Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୬୫୨ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୫୧୧ ଡିସଚାର୍ଜ
  • ||
  • ବିଧାୟିକାଙ୍କ ଘର ଆଗରେ ବୋମାମାଡ଼, ଦୁଇ ସମର୍ଥକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଟୋକିଓ ଅଲିମ୍ପିକ୍ସ : ଭାରତକୁ ମିଳିଲା ଆଉ ଏକ ପଦକ, ୫୭ କେଜି କୁସ୍ତିରେ ରବି ଦାହିୟା ଜିତିଲେ ରୌପ୍ୟ ପଦକ
  • ||
  • ଜଗତସିଂହପୁର : ଶୁକ୍ରବାର ଖୋଲିବ ଝଙ୍କଡ ସ୍ଥିତ ମା’ ଶାରଳାଙ୍କ ମନ୍ଦିର, ଖୋଲିବ ଗୋରେଖନାଥଙ୍କ ପୀଠ
  • ||
  • କଟକ : ସ୍କୁଟି ମିଳିଥିଲା ମଧୁସୂଦନ ସେତୁରୁ, ମୃତଦେହ ମିଳିଲା ଯୋବ୍ରା ଆନିକଟରୁ : ମଙ୍ଗଳବାରଠୁ ଥିଲେ ନିଖୋଜ
  • ||
  • ବଡବିଲ : ରାସ୍ତା କଡକୁ ଓଲଟି ହୁତୁହୁତୁ ହୋଇ ଜଳିଗଲା ହାଇୱା
  • ||
  • ଭୁବନେଶ୍ବର : ରାଜ୍ୟ ମାନବାଧିକାର ଆୟୋଗରେ ଅଗ୍ନିକାଣ୍ଡ, ଏସି ସଟ୍ ସର୍କିଟ୍‌ରୁ ନିଆଁ ଲାଗିଥିବା ସୂଚନା
  • ||
  • ରାଉରକେଲା : ବଡଧରଣର ଜିଏସ୍‌ଟି ଠକେଇ, ବନ୍ଧାହେଲା ୮୦ କୋଟି ଟଙ୍କା ଠକିନେଇଥିବା ଠକ
  • ||
  • ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||
  • କଟକ : ଶେଷ ହେଲା ମାଟ୍ରିକ୍ ଅଫଲାଇନ୍ ପରୀକ୍ଷା, ୧୧ ରୁ ଆରମ୍ଭ ହେବ ମୂଲ୍ୟାୟନ
  • ||

ଚୀନର ଚାଲ୍‌ବାଜି : ତିବ୍ବତ ସୀମା ନିକଟରେ ୨୦ କି:ମି: ସଡକ ନିର୍ମାଣ କରୁଛି ଡ୍ରାଗନ୍

24/07/2020 at 11:54 AM

କିନ୍ନୋର ୨୪/୦୭ : ଗଲୱାନ ଘାଟିରେ ଭାରତୀୟ ଯବାନଙ୍କ ସହିତ ହିଂସା ଘଟଣା ପରେ ଚୀନ ସହ ଉତ୍ତେଜନା ପରେ ମଧ୍ୟ ଚୀନ ନିଜ କାର୍ଯ୍ୟକଳାପରୁ ପଛକୁ ହଟୁନି | ଚୀନ ବର୍ତ୍ତମାନ ହିମାଚଳ ପ୍ରଦେଶ କିନ୍ନୋର ଜିଲ୍ଲା ସୀମା ନିକଟସ୍ଥ ତିବ୍ବତରେ ଚୀନ ସଡକ ନିର୍ମାଣ କରିଛି | ଚୀନ ଏଠାରେ ୨୦ କିମି ଯାଏଁ ସଡକ ନିର୍ମାଣ କରିଛି | କିନ୍ନୋରରେ ତିବ୍ବତରୁ ୧୨୦ କିମି ବର୍ଡ଼ର ଏରିଆ ରହିଛି | ଅନ୍ତରାଷ୍ଟ୍ରୀୟ ସୀମା ସହ ଜଡିତ ମାମଲା ହୋଇଥିବାରୁ ପ୍ରଶାସନ ଓ ସୁରକ୍ଷାବଳ ଅଧିକାରୀଙ୍କ ତରଫରୁ କୌଣସି ପ୍ରତିକ୍ରିୟା ମିଳିନାହିଁ | 

