Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

‘ବିବାଦ ହେଉ କି ଯୁଦ୍ଧ ଉଭୟଙ୍କର ହେବ କ୍ଷତି’ ଟ୍ରମ୍ପ୍‌ଙ୍କୁ ଇସାରା ଇସାରାରେ ଚେତାଇଲା ଚୀନ୍

29/05/2020 at 3:14 PM

ବେଜିଂ ୨୯।୫: ଚୀନ୍ ଏବଂ ଆମେରିକା ସେମାନଙ୍କ ମଧ୍ୟରେ ଥିବା ବିବାଦ ସମାଧାନ କରିବା ଉଚିତ୍ ଏବଂ ପରସ୍ପରର ମୂଳ ସ୍ବାର୍ଥକୁ ସମ୍ମାନ ଦେବା ଉଚିତ୍ ବୋଲି ଗୁରୁବାର ଦିନ ଚୀନ୍‌ର ପ୍ରଧାନମନ୍ତ୍ରୀ ଲି କେକିଆଙ୍ଗ କହିଛନ୍ତି । ଲି ଟ୍ରମ୍ପ୍ ପ୍ରଶାସନକୁ ଚେତାବନୀ ଦେଇଛନ୍ତି ଯେ, ଦୁଇ ପ୍ରମୁଖ ଅର୍ଥନୀତିକୁ ପ୍ରଭାବିତ କରିବାର କୌଣସି ପ୍ରୟାସ କାହା ପାଇଁ ଭଲ ହେବ ନାହିଁ ଏବଂ ଏହା ସମଗ୍ର ବିଶ୍ବକୁ କ୍ଷତି ପହଞ୍ଚାଇବ।

ସୂଚନାଯୋଗ୍ୟ ଯେ, ବର୍ତ୍ତମାନ ସମୟରେ ଆମେରିକା ଏବଂ ଚୀନ୍ ମଧ୍ୟରେ ଅନେକ ପ୍ରସଙ୍ଗରେ ବିବାଦ ଚାଲିଛି। ଏଥିରେ ବାଣିଜ୍ୟ ମାମଲା ତଥା କରୋନା ଭାଇରସ୍ ମହାମାରୀର ଉତ୍ପତ୍ତି, ହଂକଂରେ ବେଜିଂର ନୂତନ ସୁରକ୍ଷା କାର୍ଯ୍ୟ ଏବଂ ବିବାଦୀୟ ଦକ୍ଷିଣ ଚୀନ୍ ସାଗରରେ ଚୀନ୍‌ର ଆକ୍ରମଣାତ୍ମକ ସାମରିକ ପଦକ୍ଷେପ ଅନ୍ତର୍ଭୁକ୍ତ । ଗୁରୁବାର ସଂସଦ ଅଧିବେଶନ ଶେଷରେ ଆୟୋଜିତ ହେବାକୁ ଥିବା ବାର୍ଷିକ ସାମ୍ବାଦିକ ସମ୍ମିଳନୀରେ ଲି ଏହା କହିଛନ୍ତି।

ଲି କହିଛନ୍ତି ଯେ, ଏହା ସତ ଯେ ବର୍ତ୍ତମାନ ସମୟରେ ଚୀନ୍ ଏବଂ ଆମେରିକା ମଧ୍ୟରେ ନୂତନ ସମସ୍ୟା ଏବଂ ଚାଲେଞ୍ଜ ଆସିଛି । ସେ କହିଛନ୍ତି ଯେ, ଦୁଇ ଦେଶ ମଧ୍ୟରେ ସମ୍ପର୍କ ଏବେ ବି ଖରାପ ରହିଛି । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଏବଂ ବୈଦେଶିକ ସଚିବ ମାଇକ୍ ପୋମ୍ପିଓ ଆରମ୍ଭରୁ ଚୀନ୍‌ ଉପରେ ଅଭିଯୋଗ କରିଆସୁଛନ୍ତି ଯେ କରୋନା ଭାଇରସ୍ ଚୀନ୍‌ର ଲ୍ୟାବରୁ ଉତ୍ପନ୍ନ ହୋଇଛି । ତେବେ ଚୀନ୍ ଏହି ଅଭିଯୋଗକୁ ଦୃଢ ଭାବରେ ଅସ୍ବୀକାର କରୁଛି ।

   Related Posts