Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ପାକିସ୍ତାନକୁ ଯୁଦ୍ଧାସ୍ତ୍ର ଭର୍ତ୍ତି ଡ୍ରୋନ୍ ପଠାଇଲା ଚୀନ : ଜବାବରେ ଭାରତ କହିଲା, ‘ଦେଖିବା ମାତ୍ରେ ଗୁଳିକରି ଉଡାଇଦିଆଯିବ’

26/12/2020 at 3:34 PM

ନୂଆଦିଲ୍ଲୀ ୨୬/୧୨ : ପାକିସ୍ତାନ ପ୍ରତି ଲଗାତାର ଭାବେ ସହାନୁଭୂତି ଦେଖାଇ ଚାଲିଛି ଚୀନ । ଶତ୍ରୁର ଶତ୍ରୁ ମିତ୍ର ଭଳି ଉଭୟ ଦେଶ, ଭାରତ ବିପକ୍ଷରେ ଲଢିବା ପାଇଁ ବିଭିନ୍ନ ପ୍ରକାର ପନ୍ଥା ଆପଣାଉଛନ୍ତି । ଏହାକୁ ଆଉ ଏକ ପାଦ ଆଗେଇ ନେଇଛି ଚୀନ । ଚଳିତ ମାସରେ ପାକିସ୍ତାନକୁ ୫୦ଟି ଅସ୍ତ୍ରଶସ୍ତ୍ରପୂର୍ଣ୍ଣ ଡ୍ରୋନ୍‌ ପଠାଇଛି ଚୀନ । ଚୀନ ଏବଂ ପାକିସ୍ତାନର ଏହି ନୂଆ ଡିଲ୍, ଭାରତର ସୀମାବର୍ତ୍ତୀ ଅଞ୍ଚଳରେ ଥିବା ଉଚ୍ଚ ସ୍ଥାନରେ ନଜର ରଖିବ ।

ତେବେ ଏହା ହେଲେ ଭାରତ ପାଇଁ ସମସ୍ୟା ଦେଖାଦେଇପାରେ । କାରଣ ଭାରତୀୟ ସେନା ପାଖରେ ନୂଆ ମଡେଲର ଷ୍ଟାଣ୍ଡ୍‌ ଅଫ୍ ଅସ୍ତ୍ରଶସ୍ତ୍ରର ଜବାବ ଦେବାର କ୍ଷମତା କ୍ଷମତା ନାହିଁ । କିନ୍ତୁ ଭାରତୀୟ ସେନା ଆକାଶ ମାର୍ଗରେ ବୁଲୁଥିବା ଡ୍ରୋନ୍‌ଗୁଡିକୁ ମାରିବାକୁ ପୂରାପୂରି ଭାବେ ସକ୍ଷମ । ତେବେ ଚୀନ ମିଡିଆ କହିବା ମୁତାବକ ଭାରତୀୟ ସେନା ଅସ୍ତ୍ରଶସ୍ତ୍ରରେ ପରିପୂର୍ଣ୍ଣ ଡ୍ରୋନ୍‌ଗୁଡିକୁ ମୁକାବିଲା କରିବାରେ ଅସମର୍ଥ ।

ଏହାର ଜବାବରେ ଭାରତୀୟ ସେନା କହିଛି ଯେ, ଆଫଗାନିସ୍ତାନ ଏବଂ ଇରାକରେ ଆମେରିକା ନିର୍ମିତ ଅସ୍ତ୍ରଶସ୍ତ୍ରପୂର୍ଣ୍ଣ ଡ୍ରୋନ୍‌ ଆତଙ୍କବାଦୀମାନଙ୍କର କଡା ମୁକାବିଲା କରୁଛି । ସେଠାକାର ଆକାଶମାର୍ଗରେ ଆମେରିକାର ଦବଦବା ରହିଛି । ତେଣୁକରି ଆମେରିକା ନିର୍ଦ୍ବନ୍ଦରେ ଡ୍ରୋନ୍‌ କାରବାର କରିପାରୁଛି । ଭାରତୀୟ ସେନା କହିବା କଥା ଯେ ଚୀନ ଏବଂ ପାକିସ୍ତାନ କ୍ଷେତ୍ରରେ ଏହା ସମ୍ଭବ ନୁହେଁ କାରଣ ଭାରତୀୟ ବାୟୁ ସେନାର ଆକାଶମାର୍ଗରେ ସ୍ବତନ୍ତ୍ର ଦବଦବା ରହିଛି । ତେଣୁ ଚୀନ, ପାକିସ୍ତାନକୁ ଦେଇଥିବା ଉନ୍ନତମାନର ଡ୍ରୋନ୍‌ ଭାରତ ପାଇଁ କୌଣସି ସମସ୍ୟା ସୃଷ୍ଟି କରି ପାରିବ ନାହିଁ ।

ଉଭୟ ପାକିସ୍ତାନ ଏବଂ ଚୀନ ସୀମାରେ ଭାରତୀୟ ସେନା ରାଡାର୍ ମାଧ୍ୟମରେ ଟିକନିକ୍ ନଜର ରଖିଛି । ତେଣୁ କୌଣସି ଡ୍ରୋନ୍ ସୀମା ଆରପଟୁ ପ୍ରବେଶ ଉଦ୍ୟମ କଲେ ତାହାକୁ ତତକ୍ଷଣାତ୍ ଗୁଳିମାରି ନଷ୍ଟ କରାଯାଉଛି । ଏ କ୍ଷେତ୍ରରେ ମଧ୍ୟ ସମାନ ପଦକ୍ଷେପ ଗ୍ରହଣ କରାଯିବ ବୋଲି ଜଣେ ଭାରତୀୟ ସେନା ଅଧିକାରୀ କହିଛନ୍ତି ।  

   Related Posts