Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||
  • ଦିଲ୍ଲୀରେ ଭାଇ-ଭାଉଜଙ୍କୁ ହାଣି ଫିଙ୍ଗିଦେଲା ସାନ ଭାଇ, ୬୦କି.ମି. ଦୂରରୁ ଉଦ୍ଧାର ହେଲା ମୃତଦେହ
  • ||
  • ଯାଜପୁରରେ କାର୍‌-ଟ୍ରକ୍‌ ମୁହାଁମୁହିଁ ଧକ୍କା, ଯନ୍ତ୍ରୀଙ୍କ ସହ ଚାଲିଗଲା ୨ ଜଣଙ୍କ ଜୀବନ, ୨ ଗୁରୁତର
  • ||
  • ପଶ୍ଚିମବଙ୍ଗ-ବାଂଲାଦେଶକୁ ମୁହାଁଇଲା ଭୀଷଣ ଅବପାତ, ୫ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ମୁମ୍ବାଇ ସିଟି ସେଣ୍ଟର ମଲ୍‌ରେ ଭୟାବହ ଅଗ୍ନିକାଣ୍ଡ, ମଲ୍‌ରେ ଥିଲେ ପ୍ରାୟ ୩୦୦ ଲୋକ
  • ||

ଫ୍ରୋଜେନ୍ ଚିକେନ୍ ରେ କରୋନା ଭାଇରସ୍…

13/08/2020 at 4:19 PM

ନୂଆଦିଲ୍ଲୀ ୧୩/୦୮ : ବ୍ରାଜିଲରୁ ଆମଦାନୀ ହେଉଥିବା ଫ୍ରୋଜେନ ଫୁଡରେ କରୋନା ଭାଇରସ ମିଳିଥିବା ଚୀନ ଦାବି କରିଛି | ଚୀନ ଶେନଜେନ୍ ସହରର ଲୋକଙ୍କୁ ବିଦେଶୀ ଫ୍ରୋଜେନ ଫୁଡ ପ୍ରତି ସାବଧାନତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି | ବ୍ରାଜିଲରେ ଚିକେନ ସାମ୍ପଲରେ କରୋନା ଭାଇରସ ମିଳିଥିବା ସ୍ପଷ୍ଟ ହେବାପରେ ଏହି ଗାଇଡଲାଇନ ଜାରି କରାଯାଇଛି | ଚୀନରେ ବିଦେଶରୁ ମଗାଯାଉଥିବା ସାମୁଦ୍ରିକ ଫୁଡ ଓ ଆମିଷର ସ୍କ୍ରିନିଙ୍ଗ ଜୁନ ମାସରୁ ଆରମ୍ଭ କରାଯାଇଛି | ସେହି ସମୟରେ ସ୍ଥାନୀୟ କେନ୍ଦ୍ରରେ ଚିକେନର ପରରୁ ନମୁନା ସଂଗ୍ରହ କରାଯାଇ କରୋନା ଯାଞ୍ଚ କରାଯାଇଥିଲା ଯାହାର ଯାଞ୍ଚ ରିପୋର୍ଟ ପଜିଟିଭ ଆସିଥିଲା | ରିପୋର୍ଟ ପଜିଟିହ ଆସିବା ପରେ ହଇଚଇ ସୃଷ୍ଟି ହୋଇଥିଲା |

ଶେନଜେନ୍ ସ୍ୱାସ୍ଥ୍ୟ ଅଧିକାରୀ ସଂକ୍ରମଣର ସନ୍ଦିଗ୍ଧ ଜିନିଷଗୁଡିକର ସମ୍ପର୍କରେ ଆସିଥିବା ସମସ୍ତ ଲୋକଙ୍କୁ ଟ୍ରେସ କରିଛନ୍ତି | ଏପରିକି ସଂକ୍ରମିତ ପ୍ୟାକେଟ ପାଖରେ ରଖାଯାଇଥିବା ଅନ୍ୟାନ୍ୟ ସାମଗ୍ରୀଗୁଡିକୁ ମଧ୍ୟ କରୋନା ଯାଞ୍ଚ ପାଇଁ ପଠାଯାଇଛି | ବୟାନ ଅନୁଯାୟୀ ଯାଞ୍ଚ ରିପୋର୍ଟ ନେଗେଟିଭ ଆସିଛି | କରୋନା ଭାଇରସର ସମ୍ବନ୍ଧ ବୁହାନର ସାମୁଦ୍ରିକ ଆମିଷ ବଜାର ସହ ସଂଯୋଜିତ ବୋଲି କୁହାଯାଉଛି |

ବିଶେଷଜ୍ଞ କହିଛନ୍ତି ଯେ, SARS-CoV-2 ଭାଇରସ ଫୁଡ କିମ୍ବା ଫୁଡ ପ୍ୟାକେଜିଙ୍ଗକୁ ମଧ୍ୟ ସଂକ୍ରମିତ କରିବାର କ୍ଷମତା ଅଛି | କିନ୍ତୁ ଏହା ଘରର ତାପମାତ୍ରାରେ ଅଧିକ ସମୟ ଯାଏଁ ଜୀବିତ ରହିପାରେ ନାହିଁ | ଅଧିକାରୀ ନିର୍ଦେଶ ଦେଇ କହିଛନ୍ତି ଯେ ବିଦେଶରୁ ମଗାଯାଉଥିବା ଫ୍ରୋଜେନ ଫୁଡ ଓ ସାମୁଦ୍ରିକ ଉତ୍ପାଦ କିଣିବା ସମୟରେ ଲୋକେ ବିଶେଷ ସତର୍କତା ଅବଲମ୍ବନ କରନ୍ତୁ | ମଙ୍ଗଳବାର ଦିନ ଶାନଦଙ୍ଗ ଅଞ୍ଚଳର ୟନ୍ତାଇରେ ଆମଦାନୀ ହୋଇଥିବା ସମୁଦ୍ର ଖାଦ୍ୟର ତିନୋଟି ପ୍ୟାକେଜିଙ୍ଗର କରୋନା ପରୀକ୍ଷା କରାଯାଇଥିଲା | ଏହି ପ୍ୟାକେଜିଙ୍ଗ କରୋନା ପଜିଟିଭ ବାହାରିଥିବା ଖୁଲାସା ହୋଇଥିଲା | ବୁଧବାର ଦିନ ସରକାରୀ ଟିଭିରେ କୁହାଯାଇଥିଲା ଯେ ଇକ୍ୟୁଏଡରରୁ ଅର୍ଡର ହୋଇଥିବା ଫ୍ରୋଜେନ ଚିଙ୍ଗୁଡ଼ିକୁ ୱୁହୁ ରେସ୍ତୋରାଁରେ ପରୀକ୍ଷା କରାଯାଉଥିଲା ଏବଂ ଏହାର କରୋନା ରିପୋର୍ଟ ସକରାତ୍ମକ ବୋଲି ଜଣାପଡିଛି |

   Related Posts