Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ଗଲଓ୍ୱାନ୍‌ ନଦୀ ଉପତ୍ୟକାରେ ଉତ୍ତେଜନା ପାଇଁ ଏହି ଯୁଦ୍ଧଖୋର ଚାଇନୀଜ ଜେନେରାଲ ଦାୟୀ, ସେ ପ୍ରଥମେ ଭାରତୀୟ ସେନା ଉପରେ ଆକ୍ରମଣ ନିର୍ଦ୍ଦେଶ ଦେଇଥିଲେ

24/06/2020 at 8:23 AM

ନୂଆଦିଲ୍ଲୀ ୨୪।୦୬: ଏସିଆର ଦୁଇ ପାଓ୍ୱାର ହାଉସ୍‌ ପୁଣି ଥରେ ମୁହାଁମୁହିଁ । ଲଦାଖର ଗଲଓ୍ୱାନ୍‌ ଘାଟିରେ ଭାରତ-ଚୀନ ମଧ୍ୟରେ ମୁହାଁମୁହାଁ ହୋଇଥିଲେ । ଯାହାଫଳରେ ଉଭୟ ପକ୍ଷର ସୈନ୍ୟ ମୃତାହତ ହୋଇଥିଲେ । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଚୀନ୍ ପକ୍ଷରୁ କେତେଜଣ ସୈନ୍ୟ ମୃତାହତ ହୋଇଛନ୍ତି , ସେନେଇ କିଛି ସ୍ପଷ୍ଟ ସୂଚନା ଦିଆଯାଇନାହିଁ । ତେବେ ଉଭୟ ଦେଶ ମଧ୍ୟରେ ଗଲଓ୍ୱାନ୍‌ ଘାଟିର ହିଂସା ଘଟଣାକୁ ନେଇ ସୀମାରେ ଉତ୍ତେଜନା ଲାଗିରହିଥିବା ବେଳେ ଆମେରିକାର ଗୁଇନ୍ଦା ସଂସ୍ଥା ଏକ ରିପୋର୍ଟ ଜାରି କରିଛି । ଯାହା ଅତ୍ୟନ୍ତ ଚିନ୍ତାଜନକ ରହିଛି । ଆମେରିକାର ଗୁଇନ୍ଦା ରିପୋର୍ଟ ଅନୁଯାୟୀ, ଭାରତୀୟ ସେନାଙ୍କ ଉପରେ ଆକ୍ରମଣ କରିବା ପାଇଁ ଚୀନ୍‌ର ଜଣେ ବରିଷ୍ଠ ସେନା ଅଧିକାରୀ ନିର୍ଦ୍ଦେଶ ଦେଇଥିଲେ ।  ଭାରତକୁ ଏକ ଶିକ୍ଷା ଦେବା ପାଇଁ ଏହି ଯୋଜାନ କରାଯାଇଥିଲା । କିନ୍ତୁ ଶେଷରେ ଏହି ଚକ୍ରାନ୍ତର ଫଳ ଓଲଟିପଡିଥିଲା । ଯାହା ଏବେ ଚୀନ୍‌ ପାଇଁ ଭାରି ପଡିଛି ।

ଆମେରିକାର ଗୁଇନ୍ଦା ରିପୋର୍ଟ ମୁତାବିକ, PLAର ଜେନେରାଲ ଜାଓ ଚୀନ୍‌ ସେନାର ଓ୍ୱେଷ୍ଟର୍ଣ୍ଣ ଥିଏଟର କମାଣ୍ଡର ନେତୃତ୍ୟ ନେଉଛନ୍ତି । ସେ PLAର ଜଣେ ବରିଷ୍ଠ ସେନା ଅଧିକାରୀ । କମାଣ୍ଡରଙ୍କ ଅନୁଯାୟୀ ଚୀନ୍‌କୁ ଆମେରିକା ଓ ଭାରତର ସମ୍ପର୍କକୁ ନେଇ କୌଣସି ପ୍ରକାରର ଚାପର ଆବଶ୍ୟକତା ନାହିଁ । ଚୀନ୍‌ ଭାରତକୁ ଏକ ଶିକ୍ଷା ଦେବାକୁ ଚାହୁଁଥିଲା । ସେଥିପାଇଁ ଏହି ଆକ୍ରମଣର ଯୋଜନା କରାଯାଇଥିଲା । କିନ୍ତୁ ଏଥର ବାଜି ପଲଟିଯାଇଥିଲା । ଚୀନ୍ ଭାବିନଥିଲା ଯେ ଭାରତ ଏପରି ଭାବେ ଆକ୍ରମଣର ଜବାବ ଦେବ । ଗଲଓ୍ୱାନ ଘାଟିରେ ଚୀନ୍‌ ଆକ୍ରମଣ ଯେ, ତାର ବେପାର ଓ ବାଣିଜ୍ୟ ଉପରେ ପ୍ରଭାବ ପକାଇବ ତାହା ମଧ୍ୟ ସେମାନ ଆଶା କରିନଥିଲା । ଦେଶରେ ବର୍ତ୍ତମାନ ସମସ୍ତ ଚୀନ୍‌ ସାମଗ୍ରୀକୁ ବର୍ଜନ କରିବା ପାଇଁ ଏକ ସ୍ୱର ବାହାରିଛି । ଯଦି ଭାରତରୁ ଚୀନ୍‌ ସାମଗ୍ରୀକୁ ବର୍ଜନ କରାଯାଏ , ତେବେ ଚୀନ୍‌ ପାଇଁ ଏକ ବଡ ଆର୍ଥିକ ଝ୍‌ଟକା ହେବ ବୋଲି ଅନୁମାନ କରାଯାଉଛି ।

