Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ନେପାଳ: ଓଲିଙ୍କୁ ହଟାଇ ପ୍ରଚଣ୍ଡଙ୍କୁ ପ୍ରଧାନମନ୍ତ୍ରୀ କରିବାକୁ ଅଣ୍ଟାଭିଡିଲା ଡ୍ରାଗନ, ରବିବାର କାଠମାଣ୍ଡୁ ଆସୁଛନ୍ତି ଚୀନ୍ ପ୍ରତିନିଧି ଦଳ

26/12/2020 at 9:16 PM

କାଠମାଣ୍ଡୁ ୨୬।୧୨: ଚୀନ୍‌ କମ୍ୟୁନିଷ୍ଟ ପାର୍ଟି ବୈଦେଶିକ ବିଭାଗର ସବୁଠାରୁ ବରିଷ୍ଠ ଭାଇସ୍‌ ମିନିଷ୍ଟର ଗୋଉ ୟେଝଉ ୪ ସଦସୀୟ ପ୍ରତିନିଧି ମଣ୍ଡଳଙ୍କ ସହ ରବିବାର କାଠମାଣ୍ଡୁ ପହଞ୍ଚୁଥିବାର ଜଣାପଡିଛି। ନେପାଳ କମ୍ୟୁନିଷ୍ଟ ପାର୍ଟିରେ ଲାଗିଥିବା କ୍ଷମତା କନ୍ଦଳରେ ଚୀନ୍‌ ନିଜ ସ୍ୱାର୍ଥ ସୁରକ୍ଷିତ କରିବା ଲାଗି ଏହି ପ୍ରତିନିଧି ମଣ୍ଡଳ ପ୍ରେରଣ କରିଥିବା ବେଳେ ସେମାନେ ପ୍ରଧାନମନ୍ତ୍ରୀ ପଦରେ ପ୍ରଚଣ୍ଡଙ୍କୁ ପୁଣି ଅବସ୍ଥାପିତ କରିବେ ବୋଲି ସୂଚନା ମିଳୁଛି।

ନେପାଳ ପ୍ରଧାନମନ୍ତ୍ରୀ କେ.ପି. ଶର୍ମା ଓଲିଙ୍କ ମନ୍ତ୍ରୀମଣ୍ଡଳ ସଂସଦ ଭଙ୍ଗଲାଗି ସୁପାରିଶ କରି ଚୀନ ଦ୍ୱାରା ସ୍ଥାପିତ ପାର୍ଟିରେ ବିଭାଜନ କରିଦେଇଛନ୍ତି। ଏବେ ନିର୍ବାଚନ ଆୟୋଗଙ୍କ ନିଷ୍ପତ୍ତି ପରେ ବିଭାଜନର ଔପଚାରିକତା ମଧ୍ୟ ସମ୍ପୂର୍ଣ୍ଣ ହୋଇଯିବ। ଏହା ଚୀନ୍‌ ଲାଗି କୌଣସି ଦୁଃସ୍ୱପ୍ନଠାରୁ କମ୍‌ ନୁହେଁ। କାରଣ ଚୀନ୍‌ ତିଆରି କରିଥିବା ପାର୍ଟି ବିଭାଜିତ ହେବା ସହ ନେପାଳ ଶାସନ ଉପରେ ଚୀନର ଅଧିକାର ଦୁର୍ବଳ ହୋଇପଡିଛି। 

