Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁର୍କୀରେ ବଡ ଧରଣର ଭୂକମ୍ପ ପରେ ସୁନାମି: ପ୍ରକୃତି ରଚିଲା ତାଣ୍ଡବଲୀଳା, ୬ ମୃତ, ୨୦୦ରୁ ଉର୍ଦ୍ଧ୍ଵ ଆହତ
  • ||
  • ବିଜେପିକୁ ତିର୍ତ୍ତୋଲବାସୀ ନିଶ୍ଚୟ ଜିତାଇବେ ଏବଂ ପ୍ରଧାନମନ୍ତ୍ରୀଙ୍କ ହାତମୁଠାକୁ ଟାଣ କରିବେ- ଧର୍ମେନ୍ଦ୍ର
  • ||
  • PL 2020: ଗର୍ଜିଲା କ୍ରିସ୍ ଗେଲଙ୍କ ବ୍ୟାଟ୍, ରାଜସ୍ଥାନ ସମ୍ମୁଖରେ ୧୮୬ ରନର ବିଜୟ ଲକ୍ଷ୍ୟ ରଖିଲା କିଙ୍ଗ୍ସ ଏକାଦଶ ପଞ୍ଜାବ
  • ||
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||

ତାଇଓ୍ଵାନକୁ ନାଲି ଆଖି ଦେଖାଇଲା ଚୀନ, ଲଢୁଆ ବିମାନ ଉଡାଇ ଦେଲା ଚେତାବନୀ

9/06/2020 at 9:06 PM

ନୂଆଦିଲ୍ଲୀ ୦୯।୦୬: ତାଇଓ୍ଵାନ ଓ ଚୀନ ବିବାଦ ଜାରି ରହିଛି। ଚୀନ ତାଇଓ୍ଵାନକୁ ନିଜର ଅଞ୍ଚଳ ବୋଲି ଦାବି କରୁଛି। ଏହା ମଧ୍ୟରେ ତାଇଓ୍ଵାନ ବାୟୁ କ୍ଷେତ୍ରରେ ଚୀନ ଲଢୁଆ ବିମାନ ଉଡାଇ ନାଲି ଆଖି ଦେଖାଇ ଚେତାବନୀ ଦେଇଛି। ଏହା ପରେ ତାଇଓ୍ଵାନ ବାୟୁସେନା ଚୀନର ଅନୁପ୍ରବେଶକାରୀ ବିମାନକୁ ଘଉଡାଇଥିବା ତାଇଓ୍ଵାନ ମନ୍ତ୍ରଣାଳୟ ପକ୍ଷରୁ କୁହାଯାଇଛି।

ତାଇଓ୍ଵାନ ପ୍ରତିରକ୍ଷା ମନ୍ତ୍ରଣାଳୟ କହିଛି, ଦକ୍ଷିଣ-ପଶ୍ଚିମ କ୍ଷେତ୍ରରେ ଅନେକ ଚୀନ ସୁ-୩୦ ଲଢୁଆ ବିମାନକୁ ଘଉଡାଇବା ଲାଗି ତାଇଓ୍ଵାନ ବାୟୁସେନା ସକ୍ରିୟତା ଦେଖାଇଥିଲା। ତାଇଓ୍ଵାନ ପକ୍ଷରୁ ବିଜ୍ଞପ୍ତିରେ କୁହାଯାଇଛି ଯେ, ତାଇଓ୍ଵାନ ଜଳଡମରୁ ମଧ୍ୟ ଓ ଏହାର ଆଖପାଖ ସମୁଦ୍ର ଓ ବାୟୁ କ୍ଷେତ୍ରରେ ନଜର ରଖିଛି। ନିଜର ଆଞ୍ଚଳିକ ସୁରକ୍ଷା ଲାଗି ଆବଶ୍ୟକ ପଦକ୍ଷେପ ନିଆଯାଉଛି।

କରୋନା ଭାଇରସ୍‌ ସଙ୍କଟ ମଧ୍ୟରେ ଚୀନ ତାଇଓ୍ଵାନ ଅଭିମୁଖେ ନିଜର ପାଦ ବଢାଇଛି। ଏହା ପୂର୍ବରୁ ଫେବୃଆରୀ ୧୦ରେ ଏକ ଚୀନୀ ଜେଟ୍‌ ତାଇଓ୍ଵାନର ମିଡ୍‌ଲାଇନ୍‌ ରେଖା ଉପରେ ଅତିକ୍ରମ କରିଛି। ଗତ ବର୍ଷ ମାର୍ଚ୍ଚରେ ଦୁଇଟି ଚାଇନିଜ୍ ଜେ-୧୧ ଲଢୁଆ ବିମାନ ତାଇଓ୍ଵାନ ବାୟୁସୀମାରେ ଅନୁପ୍ରବେଶ କରିଥିଲା। ତାଇଓ୍ଵାନ କହିଥିଲା ଯେ, ଚୀନର ଏହା ବେପରୁଆ ଓ ଉସୁକାଇବା ପରି ପଦକ୍ଷେପ ଥିଲା।

ଚୀନ ଦାବି କରି ଆସୁଛି ଯେ, ତାଇଓ୍ଵାନ ହେଉଛି ତାର ଏକ ବିଦ୍ରୋହୀ ପ୍ରଦେଶ। ଚୀନ ଏହାକୁ ନିଜ ଦେଶରେ ସାମିଲ କରାଇବାକୁ ପଣ କରିଛି। କିନ୍ତୁ ତାଇଓ୍ଵାନ ରାଷ୍ଟ୍ରପତି ସାଇ ଇଙ୍ଗ- ଓ୍ଵେନ ଖୋଲାଖୋଲି କହିଛନ୍ତି ଯେ, ତାଇଓ୍ଵାନର ସ୍ଵତନ୍ତ୍ର ପରିଚୟ ରହିଛି।

ଗତ ଡିସେମ୍ବରରେ ଚୀନୀ ସେନା ତାଇଓ୍ଵାନ ରାଷ୍ଟ୍ରପତି ନିର୍ବାଚନ ପରେ ପରେ ଏକ ବିମାନ ବାହକ ଜାହାଜ ପଠାଇଥିଲା। ସେହି ସମୟରେ ରାଷ୍ଟ୍ରପତି ସାଇ ଇଙ୍ଗ- ଓ୍ଵେନ ବିପୁଳ ଭୋଟରେ ବିଜୟୀ  ହୋଇଥିଲେ।

   Related Posts