Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ମୁଣ୍ଡଳୀ ବ୍ୟାରେଜରୁ ଡେଇଁ ଜଣେ ନିଖୋଜ, ବ୍ରିଜ୍ ଉପରେ ଅଛି ଗାଡି ଓ ମୋବାଇଲ୍
  • ||
  • ଖୋର୍ଦ୍ଧା : ଯୁବକକୁ ଖୋଜି ଆଣିବା ଦାବିରେ ଏସ୍‌ପି ଅଫିସ୍ ଘେରାଉ, ରବିବାରଠୁ ଗାଈ ଚରେଇବାକୁ ଯାଇ ଅଛନ୍ତି ନିଖୋଜ
  • ||
  • ଚାନ୍ଦବାଲି : ଖେଳୁଥିବା ବେଳେ ପୋଖରୀରେ ବୁଡିଗଲେ ଦେଢ ବର୍ଷର ଶିଶୁ କନ୍ୟା, ଡାକ୍ତରଖାନାରେ ମୃତ୍ୟୁ
  • ||
  • ଭୁବନେଶ୍ବର : ମମିତା ଘଟଣାରେ ରାଜଧାନୀ ହୁଲସ୍ତୁଲ, ଡିସିପି ଅଫିସ୍ ଘେରାଉ ବେଳେ ବିଜେପି କର୍ମୀ ଓ ପୋଲିସ ଧସ୍ତାଧସ୍ତି
  • ||
  • ନୟାଗଡ : ଗୁଣିଗାରେଡି ସନ୍ଦେହରେ ୫ ଜଣଙ୍କୁ ନିର୍ଯାତନା ଘଟଣା : ୫ ଜଣଙ୍କୁ ଗିରଫ କଲା ପୋଲିସ
  • ||
  • ମର୍ମନ୍ତୁଦ ଦୁର୍ଘଟଣା: ଡୋଡା ଘାଟିରେ ଖସିପଡିଲା ମାଟାଡୋର, ୮ ମୃତ ଓ ଅନେକ ଆହତ
  • ||
  • ଜଗତସିଂହପୁର : ଷ୍ଟାଡିୟମ୍ ନିକଟରୁ ମିଳିଲା ଯୁବକଙ୍କ ମୃତଦେହ, ବୁଧବାର ସନ୍ଧ୍ୟାରୁ ଥିଲେ ନିଖୋଜ
  • ||
  • କଳାହାଣ୍ଡି : ମମିତା ମେହେର ହତ୍ୟା ମାମଲାରେ କଂଗ୍ରେସର ଧାରଣା ୩ୟ ଦିନରେ, ମନ୍ତ୍ରୀ ଇସ୍ତଫା ନଦେଲେ ତୀବ୍ର ହେବ ଆନ୍ଦୋଳନ
  • ||
  • କଳାହାଣ୍ଡି : ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲରେ ଘାଇ, ଶହ ଶହ ହେକ୍ଟର ଧାନ ଚାଷ ନଷ୍ଟ ଆଶଙ୍କା
  • ||
  • ଢେଙ୍କାନାଳ : ଶୌଚ ହୋଇ ଫେରିବା ବେଳେ ବୃଦ୍ଧଙ୍କୁ କଚାଡିଦେଲା ଦନ୍ତା, ଡାକ୍ତରଖାନାରେ ଚାଲିଗଲା ଜୀବନ
  • ||

ଚୀନର ଦୋମୁହାଁ ନୀତି : ଅକ୍ସିଜେନ୍‌ ଉପକରଣ ନେଇ ଆସୁଥିବା କାର୍ଗୋ ବିମାନଗୁଡିକୁ କଲା ବାତିଲ, ବଢିଲା ଚିନ୍ତା…

26/04/2021 at 6:36 PM

ନୂଆଦିଲ୍ଲୀ ୨୬/୦୪ : କରୋନା ବିସ୍ତାରକାରୀ ଦେଶ ଚୀନ ଭାରତ ପ୍ରତି ଆହୁରି କଠୋର ହେବାରେ ଲାଗିଛି । ସହଯୋଗ କରିବା ପାଇଁ ଉପର ଠାଉରିଆ ଭାବେ କହୁଥିବା ବେଳେ ପୁଣି ସାମ୍ନାକୁ ଆସିଛି ଚୀନର ଦୋମୁହାଁ ନୀତି । ୧୫ ଦିନ ପାଇଁ ଭାରତକୁ ଆସିବାକୁ ଥିବା ସମସ୍ତ କାର୍ଗୋ ବିମାନ ବାତିଲ କରିଛି ଚୀନ । ଏହାକୁ ନେଇ ତୀବ୍ର ଅସନ୍ତୋଷ ଦେଖାଦେଇଛି ।

