Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଲଦାଖ ସୀମାରେ ଚୀନର ପୁଣି ଥରେ ଅନୁପ୍ରବେଶ ଉଦ୍ୟମ, ରେଜାଙ୍ଗ ଲାରେ ଦୁଇ ସେନା ମୁହାଁମୁହିଁ, ଉତ୍ତେଜନା ଚରମରେ

8/09/2020 at 3:54 PM

ନୂଆଦିଲ୍ଲୀ ୦୮।୦୯: ଲଦାଖ ସୀମାରେ ଭାରତ ଓ ଚୀନ ମଧ୍ୟରେ ଉତ୍ତେଜନା ବଢିବାରେ ଲାଗିଛି। ସୋମବାର ଘଟଣା ପରେ ପୁଣି ଥରେ ଭାରତ ଓ ଚୀନ ସେନା ମୁହାଁମୁହିଁ ହୋଇଛନ୍ତି। ପାଙ୍ଗଙ୍ଗ୍ ସନ୍ନିକଟ ରେଜାଙ୍ଗ ଲାରେ ଉଭୟ ପକ୍ଷରୁ ପ୍ରାୟ ୪୦-୫୦ ସୈନିକ ସାମ୍ନାସାମ୍ନି ଅଛନ୍ତି। ଫଳରେ ଏଲଏସିରେ ସ୍ଥିତି ଉତ୍ତେଜନାପୂର୍ଣ୍ଣ ରହିଛି।

ଏହି ଅଞ୍ଚଳ ଭାରତୀୟ ସେନାର ଯବାନଙ୍କ ଜବ୍‌ଜାରେ ରହିଛି, ମାତ୍ର ଚୀନ ସେନାର ୪୦-୫୦ ସୈନିକ ଏଠାରେ ଅନୁପ୍ରବେଶ କରିବାକୁ ଉଦ୍ୟମ କରିଛନ୍ତି। ଏହି ଅଞ୍ଚଳରୁ ଭାରତୀୟ ଯବାନଙ୍କୁ ହଟାଇବା ପାଇଁ ଚୀନ ପ୍ରୟାସ କରୁଛି, ଯେମିତି ରେଜାଙ୍ଗ ଲାର ଶିଖରକୁ କବ୍‌ଜା କରିବ। କିନ୍ତୁ ଚୀନ ସେନା ଏଥିରେ ସଫଳ ହୋଇ ନାହିଁ।

ଉଲ୍ଲେଖଯୋଗ୍ୟ, ସୋମବାର ସନ୍ଧ୍ୟାରେ ଚୀନ ପକ୍ଷରୁ ଲଦାଖ ସୀମାରେ ଅନୁପ୍ରବେଶ ଉଦ୍ୟମ ହୋଇଥିଲା। ଭାରତୀୟ ଯବାନ ସେମାନଙ୍କୁ ରୋକିବାରୁ ପିଏଲଏ ଭାରତୀୟ ଯବାନଙ୍କ ଉପରୁ ଗୁଳିଚାଳନା କରିଥିଲେ। ଏହି ଫାୟରିଂରେ ଭାରତୀୟ ସେନାକୁ ଭୟଭୀତ କରିବାକୁ ଉଦ୍ୟମ କରାଯାଇଥିଲା। ମାତ୍ର ଭାରତୀୟ ସେନା ସଂଯମ ରକ୍ଷା କରିଥିଲେ ଏବଂ ଚୀନ ସୈନିକକୁ ଉକ୍ତ ଅଞ୍ଚଳରୁ ଘଉଡାଇଥିଲେ।

ଅଗଷ୍ଟ ୩୦ ଘଟଣା ପରଠୁ ଚୀନ ଅନେକ ଥର ଅନୁପ୍ରବେଶ ଉଦ୍ୟମ କରି ସାରିଛି, ମାତ୍ର ପ୍ରତ୍ୟେକ ଥର ବିଫଳ  ହୋଇଛି। ପ୍ରତିଥର ବିଫଳ ଉଦ୍ୟମ ପରେ ଚୀନ ପକ୍ଷରୁ ଭାରତୀୟ ସେନା ଉପରେ ଅନୁପ୍ରବେଶର ଆରୋପ ଲଗାଉଛି।

ସୋମବାର ଘଟଣା ପରେ ମଧ୍ୟ ଚୀନ ବୈଦେଶିକ ମନ୍ତ୍ରଣାଳୟ, ଚୀନ ସେନା ଓ ଚୀନ ମିଡିଆ ଭାରତ ଉପରେ ଅନୁପ୍ରବେଶ ଉଦ୍ୟମ ଅଭିଯୋଗ କରୁଛନ୍ତି। ମାତ୍ର ଭାରତୀୟ ସେନା ନିଜର ବିବୃତ୍ତିରେ ଚୀନ ମିଥ୍ୟାର ପର୍ଦ୍ଦାଫାଶ କରିଛି।

ଉଲ୍ଲେଖନୀୟ ଭାରତୀୟ ସେନା ଯେବେଠୁ କାଲା ଟପ୍‌, ହେଲମେଟ୍ ଟପ୍ ଓ ପାଙ୍ଗଙ୍ଗ ୪ ଅଞ୍ଚଳର କିଛି ଭାଗ କବ୍‌ଜା କରିଛି ତା ପରଠୁ ଚୀନ ବିଚଳିତ ହୋଇ ପଡିଛି। କାରଣ ଏହି ସବୁ ଇଲାକା ଯୁଦ୍ଧ ଏବଂ ସବୁ ପ୍ରକାରର ସ୍ଥିତି ପାଇଁ ରଣନୈତିକ ଭାବେ ବେଶ୍ ମହତ୍ଵପୂର୍ଣ୍ଣ। ତେଣୁ ଚୀନ ସେନା ଏହି ସବୁ ଅଞ୍ଚଳ ଭାରତ ହାତରୁ ଛଡାଇ ଆଣିବାକୁ ଅହରହ ଉଦ୍ୟମ ଚଳାଇଛି। କିନ୍ତୁ ଡ୍ରାଗନ ସବୁ ଥର ବିଫଳତାର ସ୍ଵାଦ ଚାଖିବାକୁ ପଡୁଛି।

   Related Posts