Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଚୀନ୍ ଜଙ୍ଗଲରେ ଭୟାବହ ଅଗ୍ନିକାଣ୍ଡ, ନିଆଁ ଲିଭାଇବା ବେଳେ ୧୮ ଅଗ୍ନିଶମ କର୍ମଚାରୀ ଏବଂ ଜଣେ ଫରେଷ୍ଟ ଗାର୍ଡଙ୍କ ମୃତ୍ୟୁ

1/04/2020 at 8:49 AM

ବେଜିଂ ୧।୪: ଚୀନ୍‌ର ଦକ୍ଷିଣ-ପଶ୍ଚିମ ସିଚୁଆନ୍‌ର ସିଚାଙ୍ଗ ଜଙ୍ଗଲରେ ନିଆଁ ଲାଗିଯିବା ଫଳରେ ୧୯ ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ୧୮ ଜଣ ଅଗ୍ନିଶମ କର୍ମଚାରୀ ଏବଂ ଜଣେ ପରେଷ୍ଟ ଗାର୍ଡ ଥିବା ଜମାପଡିଛି । ଚୀନ୍ ନ୍ୟୁଜ୍ ଏଜେନ୍ସି ସିହ୍ନୁଆ ଅନୁଯାୟୀ ସୋମବାର ଅପରାହ୍ନ ୩ଟା ପରେ ଏକ କ୍ଷେତରେ ନିଆଁ ଲାଗିଯାଇଥିଲା । ପ୍ରବଳ ପବନ ଯୋଗୁଁ ନିକଟସ୍ଥ ଲିୟାଙ୍ଗଶାନ୍ ପାର୍ବତ୍ୟ ଅଞ୍ଚଳକୁ ନିଆଁ ବ୍ୟାପିଯାଇଥିଲା | ଫଳରେ ଶିଚାଙ୍ଗ ସହରରେ ପ୍ରବଳ ଧୂଆଁର ଆସ୍ତରଣ ହୋଇଗଲା | ଏହା ଯୋଗୁଁ ୭ ଲକ୍ଷ ଜନସଂଖ୍ୟା ବିଶିଷ୍ଟ ସହର ପାଇଁ ବିପଦ ସୃଷ୍ଟି ହୋଇଥିଲା । ତେବୋ ଏହି ନିଆଁକୁ ଲିଭାଇବା ବେଳେ ୧୯ଜଣଙ୍କର ମୃତ୍ୟୁ ହୋଇଥିବା ମଙ୍ଗଳବାର ଦିନ ଜଣାପଡିଛି ।

ମଙ୍ଗଳବାର ସକାଳ ପର୍ଯ୍ୟନ୍ତ ୧୪୦ରୁ ଅଧିକ ଅଗ୍ନି ନିର୍ବାପକ ଇଞ୍ଜିନ୍, ୪ଟି ହେଲିକପ୍ଟର ସହିତ ୯୦୦ ଅଗ୍ନିଶମ ବାହିନୀ କର୍ମଚାରୀ ଏବଂ ଯବାନ ନିଆଁ ଲିଭାଇବାରେ ନିୟୋଜିତ ଥିଲେ । ୨ ହଜାରରୁ ଅଧିକ ଯବାନ ଉଦ୍ଧାର କାର୍ଯ୍ୟରେ ନିୟୋଜିତ ଥିଲେ । ୧୨୦୦ରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଛି । ଗତବର୍ଷ ଏପ୍ରିଲ ମାସରେ ଏହ ପ୍ରଦେଶର ମୁଲି କାଉଣ୍ଟିରେ ଏକ ବଡ ଜଙ୍ଗଲରେ ନିଆଁ ଲାଗିଯାଇଥିଲା । ସେହି ସମୟରେ ୭୦୦ ଅଗ୍ନିଶମ କର୍ମଚାରୀଙ୍କୁ ନିୟୋଜିତ କରାଯାଇଥିଲା । ସେଥି ମଧ୍ୟରୁ ୨୭ଜଣ ଅଗ୍ନିଶମ କର୍ମଚାରୀଙ୍କ ମୃତ୍ୟୁ ହୋଇଥିଲା ।

   Related Posts