Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବାଳିଆ ଦ୍ଵାର ଦେଶରେ ଥିବା ଶ୍ରୀଲଙ୍କା ପାଇଁ ଅକ୍ସିଜେନ ପାଲଟିଲା ଭାରତ, ଦେଲା ଏତେ କୋଟି ସହାୟତା
  • ||
  • ପଞ୍ଚାୟତ ନିର୍ବାଚନ ପାଇଁ କଂଗ୍ରେସର ୧୮ ଜଣିଆ ନିର୍ବାଚନ କମିଟି, ନରସିଂହ ଅଧ୍ୟକ୍ଷ
  • ||
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||

ପୁଣି ଥରେ ମିଛ ଓଗାଳିଲା ଚୀନ: କହିଲା- ଗଲଓ୍ଵାନ ସଂଘର୍ଷ ପାଇଁ ଭାରତ ସଂପୂର୍ଣ୍ଣ ଭାବେ ଦାୟୀ, ନୂଆଦିଲ୍ଲୀ ଉସୁକାଇଥିଲା

24/06/2020 at 5:20 PM

ବେଜିଂ ୨୪।୦୬: ଭାତତ ଓ ଚୀନ ମଧ୍ୟରେ ସେନା ପଛକୁ ହଟିବା ନେଇ ସହମତି ପ୍ରକାଶ ପାଇବାର ଗୋଟିଏ ଦିନ ପରେ ଚୀନ ପ୍ରତିରକ୍ଷା ମନ୍ତ୍ରଣାଳୟ ପୁଣି ଥରେ ମିଛ କହିଛି। ଗଲଓ୍ଵାନ ସଂଘର୍ଷ ପାଇଁ ଚୀନ୍ ଭାରତକୁ ସଂପୂର୍ଣ୍ଣ ଦାୟୀ କରିଛି। ଚୀନ ପ୍ରତିରକ୍ଷା ମନ୍ତ୍ରଣାଳୟର ମୁଖପାତ୍ର ଓ୍ଵ କିଆନ କହିଛନ୍ତି, ଆମେ ଆଶା କରୁଛୁ ଯେ, ସୀମାବର୍ତ୍ତୀ ଅଞ୍ଚଳରେ ଶାନ୍ତି ଓ ସ୍ଥିରତା କାଏମ ରହୁ। ମାତ୍ର ଭାରତର ଏକତରଫା କାର୍ଯ୍ୟାନୁଷ୍ଠାନ ଯୋଗୁଁ ଏହି ସଂଘର୍ଷର ସୂତ୍ରପାତ ହେଲା ବୋଲି ଚୀନ କହିଛି।

ପ୍ରତିରକ୍ଷା ମନ୍ତ୍ରଣାଳୟର ମୁଖପାତ୍ର କିଆନ କହିଛନ୍ତି, ଚୀନ ସେନା କରୋନା ସଂକ୍ରମଣ ହ୍ରାସ ଘଟିବା ସହିତ ଯୁଦ୍ଧ ପ୍ରସ୍ତୁତି ପାଇଁ ପ୍ରଶିକ୍ଷଣକୁ ଆଗକୁ ବଢାଇଛି। ପିଏଲରର ତିବ୍ବତ ମିଲିଟାରୀ କମାଣ୍ଡ ନିକଟରେ ପଠାରୀ ଅଞ୍ଚଳରେ ଲାଇଭ ଫାୟର ଡ୍ରିଲ୍ କରିଥିଲା। ଏହା ଜରିଆରେ ସୈନିକଙ୍କ ମିଳିତ ଯୁଦ୍ଧ କ୍ଷମତାକୁ ପରଖା ଯାଇଛି। ଏହି ଡ୍ରିଲ୍ ନିୟମିତ ଭାବେ ହେଉଛି ଏବଂ ଏହା ଅନ୍ୟ କୌଣସି ଦେଶ ବିରୋଧରେ ଉଦ୍ଦିଷ୍ଟ ନୁହେଁ ବୋଲି ଚୀନ ମନ୍ତ୍ରୀ କହିଛନ୍ତି।

ଉଲ୍ଲେଖଯୋଗ୍ୟ, ଲଦାଖର ଗଲଓ୍ଵାନ ଉପତ୍ୟକାରେ ଜୁନ ୧୫ ରାତିରେ ଘଟିଥିବା ହିଂସାତ୍ମକ ସଂଘର୍ଷରେ ଭାରତର ୨୦ ଯବାନ ସହିଦ ହୋଇଥିଲେ। ଅନ୍ୟପଟେ ଭାରତୀୟ ଯବାନଙ୍କ ଜବାବି କାର୍ଯ୍ୟାନୁଷ୍ଠାନରେ ଚୀନର ମଧ୍ୟ ୪୦ ଯବାନ ମୁତାହତ ହୋଇଥିଲେ। ଏହି ହିଂସା ପରେ ଭାରତ ଓ ଚୀନର ସୈନ୍ୟ ଅଧିକାରୀଙ୍କ ମଧ୍ୟରେ ଅନେକ ପର୍ଯ୍ୟାୟରେ ଆଲୋଚନା ହୋଇଛି ଏବଂ ଏବେ ଉଭୟ ପକ୍ଷ ନିଜର ସୈନ୍ୟ ହଟାଇବାକ ସହମତି ପ୍ରକାଶ କରିଛନ୍ତି। ମାତ୍ର ଗଲଓ୍ଵାନ ଉପତ୍ୟକାର ସାଟେଲାଇଟ୍‌ ଛବିରୁ ଯାହା ଦେଖିବାକୁ ମିଳିଛି ତାହା ବାସ୍ତବତାଠୁ ଭିନ୍ନ ରହିଛି।

   Related Posts