ନୂଆଦିଲ୍ଲୀ ୧୮/୦୬ : ଚୀନ ବୈଜ୍ଞାନିକମାନେ ସବୁବେଳେ ଅଦ୍ଭୁତ ରିସର୍ଚ୍ଚ କରୁଥାନ୍ତି। ନିକଟରେ ଚାଇନାର ୱୁହାନ ଲ୍ୟାବରୁ ବାହାରିଥିବା ଜଣେ ବୈଜ୍ଞାନିକ ଦାବି କରିଛନ୍ତି ଯେ ଚୀନ୍ ସବୁବେଳେ ଅଦ୍ଭୁତପୂର୍ବ ରିସର୍ଚ୍ଚ କରିଥାଏ। ସେଠାରେ ଏପରି ଅନେକ ଗବେଷଣା କରାଯାଏ ଯାହା ସାଧାରଣତଃ ଅନ୍ୟ ଦେଶରେ ନିଷେଧ। ଇତି ମଧ୍ୟରେ ଚୀନର ବୈଜ୍ଞାନିକମାନେ ଦାବି କରିଛନ୍ତି ଯେ ସେମାନେ ପୁରୁଷଙ୍କୁ ଗର୍ଭବତୀ କରିବାର ଚମତ୍କାର କରିଛନ୍ତି। ଏଥିପାଇଁ ସେ ବହୁ ବର୍ଷ ଧରି ଗବେଷଣା କରୁଥିଲେ। ବର୍ତ୍ତମାନ ଫଳାଫଳ ସାମ୍ନାକୁ ଆସିଛି।
ଚୀନ ବୈଜ୍ଞାନିକଙ୍କ ଦ୍ୱାରା କରାଯାଇଥିବା ଏହି ଗବେଷଣାରେ ଅଣ୍ଡିରା ମୂଷାଙ୍କ ଶରୀରରେ ପରୀକ୍ଷଣ କରାଯାଇଥିଲା। ଏଥିରେ ଅସ୍ତ୍ରୋପଚାର ମାଧ୍ୟମରେ ମାଇ ମୂଷା ଶରୀରରୁ ବାହାର କରାଯାଇଥିବା ଗର୍ଭାଶୟ ଅଣ୍ଡିରା ମୂଷା ଶରୀରରେ ଫିଟ୍ କରାଯାଇଥି ଲା l ଏହା ପରେ ଅଣ୍ଡିରା ମୂଷା ଗର୍ଭବତୀ କରାଇ ଅପରେସନ ମାଧ୍ୟମରେ ଛୁଆ ଜନ୍ମ କରାଯାଇଥିଲା। ଏହି ଗବେଷଣା ୪ଟି ସୋପାନରେ ପୁରା ହୋଇଥିଲା। ଗବେଷଣା ପରେ, ଭବିଷ୍ୟତରେ ପୁରୁଷମାନେ ଗର୍ଭବତୀ ହେବାର ସମ୍ଭାବନା ବଢିଛି। ଏହାକୁ ରେଟ୍ ମଡେଲ୍ କୁହାଯାଇଛି।
{"id":467968,"sizeSlug":"large","linkDestination":"none"}ଇନଫୋୱାର୍ସର ରିପୋର୍ଟ ଅନୁଯାୟୀ, ଏହି ଗବେଷଣା ପରେ ଯେଉଁ ଟ୍ରାନ୍ସଜେଣ୍ଡରମାନେ ସନ୍ତାନ ପ୍ରାପ୍ତ କରିବାକୁ ଚାହୁଁଛନ୍ତି ସେମାନଙ୍କୁ ସାହାଯ୍ୟ ମିଳିବ। ଏହି ପରୀକ୍ଷଣ ସାଂଘାଇର ନାଭାଲ୍ ମେଡିକାଲ୍ ୟୁନିଭରସିଟି ଦ୍ୱାରା କରାଯାଇଥିଲା। ତେବେ ଏପର୍ଯ୍ୟନ୍ତ ଏହାର ସଫଳତା ହାର ମାତ୍ର ୩.୬୮ ପ୍ରତିଶତ ବୋଲି କୁହାଯାଇଛି। ଏହି ପରୀକ୍ଷଣ ଅଣ୍ଡିରା ମୂଷାରେ ସଫଳ ହୋଇଥିଲା ଏବଂ ମୂଷା ୧୦ଟି ଛୁଆ ଦେଇଥିଲା ।
ଚୀନ ଗବେଷକ ବର୍ତ୍ତମାନ ମାନବଙ୍କ ଉପରେ ରେଟ୍ ମଡେଲ୍ ପରୀକ୍ଷା କରିବାକୁ ଚାହୁଁଛନ୍ତି। କୌଣସି ପରୀକ୍ଷଣରେ ଅଣ୍ଡିରା ମୂଷାକୁ ଗର୍ଭବତୀ କରାଯାଇଥିବା ଏହା ପ୍ରଥମ ପରୀକ୍ଷଣ। ସ୍ତନ୍ୟପାୟୀ ପ୍ରାଣୀରେ ପରୀକ୍ଷଣ ପରେ ବର୍ତ୍ତମାନ ମଣିଷ ମଧ୍ୟରେ ଏହା ସଫଳ ହେବ ବୋଲି ଆଶା କରାଯାଉଛି।