Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାୟା ମେଲାଉଛି କରୋନା, ୨୪ ଘଣ୍ଟାରେ ରାଜ୍ୟରେ ୩୧୪୪ ପଜିଟିଭ୍ ଚିହ୍ନଟ
  • ||
  • ପାଟଣା : ହାଇଓ୍ୱାକୁ ପିଟିଲା ଅଟୋ, ୭ ଗୁରୁତର
  • ||
  • ପଶ୍ଚିମବଙ୍ଗ : ଆଜି ପଞ୍ଚମ ପର୍ଯ୍ୟାୟ ନିର୍ବାଚନ, ଭାଗ୍ୟ ନିର୍ଦ୍ଧାରଣ କରିବେ ୩୪୨ ପ୍ରାର୍ଥୀ
  • ||
  • ରାଜ୍ୟରେ ଏଥର କମ୍ ବର୍ଷା, ବଙ୍ଗୋପସାଗରରେ ସୃଷ୍ଟି ହେବ ଅଧିକ ଲଘୁଚାପ
  • ||
  • ଲମତାପୁଟ : ଗଞ୍ଜେଇ ବୋଝେଇ କାର୍‌ ଜବତ, ୨ଗିରଫ
  • ||
  • ଗ୍ୟାଙ୍ଗଷ୍ଟର ହାଇଦର କରୋନା ପଜିଟିଭ୍‌, ଅଡୁଆରେ ପୋଲିସ
  • ||

ଗୁପ୍ତରେ ୧୦ ହଜାର ଭାରତୀୟଙ୍କ ଉପରେ ନଜର ରଖିଛି ଚୀନ୍: ରିପୋର୍ଟ

17/09/2020 at 5:18 PM

ନୂଆଦିଲ୍ଲୀ : ଚୀନ୍‌ ଗୁଇନ୍ଦାଗିରି ନେଇ ମିଳିଛି ଚାଞ୍ଚଲ୍ୟକର ତଥ୍ୟ। ଭାରତରେ ଅନୁନ୍ୟ ୧୦ ହଜାର ଲୋକଙ୍କ ଉପରେ  ଚୀନ୍‌ ଗୁପ୍ତରେ ନଜର ରଖିଥିବା ନେଇ ଏକ ପ୍ରମୁଖ ଗଣମାଧ୍ୟମ (ଇଣ୍ଡିଆନ ଏକ୍ସପ୍ରେସ୍‌) ରିପୋର୍ଟରୁ ଜଣାପଡିଛି। ପୂର୍ବ ଲଦ୍ଦାଖରେ ଜାରି ଉତ୍ତେଜନା ମଧ୍ୟରେ ଇଣ୍ଡିଆନ ଏକ୍ସପ୍ରେସ କରିଥିବା ଏକ ଅନୁଧ୍ୟାନରୁ ଏହି ସୂଚନା ମିଳିଛି, ଯେଉଁଥିରେ ଚୀନ୍‌ ଭାରତୀୟ ଆର୍ଥିକ ଅପରାଧୀଙ୍କ ସମେତ ଆଇପିଏଲ ବେଟିଂ, ନାରକୋଟିକ୍ସ ସ୍ମଗଲିଂ ଆଦି ବିଭିନ୍ନ ପେଷାର ଲୋକଙ୍କ ଉପରେ ନଜର ରଖିଥିବା ଜଣାପ଼ଡିଛି।