ରିପୋର୍ଟରେ ଆହୁରୀ ମଧ୍ୟ ରହିଛି ଯେ,  ଚୀନ୍ ଉଚ୍ଛା ଥିଲା କି ଭାରତକୁ ଶିକ୍ଷା ଦେବା ସହ ନିଜରେ କେତେ ସାମରିକ ଶକ୍ତି ରହିଛି , ତାହା ଦେଖାଇବା । ଘଟଣା ଯେପରି ହାତ ଖସିଗଲା ପରେ ଆଉ କିଛି କରିହୁନାହିଁ, ସେପରି ଦୁଇ ଦେଶ ମଧ୍ୟରେ ହିଂସା ହୋଇଥିଲା । ଏଥିରେ ଉଭୟ ପକ୍ଷର କ୍ଷୟକ୍ଷତି ହୋଇଥିଲା । ବର୍ତ୍ତମାନର ସମୟରେ ଭାରତରେ ଚୀନ୍‌ ବିରୋଧରେ ସ୍ୱର ଉଠିବା ଆରମ୍ଭ ହୋଇଗଲାଣି । ପୂର୍ବ ଭଳି ଦୁଇ ଦେଶ ମଧ୍ୟରେ କୌଣସି ସ୍ତରରେ ଆଲୋଚନା କି କୌଣସି ପ୍ରସଙ୍ଗରେ କଥାବାର୍ତ୍ତ ହେବା ମଧ୍ୟ ଏତେ ସହଜ ହୋଇରହିନାହିଁ । ଏବେ ଆମେରିକା ଭାରତର ଅତି ନିକଟତର ହୋଇଚାଲିଛି । ସେହିପରି କିଛି ମାସ ତଳେ ଆମେରିକା ଭାରତକୁ ୫ଜି ନେଟଓ୍ୱାର୍କ ନେଇ ଚେତାଇଥିଲା । ଏହି କାର୍ଯ୍ୟରେ ଚୀନ୍‌ର କମ୍ପାନୀ ହୁବେଇର ସହଯୋଗ ନନେବା ପାଇଁ । ୧୫ଜୁନ୍‌ର ଘଟଣାର ପରେ ଭାରତୀରେ ଟିକ୍‌ଟିକ୍‌ ପରି ଅନେକ ଚାଇନିଜ ଆପ୍‌କୁ ଲୋକମାନେ ନିଜ ଫୋନ୍‌ରୁ ହଟାଇବା ଆରମ୍ଭ କରିଦେଲେଣି । ଆଗମୀ ଦିନରେ ଆହୁରି ବଢିବା ମଧ୍ୟ ଆଶଙ୍କା କରାଯାଉଛି । ଯାହାକୁ ନେଇ ଏବେ ଚୀନ୍‌ ବଜାରରେ ହାହାକାର ପଡିଗଲାଣି ।

ସେହିପରି PLAର ଜେନେରାଲ ଜାଓ ଅନେକ ଘଟଣାରେ ହାତ ରହିଛି । ଯେପରି ଭାରତ ସହିତ ପୂର୍ବରୁ ହୋଇଥିବା ଡୋକଲାମ୍‌ ବିବାଦରେ ମଧ୍ୟ ଏହି ଜେନାରାଲଙ୍କ ହାତ ରହିଛି । ଚୀନ୍‌ ସୀମାକୁ ଲାଗିରହିଥିବା ଭିଏମନାମରେ ହୋଇଥିବା ବିବାଦରେ ମଧ୍ୟ ଏହି ଜେନେରାଲଙ୍କ ହାତ ରହିଛି । ଜେନେରାଲ ଜାଓ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ନିକଟତମ ଲୋକଙ୍କ ମଧ୍ୟରେ ଜଣେ । ତାଙ୍କୁ ଚୀନ୍ ସେନାରେ ଅତି ନିର୍ଦ୍ଦୟ ଜେନେରାଲ୍ ଭାବରେ ବିବେଚନା କରାଯାଇଥାଏ । ଚୀନ୍‌ର ବିସ୍ତାରବାଦୀ ନୀତିକୁ ଆପଣାଇବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି ।

   Related Posts