Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

କରୋନା ମୁକାବିଲା: ଭାରତକୁ ସାହାଯ୍ୟ ପାଇଁ ଆଗକୁ ଆସିଲା ଚୀନ, ପଠାଇଲା ସାଢେ ୬ ଲକ୍ଷ ମେଡିକାଲ କିଟ୍ସ୍

16/04/2020 at 10:54 AM

ବେଜିଂ, ୧୬|୦୪:  ସାର ବିଶ୍ୱରେ କରୋନା ଆତଙ୍କ ସୃଷ୍ଟି କରିଛି । ଭାରତ ମଧ୍ୟରୁ ଏଥିରୁ ବର୍ତ୍ତି ପାରିନାହିଁ ।ଚୀନର ବୁହାନ ସହରରୁ ସୃଷ୍ଟି ହୋଇଥିବା ଏହି ଭାଇରସ ପ୍ରାୟ ୧ଲକ୍ଷ ୨୦ ହଜାରରୁ ଅଧିକ ଜୀବନ ନେଇଥିବା ବେଳେ ସାରା ବିଭିନ୍ନ ଦେଶରେ ପ୍ରାୟ ୨୦ ଲକ୍ଷରୁ ଅଧିକ ସଂକ୍ରମିତ ହୋଇଛନ୍ତି । ଭାରତରେ ମଧ୍ୟ ସଂକ୍ରମିତଙ୍କ ସଂଖ୍ୟା ୧୨ ହଜାର ଟପିଛି । ଏହା ମଧ୍ୟରେ ଚୀନ ସରକାର କରୋନା ମୁକାବିଲା ପାଇଁ ଭାରତକୁ ୬ ଲକ୍ଷ ୫୦ ହଜାର ମେଡିକାଲ୍ କିଟ୍ ପ୍ରଦାନ କରିଛନ୍ତି । ଏନେଇ ବେଜିଂରେ ଅବସ୍ଥାପିତ ଭାରତୀୟ ରାଷ୍ଟ୍ରଦୂତ ବିକ୍ରମ ମିଶ୍ରୀ ସୂଚନା ଦେଇଛନ୍ତି । ସେହିପରି ଆଗାମୀ ୧୫ ଦିନ ମଧ୍ୟରେ ୨ ମିଲିୟନ ଟେଷ୍ଟିଂ କିଟ୍ ଭାରତକୁ ପଠାଯିବ ବୋଲି ସେ କହିଛନ୍ତି ।

ଗୁରୁବାର ସକାଳେ ରାପିଡ୍ ଆଣ୍ଟିବଡି ଟେଷ୍ଟ୍ କିଟ୍, ଆରଏନଏନ ଏକ୍ସଟ୍ରାସନ୍ କିଟ୍ ସମେତ ୬ ଲକ୍ଷ ୫୦ ହଜାର କିଟକୁ ଭାରତ ପଠାଯାଇଛି । ଲକଡାଉନ ହଟିବା ପରେ ଚୀନ ସରକାର ବିଭିନ୍ନ ମେଡିକାଲ ଶିଳ୍ପରେ ଅତ୍ୟାବଶ୍ୟକୀୟ ଓଷଧୀଟ ସରଞ୍ଜାବ ପ୍ରସ୍ତୁତ କରିବାରେ ଲାଗିଛନ୍ତି । ଭେଣ୍ଟିଲେଟର, ପିପିଇ ମଧ୍ୟ ତିଆରି ହେଉଛି ।

ବିକ୍ରମ କହିଛନ୍ତି ଯେ, ଏନେଇ ବାଣିଜ୍ୟିକ ପ୍ରକ୍ରିୟା ଆରମ୍ଭ ହୋଇଛି । ଯେଉଁ ବିମାନରେ ଏସବୁକୁ ଭାରତ ପଠାଯାଇଛି ତାହା ସହ ଯୋଗାଯୋଗ କରାଯାଉଛି । ଭାରତ ଚାଇନାରୁ ୧୫ ମିଲିୟନ ପିପିଇ ସହ ୩ ମିଲିୟନ ଟେଷ୍ଟିଂ କିଟ୍ ଆଣିବ । ଏହାକୁ ସଠିକ ସମୟରେ ପଠାଯିବ । ଏହା ଭାରତ ଓ ଚାଇନାର ସମ୍ପର୍କକୁ ବୃଦ୍ଧି କରିବ ବୋଲି ସେ ଗଣମାଧ୍ୟମକୁ କହିଛନ୍ତି ।

ଭାରତ ସରକାର କରୋନା ମୁକାବିଲା ପାଇଁ ଲକଡାଉନକୁ ମେ ମାସ ୩ ତାରିଖ ଯାଏଁ ବୃଦ୍ଧି କରିଛନ୍ତି । ଦେଶରେ ପ୍ରାୟ ୪୧୪ ଜଣ ସଂକ୍ରମିତ ପ୍ରାଣ ହରାଇଥିବା ବେଳେ ୧୨,୩୮୦ ଜଣ ଚିକିତ୍ସିତ ହେଉଛଛନ୍ତି ।

   Related Posts