Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଗରିବ ଦେଶଗୁଡ଼ିକୁ ଋଣ ଜାଲରେ ଫସାଇ ଫାଇଦା ନେଉଛି ଚୀନ: ଆର୍ଥିକ ବିକାଶର ଲୋଭ ଦେଖାଇ ମାରୁଛି ଲାତ

10/10/2020 at 4:56 PM

ନୂଆଦିଲ୍ଲୀ ୧୦/୧୦: ବିଶ୍ବରେ ଏକ ନମ୍ବର ହେବା ନିଶାରେ ଚୀନ ନିଜର ହୀନ ଚକ୍ରାନ୍ତ ଚଳାଇଛି। ନିଜର ସ୍ବାର୍ଥ ସାଧନ ପାଇଁ ଛୋଟ ଛୋଟ ଦେଶକୁ ନିଜ ଆୟତ୍ତରେ ରଖିବାକୁ ଚେଷ୍ଟା କରୁଛି ଚୀନ। ବିଭିନ୍ନ ଦେଶରେ ନିଜର ସାମରିକ ଘାଟି ନିର୍ମାଣ କରୁଥିବା ନେଇ ପେଣ୍ଟାଗନ୍ ରିପୋର୍ଟରୁ ଜଣାପଡ଼ିଥିଲା। କିନ୍ତୁ ଏବେ ଅନେକ ଛୋଟ ଦେଶକୁ ଋଣ ଜାଲରେ ଛନ୍ଦି ଅସୁବିଧାରେ ପକାଉଥିବା ସୂଚନା ମିଳିଛି।

ଚୀନ ନିଜର ବହୁ ପ୍ରଚାରିତ ବେଲ୍ଟ ଆଣ୍ଡ ରୋଡ୍‌ ଇନିସିଏଟିଭ୍‌(ବିଆରଆଇ) ମାଧ୍ୟମରେ ଶ୍ରୀଲଙ୍କା, ଜାମ୍ବିଆ, ଲାଓସ୍‌, ମାଲଦୀପ, କାଙ୍ଗୋ, ପାକିସ୍ତାନ ଭଳି ଦେଶକୁ ଋଣ ଜାଲରେ ଛନ୍ଦି ଆର୍ଥିକ ସଙ୍କଟକୁ ଠେଲି ଦେଉଥିବା ଜଣାପଡ଼ିଛି। ବିଆରଆଇ ଜରିଆରେ ଏହିସବୁ ଦେଶରେ ମୋଟାଅଙ୍କର ନିବେଶ କରି ଆର୍ଥିକ ଅଭିବୃଦ୍ଧିର ଲୋଭ ଦେଖାଉଛି ଚୀନ। ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ଅନୁମୋଦନ ପରେ  ବିଆରଆଇ ଏହିବସୁ ଦେଶରେ ରେଳ ଳାଇନ୍, ବିମାନବନ୍ଦର, ରାଜମାର୍ଗ ଆଦି ନିର୍ମାଣ କରୁଛି। ପରେ ଏହିସବୁ କାର୍ଯ୍ୟ ପାଇଁ ଛୋଟ ଦେଶଗୁଡ଼ିକ ଲକ୍ଷ ଲକ୍ଷ ଆରବ ଡଲାର ଋଣ ଭାରରେ ବୁଡ଼ି ଯାଉଛନ୍ତି।

୨୦୧୭ ଶେଷ ସୁଦ୍ଧା ବିଆରଆଇ କରିଥିବା କାର୍ଯ୍ୟ ପାଇଁ ଜାମ୍ବିଆ ୬.୪ ବିଲିୟନ୍ ଡଲାର ଋଣଭାରରେ ବୁଡ଼ି ରହିଛି। କେବଳ ୭ ବର୍ଷରେ ଚୀନ ପାଖାପାଖି ୭୦ ଦେଶରେ ନିର୍ମାଣ କାର୍ଯ୍ୟ ଜାରି ରଖିଛି। ଶ୍ରୀଲଙ୍କା ନିଜର ହମ୍ବନଟୋଟା ପୋର୍ଟ ହୋଲଡିଙ୍ଗସ୍‌ କମ୍ପାନୀକୁ ୯୯ ବର୍ଷ ପାଇଁ ଚୀନକୁ ଲିଜ୍‌ ଦେଇଥିଲା। କିନ୍ତୁ ଅନ୍ୟ ଦେଶଗୁଡ଼ିକର ଋଣ ପରିମାଣ ଦେଖି ଏବେ ଚିନ୍ତାରେ ଶ୍ରୀଲଙ୍କା ସରକାର।

ମାଲଦୀପ ଉପରେ ୧.୪ ଆରବ ଡଲାର ବାକି ପଡ଼ିଛି। ଏହି ପରିମାଣ ମାଲଦୀପ ପାଇଁ ବହୁତ ବଡ଼। କାରଣ ମାଲଦୀପର ଜିଡିପି କେବଳ ୫.୭ ବିଲିୟନ୍‌ ଡଲାର। ସେହିଭଳି ଜାମ୍ବିଆର ଋଣର ପରିମାଣ ୨୦୧୭ ଶେଷ ସୁଦ୍ଧା ୬.୪ ବିଲିୟନ୍ ଡଲାର। ଯଦି ଚୀନର ଏଭଳି ଅନୁକମ୍ପା ଜାରି ରହେ ତେବେ ଏହା ବଢ଼ି ୧୪.୭ ବିଲିୟନ୍ ଡଲାର୍‌ରେ ପହଞ୍ଚିବ ବୋଲି ସିଏଚଆର ସାଇକଲ୍‌ସନ୍‌ ଇନ୍‌ଷ୍ଟିଚ୍ୟୁଟର ଏକ ଅଧ୍ୟୟନ ରିପୋର୍ଟରୁ ଜଣାପଡ଼ିଛି। ସେପଟେ ପାକିସ୍ତାନର ସ୍ଥିତି ମଧ୍ୟ ସଙ୍ଗୀନ।

ଚୀନ ଛୋଟ ଦେଶଗୁଡ଼ିକୁ ଉତ୍ସାହର ସହ ଋଣ ଦେଉଛି। ବିଆରଆଇରେ ସାମିଲ୍‌ ଥିବା ଦେଶଗୁଡ଼ିକ ପାଇଁ ଏହା ଘାତକ ସାବ୍ୟସ୍ତ ହେବ ବୋଲି ଆର୍ଥିକ ପରାମର୍ଶଦାତା ଡି.କେ. ଶ୍ରୀବାସ୍ତବ କହିଛନ୍ତି।

   Related Posts