  • ସମ୍ବଲପୁର : ଯୁବକଙ୍କୁ ନିର୍ମମ ଭାବେ ହତ୍ୟା, ଉଦ୍ଧାର ହେଲା ରକ୍ତ ଜୁଡୁବୁଡୁ ମୃତଦେହ
  • ||

ଝଟ୍‌କା ପରେ ଝଟ୍‌କା : କମିଲା ସ୍ମାର୍ଟଫୋନ୍‌ ବ୍ରାଣ୍ଡର ବଜାର ଅଂଶ, ଜୁନ୍‌ ତ୍ରୟମାସରେ ୭୨%କୁ ହ୍ରାସ

26/07/2020 at 1:57 PM

ବେଙ୍ଗାଲୁରୁ ୨୬।୦୭: ଝଟ୍‌କା ପରେ ଝଟ୍‌କା । ଭାରତ ବଜାରରୁ କ୍ରମାଗତ ଭାବେ  ଝଟ୍‌କା ପାଇଚାଲିଛି ଚୀନ୍‌ । ଏପ୍ରିଲ-ଜୁନ୍‌ ତ୍ରୟମାସରେ ଭାରତୀୟ ବଜାରରେ ଚୀନି ସ୍ମାର୍ଟଫୋନ୍‌ ବ୍ରାଣ୍ଡଗୁଡ଼ିକର ବଜାର ଅଂଶ ୭୨%କୁ ହ୍ରାସ ପାଇଛି । ପୂର୍ବ ତ୍ରୟମାସରେ ଏହା ୮୧% ଥିଲା । ଦେଶରେ ଚୀନ୍‌-ବିରୋଧୀ ଅଭିଯାନ ଏବଂ କୋଭିଡ୍‌-୧୯ ଯୋଗୁ ଚାଇନିଜ୍‌ ଫୋନ୍‌ଗୁଡ଼ିକର ଚାହିଦା ବହୁ ମାତ୍ରାରେ ସଙ୍କୁଚିତ ହୋଇଥିବା ବଜାର ବିଶେଷଜ୍ଞମାନେ ପ୍ରକାଶ କରିଛନ୍ତି ।

ଗବେଷଣା କମ୍ପାନି କାଉଣ୍ଟର ପଏଣ୍ଟର ରିପୋର୍ଟ ଅନୁସାରେ ଦେଶର ସ୍ମାର୍ଟଫୋନ୍‌ ବଜାରରେ ଓପୋ, ଭିଭୋ ଏବଂ ରିୟଲ୍‌ମି ଆଦି କମ୍ପାନିଗୁଡିକର ଦବ୍‌ଦବା ରହିଥାଏ । କିନ୍ତୁ ଏପ୍ରିଲ-ଜୁନ୍‌ ତ୍ରୟମାସରେ ଏମାନଙ୍କ ବଜାର ଅଂଶ ସଙ୍କୁଚିତ ହୋଇଛି ।

ଶୁକ୍ରବାର ଜାରି ହୋଇଥିବା ଏକ ରିପୋର୍ଟ ଅନୁସାରେ ଏପ୍ରିଲ-ଜୁନ୍‌ ତ୍ରୟମାସରେ ଦେଶରେ ସ୍ମାର୍ଟଫୋନ୍‌ ବିକ୍ରି ଗତ ବର୍ଷ ତୁଳନାରେ ୫୧% ହ୍ରାସ ପାଇଛି । ୧.୮ କୋଟି ୟୁନିଟ୍‌ରୁ ସାମାନ୍ୟ ଅଧିକ ସ୍ମାର୍ଟଫୋନ୍‌ ଏହି ସମୟରେ ଦେଶରେ ବିକ୍ରି ହୋଇଛି । ଏପ୍ରିଲରୁ ମେ’ ପର୍ଯ୍ୟନ୍ତ ଦେଶରେ ସମ୍ପୂର୍ଣ୍ଣ ଲକ୍‌ଡାଉନ୍‌ ଥିଲା । ଏହା ସ୍ମାର୍ଟଫୋନ୍‌ ବିକ୍ରିକୁ ପ୍ରଭାବିତ କରିଥିବା ବଜାର ବିଶେଷଜ୍ଞମାନେ ପ୍ରକାଶ କରିଛନ୍ତି ।

ଦେଶରେ ଚୀନ୍‌-ବିରୋଧୀ ଅଭିଯାନ ଜୋର ଧରିବା ଫଳରେ ଲୋକେ ଚାଇନିଜ୍‌ ବ୍ରାଣ୍ଡ୍‌ ବିମୁଖ ହୋଇଛନ୍ତି । ସରକାର ମଧ୍ୟ ଚୀନ୍‌ ବିରୋଧରେ କଡ଼ା ଆର୍ଥିକ ପଦକ୍ଷେପ ଗ୍ରହଣ କରିଛନ୍ତି । ୫୦ରୁ ଊଦ୍ଧ୍ୱର୍ ଚାଇନିଜ୍‌ ଆପ୍‌ ଉପରେ ପ୍ରତିବନ୍ଧକ ଲଗାଯାଇଛି । ଚୀନ୍‌ରୁ ଆସୁଥିବା ସାମଗ୍ରୀଗୁଡ଼ିକୁ ବନ୍ଦରମାନଙ୍କରେ କଡ଼ା ଯାଞ୍ଚ କରାଯାଉଛି । ଟେଲିକମ୍‌, ରାଜପଥ ଏବଂ ରେଳ ପ୍ରକଳ୍ପଗୁଡିକରୁ ଚୀନ୍‌ କମ୍ପାନିଗୁଡିକୁ ନିରାଶ ହେବାକୁ ପଡ଼ିଛି । ସୂଚନାଯୋଗ୍ୟ, ଗଲୱାନ ଘାଟିରେ ଭାରତ-ଚୀନ୍‌ ମଧ୍ୟରେ ଉତ୍ତେଜନା ପରେ ଦେଶରେ ଚୀନ୍‌-ବିରୋଧୀ ସ୍ୱର ଜାରି ରହିଛି।

   Related Posts