Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଟେନ୍‌ ପରେ ଆଉ ଗୋଟିଏ ଦେଶ କଲା ବଡ଼ ଘୋଷଣା, ଆସନ୍ତା ସପ୍ତାହରୁ ଆରମ୍ଭ ହେବ ଟିକାକରଣ
  • ||
  • କମୁଛି ସଂକ୍ରମଣ, ଲୋକଙ୍କ ମନରୁ ଦୂର ହେଉଛି କରୋନା ଭୟ, ଆଉ ୬୬୦ ସଂକ୍ରମିତ ହେଲେ ଆରୋଗ୍ୟ
  • ||
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||

ଜିନପିଙ୍ଗଙ୍କ ବିରୋଧରେ ବିଦ୍ରୋହ: ଚୀନରେ ଉଠିଲା ସ୍ଵର, ଦେଶକୁ ବରବାଦ କରୁଛନ୍ତି ରାଷ୍ଟ୍ରପତି

18/08/2020 at 9:04 PM

ବେଜିଂ ୧୮।୦୮: ଚୀନର ରାଷ୍ଟ୍ରପତି ସି  ଜିନପିଙ୍ଗଙ୍କୁ ଏବେ ନିଜ ଦେଶରେ ହନ୍ତସନ୍ତ ହେବାକୁ ପଡିଛି। ଦେଶ ଭିତରେ ଜିନପିଙ୍ଗଙ୍କ ବିରୋଧରେ ଉଠିଲା ବିରୋଧର ସ୍ଵର। ଲୋକେ ଜିନପିଙ୍ଗଙ୍କ ଉପରେ ଦେଶ ଓ ପାର୍ଟିକୁ ବରବାଦ୍ କରୁଥିବା ଅଭିଯୋଗ କରିଛନ୍ତି। ଚୀନର ପ୍ରସିଦ୍ଧ ସେଣ୍ଟ୍ରାଲ ପାର୍ଟି ସ୍କୁଲର ପୂର୍ବତନ ପ୍ରଫେସର ତଥା ଚୀନ କମ୍ୟୁନିଷ୍ଟ ପାର୍ଟିର ନେତା କାଇ ସିଆ ଅଭିଯୋଗ କରିଛନ୍ତି ଯେ ଜିନପିଙ୍ଗ ମାଫିଆ ବୋସ୍ ହେବାକୁ ଚେଷ୍ଟା କରୁଛନ୍ତି। ଚୀନ ରାଷ୍ଟ୍ରପତିଙ୍କୁ ସମାଲୋଚନା କରାଯାଉଥିବାର ଏକ ଅଡିଓ ମଧ୍ୟ ଭାଇରାଲ ହୋଇଛି। ଏହା ପରେ କାଇ ସିଆଙ୍କୁ ପାର୍ଟିରୁ ବହିଷ୍କାର କରାଯାଇଛି।

ଗତ ବର୍ଷରୁ ଆମେରିକାରେ ରହୁଥିବା କାଇ ସିଆ ଦ ଗାର୍ଡିୟନ ସହ କଥାବାର୍ତ୍ତା ବେଳେ କହିଛନ୍ତି ସି  ଜିନପିଙ୍ଗଙ୍କଠାରେ ଅସୀମିତ ଶକ୍ତି ରହିଛି। ଦେଶରେ ତାଙ୍କୁ କେହି ହେଲେ ବିରୋଧ କରୁ ନାହାନ୍ତି। ଚୀନ ଓ ଆମେରିକା ମଧ୍ୟରେ ସଂଘର୍ଷ ସାରା ଦୁନିଆ ଦେଖୁଛି। ଜିନପିଙ୍ଗ ଚୀନକୁ ପୂରା ଦୁନିଆର ଶତ୍ରୁ କରି ସାରିଲେଣି। ଦେଶର ସମସ୍ୟା ଉପରୁ ଜନତାଙ୍କ ଧ୍ୟାନ ହଟାଇବା ପାଇଁ ଜିନପିଙ୍ଗ ଅନ୍ୟ ଦେଶ ସହ ଶତ୍ରୁତା କରୁଥିବା ସେ କହିଛନ୍ତି। ଏକ ରଣନୈତିକ ଏଜେଣ୍ଡା ଆଧାରରେ ଏସବୁ କରାଯାଉଥିବା ସିଆ କହିଛନ୍ତି।