ଗୁରୁତ୍ବପୂର୍ଣ୍ଣ କଥା ହେଉଛି ଏହି କାର୍ଗୋ ବିମାନ ଗୁଡିକରେ ଜରୁରୀ ଚିକିତ୍ସା ଉପକରଣ ଆସିଥାଏ । ଯେଉଁଥିରେ ଅକ୍ସିଜେନ ଉତ୍ପାଦନ ପାଇଁ ଆବଶ୍ୟକୀୟ ସରଞ୍ଜାମ ମଧ୍ୟ ରହିଛି । ତେବେ ବର୍ତ୍ତମାନ ଚାଇନାର ସିଚୁଆନ୍‌ ଏୟାରଲାଇନ୍ସ ଭାରତକୁ କାର୍ଗୋ ବିମାନ ଆସିବା ନେଇ ୧୫ ଦିନ ପାଇଁ ରୋକ ଲଗାଇବା ପରେ ସ୍ଥିତି ଜଟିଳ ହୋଇପା​‌ରେ ବୋଲି ଆଶଙ୍କା କରାଯାଉଛି ।

ସିଚୁଆନ ଚୁଆନାହାଙ୍ଗ୍‌ ଲଜିଷ୍ଟିକ୍‌ କମ୍ପାନୀ ପକ୍ଷରୁ କୁହାଯାଇଛି ଯେ, ଭାରତକୁ ଯିବାକୁ ଥିବା ମୋଟ ୬ଟି ରୁଟ୍‌ ଉପରେ ରୋକ୍‌ ଲଗାଯାଇଛି । ଚୀନରୁ ଅନେକାଂଶରେ ଅକ୍ସିଜେନ ସରଞ୍ଜାବ ଆସୁଥିଲା । ତେବେ ବର୍ତ୍ତମାନ କାର୍ଗୋ ଫ୍ଲାଇଟ୍‌ ଗୁଡିକ ବନ୍ଦ ହେବା ପରେ କଣ କରାଯିବ ସେ ନେଇ ଚିନ୍ତା ବଢିବାରେ ଲାଗିଛି । ଦେଶରେ ଅକ୍ସିଜେନ ସଙ୍କଟକୁ ଦୃଷ୍ଟିରେ ରଖି ଉଦ୍ୟୋଗପତିମାନେ ଚୀନରୁ ଆବଶ୍ୟକୀୟ ସରଞ୍ଜାମ ଆଣିବା ନେଇ ଘୋଷଣା କରିଥିଲେ ।

ଏଭଳି ସଙ୍କଟଜନକ ସ୍ଥିତିରେ ଚୀନର ଏଭଳି ନିର୍ଣ୍ଣୟ ଚିନ୍ତା ବଢାଇ ଦେଇଛି । କାରଣ ଏହା ପୂର୍ବରୁ କୋଭିଡ୍‌-୧୯ ଆକ୍ରାନ୍ତଙ୍କ ସଂଖ୍ୟା ବୃଦ୍ଧିକୁ ଦୃଷ୍ଟି​‌ରେ ରଖି ଯଥାସମ୍ଭବ ସହଯୋଗ କରିବାକୁ ଘୋଷଣା କରିଥିଲା ଚୀନ । କିନ୍ତୁ ବର୍ତ୍ତମାନ ଚୀନର ଦୋମୁହାଁ ନୀତି ଦେଖିବାକୁ ମିଳିଛି । ୧୫ ଦିନ ପାଇଁ କାର୍ଗୋ ଫ୍ଳାଇଟ୍‌ ଉଡାଣ ଉପରେ ରୋକ ଲଗାଇଛି ଏବଂ ଗାଇଡ୍‌ଲାଇନ୍‌ ଶେଷ ହେବା ପରେ ସ୍ଥିତି ଦେଖି ନିଷ୍ପତ୍ତି ନିଆଯିବ ବୋଲି ଏୟାରଲାଇନ୍ସ କର୍ତ୍ତୃପକ୍ଷ କହିଛନ୍ତି ।

   Related Posts