ରିପୋର୍ଟ ଅନୁଯାୟୀ, ଚୀନ ସୀମା ନିକଟସ୍ଥ କିନ୍ନୋର ଜିଲ୍ଲାର ମୋରଙ୍ଗ ଘାଟି ଅନ୍ତର୍ଗତ କୁନୁ ଚାଙ୍ଗ ଠାରୁ ଖେମକୁଲ୍ଲା ପାଖରେ ଯୁଦ୍ଧକାଳୀନ ଭିତ୍ତିରେ ସଡକ ନିର୍ମାଣ କାମ ଆରମ୍ଭ କରିଛି | ୨ କିମିର ନୋ ମେନ୍ସ ଲ୍ୟାଣ୍ଡ ଅଞ୍ଚଳରେ ମଧ୍ୟ ଚୀନ ଦ୍ୱାରା ସଡକ ନିର୍ମାଣ କରିବା ଆଶଙ୍କା କରାଯାଉଛି | 

ନିକଟରେ ଚରଙ୍ଗ ଗାଁରେ ୯ ସଂସଦୀୟ ଦଳ ୧୬ ଘୋଡା ଓ ୫ ପୋର୍ଟର ଏବଂ ଅର୍ଦ୍ଧସୈନିକବଳର କିଛି ଯବାନଙ୍କ ସହିତ ଗାଁର ପାଖାପାଖି ୨୨ କିମି ଉପର ସୀମା ଆଡକୁ ଯାଇଥିଲେ | ଦଳ ଯେତେବେଳେ ତିବ୍ବତ କ୍ଷେତ୍ର ଆଡକୁ ନଜର ପକାଇଲେ ଦେଖି ଆଶ୍ଚର୍ଯ୍ୟ ହୋଇଗଲେ | ଦୁଇ ମାସରେ ଚୀନ ଭାରତ-ତିବ୍ବତ ସୀମା ଆଡକୁ ୨୦ କିମି ସଡକ କରିଛି | ଏହି ଦଳ କହିଛନ୍ତି ଯେ, ଗତ ବର୍ଷ ଅକ୍ଟୋବର ମାସରେ ତିବ୍ବତରେ ଭାରତ ତରଫରୁ ଶେଷ ଗାଁ ତଙ୍ଗୋ ଯାଏଁ ସଡକ ଥିଲା | କିନ୍ତୁ ଏଥର ବରଫ ସଫା ହେଉ ହେଉ ତିବ୍ବତ ତଙ୍ଗୋ ଗାଁରୁ ଭାରତ ସୀମା ଆଡକୁ ୨୦ କିମି ଯାଏଁ ସଡକ ନିର୍ମାଣ କରାଯାଇଛି | ସାଙ୍ଗଲା ଘାଟି ଛିତାକୁଲ ପଛପଟେ ତିବ୍ବତ ୟମରଙ୍ଗ ଲା ଆଡକୁ ମଧ୍ୟ ସଡକ ନିର୍ମାଣ କରାଯାଉଛି |

ଚୀନ ସୀମା ନିକଟସ୍ଥ ଚାରଙ୍ଗ ଗ୍ରାମବାସୀ ଖେମକୁଲ୍ଲା ନିକଟରୁ ସୀମା ତଦାରଖ କରିଛନ୍ତି | ଦଳରେ ସାମିଲ ଥିବା ବଳଦେବ ନେଗୀ, ଜେପି ନେଗୀ, ବିପିନ କୁମାର, ଭଗି ରାମ, ନିରାଜ, ମୋହନ ଆଦି କହିଛନ୍ତି ଯେ କେବଳ ୨ କିମି ଅଞ୍ଚଳରେ ଚୀନ ତରଫରୁ ସୀମା ପର୍ଯ୍ୟନ୍ତ ସଡକ ବାହାର କରିବା ବାକି ଅଛି | ବର୍ତ୍ତମାନ ସଡକ ନିର୍ମାଣ କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଚାଲିଛି ବୋଲି ସେ କହିଛନ୍ତି | ୫ ପୋକ ଲେନ ଏବଂ କିଛି ବଡ ବଡ ବମ୍ପର ସଡକ ନିର୍ମାଣ କାର୍ଯ୍ୟରେ ଲାଗିଥିବା ସେମାନେ ଦେଖିଛନ୍ତି | ୬ ଦିନ ଯାଏଁ ତଦାରଖ କରିବା ପରେ ସେମାନେ ଜାଣିବାକୁ ପାଇଛନ୍ତି ଯେ ସଡକ ନିର୍ମାଣ କାର୍ଯ୍ୟ ରାତିରେ ହୋଇଥାଏ | ପ୍ରଥମେ ଭାରତୀୟ ସୀମାରେ ତଦାରଖ କରିବା ପାଇଁ ଡ୍ରୋନ୍ କ୍ୟାମେରା ଛଡା ଯାଉଥିଲା ଏବଂ ବିସ୍ଫୋରଣ ଶବ୍ଦ ଶୁଭୁଥିଲା | ଏଥିରୁ ଅନୁମାନ କରାଯାଉଥିଲା ଯେ ସଡକ ନିର୍ମାଣ ପାଇଁ ବିସ୍ଫୋରଣ କରାଯାଉଛି |

   Related Posts