ଅହମ୍ମଦାବାଦ ୧୮।୦୨ - ଗୁଜୁରାଟ କାଣ୍ଡଲା ବନ୍ଦର ନିକଟରୁ ଏକ ଚୀନ୍ ଜାହାଜକୁ ଜବତ କରାଯାଇଛି । ହଙ୍ଗକଙ୍ଗର ପତାକା ଥିବା ଏକ ଜାହାଜା ଉପରେ କେନ୍ଦ୍ରୀୟ ସୁରକ୍ଷା ସଂସ୍ଥା ସହ ଡିଆରଡିଓର ଅଧିକାରୀମାନେ ଚଢଉ କରିଥିଲେ । ଡା କ୍ୟୁ ୟୁନ୍ ନାମକ ଏହି ଜାହଜରୁ କ୍ଷେପଣାସ୍ତ୍ର ଯନ୍ତ୍ରାଶଂ ମିଳିଛି । ଜାନୁଆରୀ ୧୭ ତାରିଖରେ ଏହି ଜାହାଜ ଚୀନ୍ର ଜିଆଙ୍ଗୀନ୍ ବନ୍ଦରରୁ ଆସିଥିଲା । ଫେବ୍ରୁଆରୀ ୩ ତାରିଖରେ କାଣ୍ଡଲା ବନ୍ଦରରେ ଏହାକୁ ସୀମା ଶୁଳ୍କ ବିଭାଗର ଅଧିକାରୀମାନେ ଯାଞ୍ଚ କରିଥିଲେ । ଏହି ଜାହାଜଟି ପାକିସ୍ତାନର କରାଚୀ ବନ୍ଦରକୁ ଯାଉଥିଲା ।
{"id":226002,"sizeSlug":"large"}
ଜାହାଜରେ ଅନେକ ସନ୍ଦେହ ଜନକ ଜିନିଷ ମିଳିଥିଲା । ପରେ ରକ୍ଷା ବିଶେଷଜ୍ଞମାନେ ଏହା ମିସାଇଲ୍ ତିଆରି ପାଇଁ ବ୍ୟବହାର କରାଯାଉଥିବା ପ୍ରକାଶ କରିଛନ୍ତି ।
{"id":226003,"sizeSlug":"large"}
ଏହି ଜାହାଜକୁ ୨୦୧୧ ମସିହାରେ ତିଆରି କରାଯାଇଛି । ୨୨ ଜଣ କ୍ରୁ ସଦସ୍ୟ ଏଥିରେ ଅଛନ୍ତି । କାଣ୍ଡଲା ବନ୍ଦରର ୧୫ ନମ୍ବର ଜେଟିରେ ଜାହାଜଟି ଅଟକି ଥିଲା । ଏଠାରେ କିଛି ଜିନିଷ ଓହ୍ଲାଇବା ପାଇଁ ଜାହାଜଟି ଆସିଥିଲା । ସେହି ସମୟରେ ମିସାଇଲ୍ ତିଆରି କରାଯାଉଥିବା ସାମଗ୍ରୀ ଜାହାଜରୁ ଜବତ କରାଯାଇଛି ।
{"id":226004,"sizeSlug":"large"}
ସୀମାଶୁଳ୍କ ବିଭାଗ ପକ୍ଷୁ ଜାହାଜ ଯାଞ୍ଚ କରାଯାଉଥିବା ସମୟରେ ଅନେକ ସନ୍ଦେହ ଜନକ ବସ୍ତୁ ମିଳିଥିଲା । ଏହାପରେ ବିଭାଗ ପକ୍ଷରୁ ରକ୍ଷା ବିଶେଷଜ୍ଞଙ୍କ ମତାମତ ନିଆଯାଇଥିଲା । ଏଥିରେ ହଜାରେ ଟନ୍ର ପ୍ରେସର ଚ୍ୟାମ୍ବର ରହିଛି । ଏହାକୁ ମିସାଇଲ୍ ଲଞ୍ଚ ପାଇଁ ବ୍ୟବହାର କରାଯାଏ ।
