ବେଜିଂ : ଆମେରିକୀୟ ଗଣମାଧ୍ୟମଙ୍କ ପ୍ରଭାବ ହାସଲ ଲାଗି ଚୀନ୍ ସରକାରଙ୍କ ପରିଚାଳିତ ‘ଚାଇନା ଡେଲି’ ବିପୁଳ ବ୍ୟୟ କରୁଥିବା ନ୍ୟାୟ ମନ୍ତ୍ରାଳୟଙ୍କ ଏକ ସ୍ୱୀକାରୋକ୍ତିରୁ ଜଣାପଡିଛି। ଏଥିରେ ଆମେରିକାର ଟାଇମସ୍ ମାଗାଜିନ ସମେତ ବିଦେଶ ନୀତି ସମ୍ପର୍କିତ ମାଗାଜିନ, ସମ୍ବାଦପତ୍ର ଓ ପିରିଓଡିକାଲସଙ୍କୁ ଗତ ୬ ମାସରେ ପୈଠ କରିଥିବା ଏଥିରେ କୁହାଯାଇଛି। ଇଂରାଜୀ ସମ୍ବାଦପତ୍ରରେ ଚୀନ୍ରେ ଭାବମୂର୍ତ୍ତି ଅତୁଟ ରଖିବା ଲାଗି ଚାଇନା ଡେଲି ଏହି ବ୍ୟୟ କରୁଥିବା ଜଣାପଡିଛି।
{"id":475598,"sizeSlug":"large","linkDestination":"none"}
ରିପୋର୍ଟ ଅନୁସାରେ ଟାଇମସ୍ ମାଗାଜିନକୁ ଏଥିରେ ୭ଲକ୍ଷ ଡଲାର ପୈଠ କରାଯାଇଥିବା ବେଳେ ଫାଇନାନସିଆଲ ଟାଇମ୍ସ ୩ଲକ୍ଷ ୭୧ ହଜାର ୫୭୭, ଫରେନ ପଲିସି ମାଗାଜିନ ୨ଲକ୍ଷ ୯୧ ହଜାର, ଲସଏଞ୍ଜେଲସ୍ ଟାଇମ୍ସ ୨ଲକ୍ଷ ୭୨ ହଜାର, ଓ ଅନ୍ୟ ସମ୍ବାଦପତ୍ର, ମାଗଜିନ ଓ ପିରିଓଡିକାଲସମାନଙ୍କୁ ୧ ନିୟୁତ ଡଲାରରୁ ବି ଅଧିକ ପୈଠ କରାଯାଇଥିବା ଉଲ୍ଲେଖ କରାଯାଇଛି।
{"id":475599,"width":838,"height":556,"sizeSlug":"large","linkDestination":"none"}
ଚୀନ୍ କମ୍ୟୁନିଷ୍ଟ ପାର୍ଟି ପରିଚାଳିତ ଚାଇନା ଡେଲି ଗତ ନଭେମ୍ବର ୨୦୧୬ରୁ ଏପର୍ଯ୍ୟନ୍ତ ୱାସିଂଟନ ପୋଷ୍ଟକୁ ୪.୬ ନିୟୁତ ଡଲାର ପୈଠ କରିଥିବା ବେଳେ ୱାଲଷ୍ଟ୍ରିଟ୍ ଜର୍ଣ୍ଣାଲକୁ ୬ ନିୟୁତ ଡଲାରରୁ ବି ଅଧିକ ପୈଠ କରିଛି। ଏ ବାବଦେ ଉଭୟ ସମ୍ବାଦପତ୍ର ‘ଚାଇନା’ ନାମରେ ଦୈନିକ ପେଡ ସପ୍ଲିମେଣ୍ଟ ପ୍ରକାଶନ କରୁଥିଲେ। ଏହା ଛଡା ବିଜ୍ଞାପନ ବାବଦେ ଚାଇନା ଡେଲି ଦି ନ୍ୟୁୟର୍କ ଟାଇମ୍ସକୁ ୫୦ ହଜାର ଡଲାର, ଫରେନ ପଲିସିକୁ ୨ ଲକ୍ଷ ୪୦ ହଜାର, ଦି ଡେସ ମୋଏନସ୍ ରେଜିଷ୍ଟର ୩୪ ହଜାର ୬୦୦ ଓ ସିକ୍ୟୁ ରୋଲ କଲକୁ ୭୬ହଜାର ଡଲାର ପୈଠ କରିଛି। ତେବେ ଫରେନ ରେଜିଷ୍ଟ୍ରେସନ ଆକ୍ଟ (ଏଫଆରଏ) ଅନୁସାରେ ଜଷ୍ଟିସ ଡିପାର୍ଟମେଣ୍ଟ ପ୍ରତ୍ୟେକ ୬ମାସରେ କାର୍ଯ୍ୟକ୍ରମର ରିପୋର୍ଟ ଦାଖଲ କିରଥାନ୍ତି।