କରୋନା ଭୂତାଣୁ ସଂକ୍ରମଣ ପାଇଁ ସେ ଚୀନକୁ ସିଧାସଳଖ ଦାୟୀ କରିଛନ୍ତି। ସିଆ କହିଛନ୍ତି ଉହାନର ମହାମାରୀ ପୂରା ଦୁନିଆରେ ବ୍ୟାପି ଯାଇଛି ଏବଂ ଏଥିରେ ପୂରା ବିଶ୍ଵର ଅର୍ଥନୀତିର ମେରୁଦଣ୍ଡ ଭାଙ୍ଗି ଯାଇଛି। ନିଜ ଦେଶରେ ମୃତ୍ୟୁ ସଂଖ୍ୟାକୁ ନେଇ ଚୀନ ସତ୍ୟ ଛୁପାଇ ରଖିଛି। ଜାନୁଆରୀ ୭ରେ ହିଁ ଚୀନ ସରକାରକୁ କରୋନା ସଂକ୍ରମଣର ସୂଚନା ମିଳି ସାରିଥିଲା ହେଲେ ଜିନପିଙ୍ଗ ସରକାର ଜାନୁଆରୀ ୨୦ ପର୍ଯ୍ୟନ୍ତ ଏହାକୁ ଦବାଇ ରଖି ବିଶ୍ଵ ସମୁଦାୟକୁ ଅବଗତ କରାଇଲେ ନାହିଁ।

କାଇ ସିଆ କହିଛନ୍ତି ତାଙ୍କୁ ପାର୍ଟିରୁ ବହିଷ୍କାର କରାଯାଇଛି। ସେ ସଂପ୍ରତି ଦେଶ  ବାହାରେ ଅଛନ୍ତି। ଏଥିପାଇଁ ଏବେ ସେ ଚୀନ ଶାସନ ବିରୋଧରେ ଖୋଲାଖୋଲି କହିବାକୁ ସ୍ଵତନ୍ତ୍ର। ଏବେ ମୋର ଭାଷଣ କୌଣସି ପ୍ରକାରର ବାଧାରୁ ମୁକ୍ତ ରହିଛି। କାଇ ସିଆଙ୍କ ପିତା ଚୀନର ସ୍ଵାଧୀନତାରେ ସକ୍ରିୟ ଭୂମିକା ନିଭାଇଥିଲେ। ଏହି କାରଣରୁ ସିଆଙ୍କୁ ଚୀନ କମ୍ୟୁନିଷ୍ଟ ପାର୍ଟିର ଆଜୀବନ ସଦସ୍ୟ କରାଯାଇଥିଲା।

ଚୀନ ମାମଲାର ବିଶେଷଜ୍ଞ ତଥା ଚାଇନ ନେଇସାନ ମିଡିଆ ଆଉଟଲେଟ୍‌ର ସହ ସଂସ୍ଥାପକ ଏଡମି ନି କହିଛନ୍ତି କରୋନା ଭାଇରସ୍ ମହାମାରୀ  ସି ଜିନପିଙ୍ଗଙ୍କ ଚୀନ କମ୍ୟୁନିଷ୍ଟ ପାର୍ଟି ଉପରେ କେତେ ପ୍ରାଧ୍ୟାନ୍ୟ ରହିଛି ତାହା ଏଥିରୁ ସ୍ପଷ୍ଟ ହୋଇ ଯାଇଛି।

   Related Posts