ନେପାଳ ଶାସନରେ ହେବାକୁ ଯାଉଥିବା ପରିବର୍ତ୍ତନ ଲାଗି ଚୀନ୍‌ ଏବେ ଓଲିଙ୍କୁ ଦାୟି କରୁଛି। ଏଣୁ ନୂଆ ରଣନୀତିରେ ତାଙ୍କୁ କ୍ଷମତାରୁ ବେଦଖଲ କରି ପ୍ରଚଣ୍ଡଙ୍କୁ ଦେଶର ନୂଆ ପ୍ରଧାନମନ୍ତ୍ରୀ କରିବାକୁ ଯୋଜନା କରିଛି। ଯାହା ଦ୍ୱାରା ଓଲିଙ୍କୁ ରାଜନୈତିକ ଏକଘରକିଆ କରି  କ୍ରମଶଃ ଦେଶର କ୍ଷମତାରୁ ଦୂରେଇ ଦେଇ ହେବ ବୋଲି  ଚୀନ୍‌ ଭାବିଛି।  ପ୍ରତିନିଧି ମଣ୍ଡଳଙ୍କ ନେପାଳ ଗସ୍ତ ଲାଗି କାଠମାଣ୍ଡୁସ୍ଥିତ ଚୀନ୍‌ ରାଷ୍ଟ୍ରଦୂତ ହୋଉ ୟାଙ୍କୀ ଶନିବାର ଗୋଟିଏ ଦିନରେ ପ୍ରଚଣ୍ଡଙ୍କୁ ୩ ଥର ଭେଟି ସାରିଲେଣି।

ପ୍ରଚଣ୍ଡଙ୍କୁ ପ୍ରଧାନମନ୍ତ୍ରୀ କରି ଯେ କୌଣସି ପ୍ରକାରେ ନେପାଳ ସଂସଦ ପୁନର୍ଗଠନ ଏବେ ଚୀନ୍‌ ପାଇଁ  ଆହ୍ୱାନ ପାଲଟିଛି। ଏଥିପାଇଁ ରାଷ୍ଟ୍ରଦୂତ ୟାଙ୍କୀ  ଦିନ ତମାମ ମାଧବ ନେପାଳ, ଝଲନାଥ ଖନଲ, ବାମଦେବ ଗୌତମଙ୍କ ସମେତ ଅନେକ ନେତାଙ୍କୁ ଭେଟିବା ସହ ଚୀନର ଉଦ୍ଦେଶ୍ୟ ସମ୍ପର୍କରେ ସେମାନଙ୍କୁ ଅବଗତ କରାଇଛନ୍ତି। 

ଭଙ୍ଗ ସଂସଦକୁ ପୁନର୍ଗଠନ ଲାଗି ସମର୍ଥନ ଯୋଗାଡ ଉଦ୍ଦେଶ୍ୟରେ ୟାଙ୍କୀ ଜନତା ସମାଜବାଦୀ ପାର୍ଟିର ଡା.ବାବୁରାମ ଭଟ୍ଟରାଇ ଓ ଉପେନ୍ଦ୍ର ଯାଦବଙ୍କୁ ମଧ୍ୟ ଭେଟିଛନ୍ତି।  ଏହି ପାର୍ଟି  ଦେଶରେ ଭାରତର ସମର୍ଥକ ଭାବେ ପରିଚିତ। ତେବେ ଚୀନ୍‌ ରାଷ୍ଟ୍ରଦୂତ ପାର୍ଟିରେ ଅମେଳ କରି ନେତାମାନଙ୍କୁ ନିଜ ମୁତାବକ ରାଜି କରାଇ ନେଇଛନ୍ତି। ତେବେ ୟାଙ୍କୀ ନେପାଳୀ କଂଗ୍ରେସକୁ ମନେଇବାରେ କିନ୍ତୁ ସଫଳ ହୋଇପାରିନାହାନ୍ତି।  କଂଗ୍ରେସ କେ.ପି.ଶର୍ମା ଓଲିଙ୍କ ସଂସଦ ଭଙ୍ଗ ନିଷ୍ପତ୍ତିକୁ ଅସମ୍ବିଧାନିକ କହିଛି। ହେଲେ ଉପୁଜିଥିବା ପରିସ୍ଥିତିରେ ଭଙ୍ଗ ସଂସଦ ଗଠନ ବଦଳେ ତାଜା ଜନାଦେଶ ଲାଗି ନିର୍ବାଚନକୁ ସ୍ୱାଗତ କରିବ ବୋଲି କହିଛି। ଅର୍ଥାତ କଂଗ୍ରେସ ପାର୍ଟି ଚୀନକୁ ପ୍ରସଙ୍ଗରେ ସମର୍ଥନ କରୁନଥିବା ସଫାସଫା କହିଦେଇଛି।

   Related Posts