ବେଜିଂ ୧୫/୦୭ : ନୂଆ ନୂଆ ରେକର୍ଡ ସୃଷ୍ଟି ପାଇଁ ଚୀନ୍ ସାରା ବିଶ୍ୱରେ ପ୍ରସିଦ୍ଧ। ବର୍ତ୍ତମାନ ଚୀନ୍ ମହାକାଶରେ ଧାନ ଉତ୍ପାଦନ କରିବାର ଏକ ନୂଆ ଚମତ୍କାର କରିଛି। ମହାକାଶରେ ଉତ୍ପାଦନ କରିଥିବା ଧାନକୁ ଚୀନ 'ସ୍ପେସ୍ ରାଇସ' ନାମ ନାମ ଦେଇଛି। ଚୀନ୍ ଏହାର ପ୍ରଥମ ଫସଲକୁ ମଞ୍ଜି ଆକାରରେ ପୃଥିବୀକୁ ଆଣିଛି। ବାସ୍ତବରେ ଚୀନ୍ ଗତ ବର୍ଷ ଏହାର ଚନ୍ଦ୍ରୟାନ ସହିତ ମହାକାଶକୁ ଧାନ ମଞ୍ଜି ପଠାଇଥିଲା। ବର୍ତ୍ତମାନ ମହାକାଶଯାନ ମାଧ୍ୟମରେ ୧୫୦୦ ଧାନ ମଞ୍ଜି ପୃଥିବୀକୁ ଆସିଛି। ସେମାନଙ୍କର ଓଜନ ୪୦ ଗ୍ରାମ। ଏଗୁଡିକ ଦକ୍ଷିଣ ଚୀନ୍ କୃଷି ବିଶ୍ୱବିଦ୍ୟାଳୟ ପରିସରରେ ବୁଣାଯିବ।

{"id":481073,"sizeSlug":"large","linkDestination":"none"}

ମହାକାଶରେ ଏହି ମଞ୍ଜିଗୁଡିକ ବ୍ରହ୍ମାଣ୍ଡ ବିକିରଣ ଏବଂ ଶୂନ୍ୟ ମାଧ୍ୟାକର୍ଷଣ ସଂସ୍ପର୍ଶରେ ଆସିଥିଲା ଏବଂ ପରେ ସେମାନଙ୍କୁ ପୃଥିବୀକୁ ଅଣାଯାଇଥିଲା। ସେମାନଙ୍କର ଓଜନ ପ୍ରାୟ ୪୦ ଗ୍ରାମ ଏବଂ ଲମ୍ବ ପ୍ରାୟ ୧ ସେଣ୍ଟିମିଟର। ଗୁଆଙ୍ଗଡୋଙ୍ଗରେ ଥିବା ଦକ୍ଷିଣ ଚୀନ୍ କୃଷି ବିଶ୍ୱବିଦ୍ୟାଳୟର ସ୍ପେସ୍ ପ୍ରଜନନ ଗବେଷଣା କେନ୍ଦ୍ରର ଡେପୁଟି ଡାଇରେକ୍ଟର ଗୁଓ ଟାଓଙ୍କ ଅନୁଯାୟୀ, ସର୍ବୋତ୍ତମ ମଞ୍ଜି ଲାବୋରେଟୋରୀରେ ପ୍ରସ୍ତୁତ ହେବ ଏବଂ ପରେ ସେଗୁଡିକ କ୍ଷେତରେ ରୋପଣ କରାଯିବ।

ସୂଚନାଯୋଗ୍ୟ ଯେ, କିଛି ସମୟ ପାଇଁ ମହାକାଶ ପରିବେଶରେ କିଛି ସମୟ ରହିବା ପରେ ବିହନରେ ଅନେକ ପରିବର୍ତ୍ତନ ଘଟେ ଏବଂ ତାପରେ ସେହି ବିହନ ସେଠାରୁ ଫେରାଇ ଆଣିବା ପୃଥିବୀରେ ବୁଣିବା ଦ୍ୱାରା ଅଧିକ ଅମଳ ହୋଇଥାଏ। ଏହିପରି ପରୀକ୍ଷଣ କେବଳ ଧାନ ସହିତ ନୁହେଁ ଅନ୍ୟ ଫସଲ ସହିତ ମଧ୍ୟ କରାଯାଇଥାଏ। ୧୯୮୭ ରୁ ଚାଇନା ଚାଉଳ ଏବଂ ଅନ୍ୟାନ୍ୟ ଫସଲର ମଞ୍ଜି ମହାକାଶକୁ ନେଇ ଆସୁଛି।

{"id":481074,"width":814,"height":550,"sizeSlug":"large","linkDestination":"none"}

ବ୍ଲୁମବର୍ଗର ରିପୋର୍ଟ ଅନୁଯାୟୀ ଚୀନ୍ ଏପର୍ଯ୍ୟନ୍ତ ୨୦୦ ରୁ ଅଧିକ ଫସଲ ସହିତ ଏଭଳି ପରୀକ୍ଷଣ କରିଛି। ଏହି ଫସଲରେ କପା ଠାରୁ ଟମାଟୋ ପର୍ଯ୍ୟନ୍ତ ସାମିଲ ଅଛି। ଚାଇନାର ଗଣମାଧ୍ୟମ ରିପୋର୍ଟ ଅନୁଯାୟୀ, ୨୦୧୮ ମସିହାରେ ଚାଇନାରେ ୨୪ ଲକ୍ଷ ହେକ୍ଟରରୁ ଅଧିକ ଜମିରେ ଚାଷ ପାଇଁ ମହାକାଶରୁ ଆସିଥିବା ବିହନ ବ୍ୟବହାର କରାଯାଇଥିଲା। ଏପଟେ ଚାଇନାର ସୋସିଆଲ ମିଡିଆ ୟୁଜର୍ସ ମଧ୍ୟ ସ୍ପେସ୍ ରାଇସକୁ ସ୍ୱର୍ଗର ଚାଉଳ ବୋଲି କହୁଛନ୍ତି। ଚୀନ୍ ଚନ୍ଦ୍ରରେ ଏକ ଗବେଷଣା କେନ୍ଦ୍ର ସ୍ଥାପନ କରିବାକୁ ଯୋଜନା କରିଛି।

{"id":481075,"width":722,"height":406,"sizeSlug":"large","linkDestination":"none"}