ଏଥିରେ ଭାରତୀୟ ଅର୍ଥ ବ୍ୟବସ୍ଥାରେ ମଧ୍ୟ ଚୀନ୍‌ର ଗଭୀର ପ୍ରବେଶ ଥିବାର ପ୍ରଥମ ଥର ଜଣାପଡିଛି। କେବଳ ଭାରତ ନୁହେଁ ଚୀନ୍‌ ତାର କମ୍ପାନୀମାନଙ୍କ ଜରିଆରେ ଆମେରିକା ବ୍ରିଟେନ ସମେତ ବିଶ୍ୱର ୨୪ ଲକ୍ଷ ଲୋକଙ୍କ ଉପରେ ନଜର ରଖିଛି। ଭାରତରେ ରେଲୱେ ଇଣ୍ଟର୍ଣ୍ଣଠାରୁ ଆରମ୍ଭ କରି ଅଜିମ ପ୍ରେମଜୀଙ୍କ ସଂସ୍ଥାର ସିଇଓଙ୍କ ପର୍ଯ୍ୟନ୍ତ ଲୋକେ ଚୀନ୍‌ ଗୁପ୍ତ ନଜରରେ ଅଛନ୍ତି। ଏଥିରୁ ଚୀନ୍‌ ଗୁଇନ୍ଦାଗିରିର ବ୍ୟାପକତାକୁ ସହଜରେ ଅନୁମାନ କରାଯାଇପାରେ।

ଚୀନ୍‌ ଗୁଇନ୍ଦାଗିରି ରହସ୍ୟର ଦ୍ୱିତୀୟ ଅଧ୍ୟାୟରେ ସମ୍ବାଦପତ୍ର ଭାରତୀୟ ଅର୍ଥବ୍ୟବସ୍ଥାରେ ନିଜର ସ୍ଥାନ ପକ୍କା କରିସାରିଥିବା ଚୀନ୍ ଗୁଇନ୍ଦାଙ୍କ ଉପରୁ ପରଦା ହଟାଇଛି। ଚୀନ ସେନା ଓ ଗୁଇନ୍ଦା ସଂସ୍ଥା ସହ ସମ୍ପୃକ୍ତ କମ୍ପାନୀ ଝୋହ୍ନୁଆ ଡାଟା ଇନଫର୍ମେସନ ଟେକ୍ନୋଲଜି କମ୍ପାନୀ ଲିମିଟେଡ ଯେଉଁ ଓଭରସିଜ୍ ଇଣ୍ଡିଭିଜୁଆଲ ଡାଟାବେସ୍ (ଓକେଆଇଡିବି) ପ୍ରସ୍ତୁତ କରିଛି ସେଥିରେ ଭାରତୀୟ ଅର୍ଥ ଜଗତର ଅନୁନ୍ୟ ୧୪ଶହ ଲୋକେ, ସଂଗଠନ ଓ କମ୍ପାନୀ ଥିବା ଜଣାପଡିଛି।

ସୂଚନା ଯୋଗ୍ୟଯେ ଭାରତୀୟ ଷ୍ଟାର୍ଟଅପରେ ଚୀନ୍‌ ନିବେଶ ଗତ ୩ ବର୍ଷରେ ୧୦ ଗୁଣାରୁ ଅଧିକ ବଢିଛି। ୨୦୧୬ ମସିହାରେ ଏହି କ୍ଷେତ୍ରରେ ଚୀନ୍‌ ନିବେଶ ପରିମାଣ ମାତ୍ର ୩୮୧ ମିଲିୟନ ଡଲାର ଥିବା ବେଳେ ୨୦୧୯ ବେଳକୁ ୪.୬ ବିଲିୟନ ଡଲାର ହୋଇଯାଇଛି। ଚୀନ ଗୁଇନ୍ଦାଗିରିରୁ ଭାରତରେ କେହି ବି ବାଦ ପଡିନାହାନ୍ତି। ଇ-କମର୍ସ ସାଇଟ୍ ହୁଅନ୍ତୁ ଅଥବା ଡିଜିଟାଲ ପେମେଣ୍ଟ କମ୍ପାନୀ ସମସ୍ତଙ୍କ ଉପରେ ଚୀନ୍‌ର କଡା ନଜର ରହିଥିବା ଏହିରିପୋର୍ଟରୁ ଜଣାପଡିଛି।

   Related Posts