Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଚାଇନା ‘ବ୍ୟାଟ୍ ଓମ୍ୟାନ’ଙ୍କ ଚେତାବନୀ : ‘କରୋନା ଭାଇରସ୍ ଏକ ଆରମ୍ଭ ମାତ୍ର, ପୁଣି ବ୍ୟାପିପାରେ ଆହୁରି ଭୟଙ୍କର ଭାଇରସ’

26/05/2020 at 6:53 PM

ବେଜିଙ୍ଗ ୨୬/୦୫ : ସାରା ଦୁନିଆରେ ‘ବ୍ୟାଟ୍ ଓମ୍ୟାନ’ ନାମରେ ପରିଚିତ ଚୀନର ପ୍ରମୁଖ ବୟୋରୋଲୋଜିଷ୍ଟ ସି ଝେଙ୍ଗଲି ସରକାରୀ ଟିଭିରେ ଏକ ସାକ୍ଷାତକାରରେ ନୂଆ ଭାଇରସ ବିସ୍ତାର ନେଇ ଚେତାବନୀ ଦେଇଛନ୍ତି | ସେ କହିଛନ୍ତି ଯେ କରୋନା ଭାଇରସ ଏକ ଆରମ୍ଭ ମାତ୍ର | ସରକାରୀ ଟିଭି ‘CGTN’ କୁ ସେ କହିଛନ୍ତି ଯେ ଯଦି ମାନବ ଜାତିକୁ କୌଣସି ସଂକ୍ରମଣ ରୋଗରୁ ରକ୍ଷା କରିବାର ଅଛି ତାହେଲେ ଆମକୁ ପୂର୍ବରୁ ହିଁ ସତର୍କ ରହିବାକୁ ପଡିବ | ବନ୍ୟଜନ୍ତୁଙ୍କ ଦ୍ୱାରା ବ୍ୟାପୁଥିବା ଅଜଣା ଭାଇରସ ସମ୍ପର୍କରେ ଜାଣିବା ଆବଶ୍ୟକ | ଏ ସମ୍ପର୍କରେ ଯଦି ଅଧ୍ୟୟନ ନ କରିବା, ଗବେଷଣା ନ କରିବା ତାହେଲେ ପୁଣି ଆଉ ଏକ ନୂଆ ସଂକ୍ରମଣ ଆରମ୍ଭ ହେବ |

ବାଦୁଡ଼ିରୁ ମିଳିଥିବା କରୋନା ଭାଇରସ ଉପରେ ଗବେଷଣା କରିଥିବା ଏହି ବୟୋରୋଲୋଜିଷ୍ଟ କରୋନା ମହାମାରୀ ବିରୋଧରେ ଅନ୍ତରାଷ୍ଟ୍ରୀୟ ସ୍ଥରରେ ସହଯୋଗ କରିବାକୁ କହିଛନ୍ତି | ୱୁହାନ୍ ଇନଷ୍ଟିଚ୍ୟୁଟ୍ ଅଫ୍ ବୟୋରୋଲୋଜିର ଡେପୁଟି ନିର୍ଦେଶକ ଝେଙ୍ଗଲି ବୈଜ୍ଞାନିକଙ୍କ ରାଜନୀତିକୁ ଦୁଃଖଦ ବୋଲି କହିଛନ୍ତି | ସେ କହିଛନ୍ତି ଯେ ଭାଇରସ ଉପରେ ଗବେଷଣା କରିବା ପାଇଁ ଉଭୟ ବୈଜ୍ଞାନିକ ଓ ସରକାରଙ୍କୁ ପାରଦର୍ଶୀ ହେବା ଆବଶ୍ୟକ | 

ସୂଚନାଯୋଗ୍ୟ ଯେ, ଦୁନିଆରେ ବର୍ତ୍ତମାନ ସୁଦ୍ଧା କରୋନା ସଂକ୍ରମଣ ମାମଲା ୫୫ ଲକ୍ଷ ୮୪ ହଜାର ୨୦୦ ରୁ ଅଧିକ ହୋଇସାରିଲାଣି | ଗତ ୨୪ ଘଣ୍ଟାରେ ୩ ହଜାରରୁ ଅଧିକ ସଂକ୍ରମିତଙ୍କ ମୃତ୍ୟୁ ହୋଇଛି | ବର୍ତ୍ତମାନ ସୁଦ୍ଧା ମୋଟ ୩ ଲକ୍ଷ ୪୭ ହଜାର ୬୦୦ ଜଣ କରୋନାରେ ପ୍ରାଣ ହରାଇ ସାରିଛନ୍ତି | ଅପରପକ୍ଷରେ କରୋନା ଭାଇରସ ପ୍ରସଙ୍ଗକୁ ନେଇ ଆମେରିକା ଓ ଚୀନ ମଧ୍ୟରେ ତିକ୍ତତା ବୃଦ୍ଧି ପାଇବାରେ ଲାଗିଛି | ଆମେରିକା ରାଷ୍ଟ୍ରପତି ଟ୍ରମ୍ପ ଓ ବୈଦେଶିକ ମନ୍ତ୍ରୀ ମାଇକଲ କହିଛନ୍ତି ଯେ ସାରା ଦୁନିଆକୁ ପ୍ରଭାବିତ କରିଥିବା କରୋନା ଭାଇରସ ୱୁହାନ୍ ଲ୍ୟାବରୁ ବିସ୍ତାର କରିଛି | କିନ୍ତୁ ଚୀନ ଏହି ଅଭିଯୋଗକୁ ଖଣ୍ଡନ କରିଛି | ୱୁହାନ୍ ଇନଷ୍ଟିଚ୍ୟୁଟ୍ ଅଫ୍ ବୟୋରୋଲୋଜି ମଧ୍ୟ ଏହି ଅଭିଯୋଗକୁ ଆଧାରଶୁନ୍ୟ ବୋଲି କହିଛି |

   Related Posts