Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଅରୁଣାଚଳପ୍ରଦେଶର୧୦୦ କିମି ଭିତରକୁ ଅନୁପ୍ରବେଶ କରିଛି ଚୀନ୍‌ ସେନା, ତିଆରି କରିଛି କାଠପୋଲ-ବିଜେପି ସାସଂଦ କଲେ ଫଟୋ ସେୟାର

4/09/2019 at 3:57 PM

ନୂଆଦିଲ୍ଲୀ – ଏକ ସମ୍ବେଦନଶୀଳ ଘଟଣା। ଅରୁଣାଚଳ ପ୍ରଦେଶ ବିଜେପି ସଭାପତି ତାପିର ଗାଓ ଏହି ଘଟଣାକୁ ଲୋକ ଲୋଚନକୁ ଆଣିଛନ୍ତି ।  ଚୀନ୍‌ ସେନା ଅରୁଣାଚଳ ପ୍ରଦେଶର ୧୦୦ କିଲୋମିଟର ଭିତରକୁ ଅନୁପ୍ରବେଶ କରିଥିବା କଥା ସେ କହିଛନ୍ତି । ଭାରତ ଓ ଚୀନ୍‌ ମଧ୍ୟରେ ଅରୁଣାଚଳ ପ୍ରବେଶକୁ ନେଇ ବିବାଦ ରହିଛି। ଚୀନ୍‌ ଏହାକୁ ତିବ୍ଦତର ଅଂଶ କହୁଥିବା ବେଳେ ଏହା ଭାରତର ଅଭିନ୍ନ ଅଂଶ । ଚୀନ୍‌ ଓ ଭାରତ ମଧ୍ୟରେ ଥିବା ପ୍ରକୃତ ନିୟନ୍ତ୍ରଣ ରେଖାର ୧୦୦ କିଲୋମିଟର ମଧ୍ୟକୁ ଚୀନ୍‌ର ସୈନିକମାନେ ଅନୁପ୍ରବେଶ କରିଛନ୍ତି । ତାପିର ଗାଓ ଏହାର ଫଟୋକୁ ପ୍ରଦର୍ଶନ କରିଛନ୍ତି ।

ଅରୁଣାଚଳ ପୂର୍ବ ସାସଂଦଙ୍କ ଅନୁସାରେ ଚୀନ୍‌ ସେନା ପକ୍ଷରୁ ଭାରତ ସୀମା ମଧ୍ୟରେ ଏକ  ଛୋଟ ନଦୀ ଉପରେ କାଠପୋଲ ନିର୍ମାଣ କରାଯାଇଛି । ଅରୁଣାଚଳ ପ୍ରଦେଶର ଅଞ୍ଜାଓ ଜ୍ଲିଲ ଛାଗଲାମ୍ ରେ ଥିବା ଡୋଇମ୍ରୁ  ନାଳ ଉପରେ ଏହି କାଠପୋଲ ନିର୍ମାଣ କରିଛନ୍ତି । ଏହାର ଭିଡିଓ ବିଜେପିର ଜଣେ କର୍ମୀ ଉତ୍ତୋଳନ କରିଥିବା ସେ ପ୍ରକାଶ କରିଛନ୍ତି । ଶିକାର କରିବାକୁ ଯାଇଥିବା ବେଳେ ସେ ଚୀନ୍‌ ସେନାର ଏହି ବେଆଇନ କାର୍ଯ୍ୟକୁ ଦେଖିବା ପରେ ନିଜ ମୋବାଇଲ୍‌ରେ ଉତ୍ତୋଳନ କରିଥିଲେ । ଅରୁଣାଚଳ ପ୍ରଦେଶର ଅନେକ ଅଞ୍ଚଳରେ ଚୀନ୍‌ ଏପରି ଅନୁପ୍ରବେଶ କରିଥିବା ସେ ଉଲ୍ଲେଖ କରିଛନ୍ତି ।

ଗାଓଙ୍କର ଏହି ଅଭିଯୋଗ ପରେ ଭାରତୀୟ ସେନା ପକ୍ଷରୁ ଏହାକୁ ଯାଞ୍ଚ କରାଯାଉଥିବା କଥା କୁହାଯାଇଛି । ଚୀନ୍‌ ସେନା ବା  ପିପୁଲସ୍‌ ଲିବେରସନ୍‌ ଆର୍ମିର ଏକ ପାଟ୍ରୋଲିଂ ପାର୍ଟି ଏପରି କରିଥାଇ ପାରନ୍ତି ବୋଲି ସେନା ପକ୍ଷରୁ କୁହାଯାଇଛି ।

 ୨୦୧୮ ମସିହା ଅକ୍ଟୋବର ମାସରେ ଚୀନ୍‌ ସେନା ପକ୍ଷରୁ ସେହି ସ୍ଥାନରେ ଅନୁପ୍ରବେଶ କରାଯିବ ସହ ଏକ ସୈନ୍ୟ ଶିବିର ନିର୍ମାଣ କରାଯାଇଥିଲା , ୨୦୧୭ ମସିହାରେ ଡୋକଲାମ୍‌ରେ ଏକ ବେଆଇନ ରାସ୍ତା ନିର୍ମାଣକୁ ବିରୋଧ କରି ଚୀନ୍‌ ଓ ଭାରତ ସେନା ମଧ୍ୟରେ ୭୩ ବର୍ଷର ମୁହାଁ ମୁହିଁ ପରିସ୍ଥିତି ସୃଷ୍ଟି ହୋଇଥିଲା ।

ଭାରତୀୟ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ଏ ନେଇ କୌଣସି ବିବୃତ୍ତି ଦିଆଯାଇ ନାହିଁ ।

   Related Posts