Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଚୀନର ଜଳପରି ବଂଶ : ପିନ୍ଧନ୍ତି ମାଛ ଛାଲରେ ତିଆରି ପୋଷାକ

26/05/2020 at 2:48 PM

ବେଜିଙ୍ଗ ୨୬/୦୫ : ଚୀନର ଏକ ଛୋଟ ଗାଁରେ ରହୁଥିବା ଏକ ସମ୍ପ୍ରଦାୟ ମାଛ ଛାଲରେ ପୋଷାକ ତିଆରି କରନ୍ତି | ବର୍ତ୍ତମାନ ଏହି ସମ୍ପ୍ରଦାୟର ବହୁତ କମ ଲୋକ ବଞ୍ଚିଛନ୍ତି ଯେଉଁମାନେ ମାଛ ଛାଲରେ ପୋଷାକ ତିଆରି କରିବା ଜାଣିଛନ୍ତି | ୬୮ ବର୍ଷ ବୟସ୍କା ବେନଫେଙ୍ଗ, ଚୀନର ହିଲଙ୍ଗଜିୟଙ୍ଗ ଅଞ୍ଚଳର ଟୋଙ୍ଗଜୀୟାଙ୍ଗ ସହର ଅନ୍ତର୍ଗତ ହେଝେନ ଗାଁରେ ରୁହନ୍ତି | ସେ ହେଝେନ ସମ୍ପ୍ରଦାୟର | ସେ ମାଛ ଛାଲରେ ପୋଷାକ ତିଆରି କରି ଜାଣନ୍ତି |

ସେ କୁହନ୍ତି ଯେ, ତାଙ୍କ ସମ୍ପ୍ରଦାୟର ଅନେକ ଲୋକ ୧୯୩୦ ଏବଂ ୧୯୪୦ ଦଶକରେ ଜାପାନ ଚାଲିଯାଇଥିଲେ | ତାଙ୍କ ସମ୍ପ୍ରଦାୟର ଅନେକ ଲୋକ ପ୍ରାଣ ହରାଇଛନ୍ତି | କିନ୍ତୁ ସେ ଏବେ ସୁଦ୍ଧା ଚୀନରେ ଅଛନ୍ତି | ଏହି ସମ୍ପ୍ରଦାୟର ଲୋକଙ୍କୁ ଚୀନରେ ଅମୁର ବୋଲି କୁହାଯାଏ | ଋଷ ସାଇବେରିଆରେ ବ୍ଲାକ ଡ୍ରାଗନ ନଦୀ ନିକଟରେ ବସବାସ କରୁଥିବା ଏହି ସମ୍ପ୍ରଦାୟ ଲୋକଙ୍କୁ ତୂଂଗୁସିକ ସମ୍ପ୍ରଦାୟ ସହ ଯୋଡ଼ା ଯାଇଥାଏ | ଚୀନରେ ହେଝେନ ସମ୍ପ୍ରଦାୟ ଦ୍ୱିତୀୟ ବିଶ୍ୱଯୁଦ୍ଧ ପରେ ବୃଦ୍ଧି ପାଇଥିଲା | ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଏମାନେ ମାତ୍ର ୩୦୦ ଜଣ ଥିଲେ | କିନ୍ତୁ ବର୍ତ୍ତମାନ ଏହି ସମ୍ପ୍ରଦାୟର ପାଖାପାଖି ୫ ହଜାର ଲୋକ ଅଛନ୍ତି | ଏମାନେ କାର୍ପ, ପାଇକ ଏବଂ ସାଲମନ ମାଛ ଛାଲରେ ପୋଷାକ ତିଆରି କରନ୍ତି |   

ସେ କୁହନ୍ତି ଯୁବପିଢ଼ିର କିଛି ଯୁବକ ଯୁବତୀ ଏହି କଳା ଶିଖିବା ପାଇଁ ଇଛା କରନ୍ତି | ମାଛ ଛାଲରେ ତିଆରି ପୋଷାକ ବର୍ତ୍ତମାନ ହେଝେନ ସମ୍ପ୍ରଦାୟର ଲୋକ ପ୍ରତିଦିନ ପିନ୍ଧୁ ନାହାନ୍ତି | କେବେ କେବେ ପର୍ବ ପର୍ବାଣି ଦେଖି ପିନ୍ଧୁଛନ୍ତି |

ଟୋଙ୍ଗାଜୀୟାଙ୍ଗରେ ରହୁଥିବା ହେଝେନ ସମ୍ପ୍ରଦାୟର ଲୋକଙ୍କ ଗାଁ ଚୀନର ଉତ୍ତର-ପୂର୍ବରୁ ଋଷ ସୀମା ସହ ସଂଯୋଜିତ | ସେ ଏଠାରେ ଲୋକଙ୍କୁ ମାଛ ଛାଲରେ ପୋଷାକ ତିଆରି କରିବା ସୁଖାଉଛନ୍ତି | ସେ ଏହି ସମ୍ପ୍ରଦାୟର ନାନା କାହାଣୀ ଶୁଣାଉଛନ୍ତି ଏବଂ ଏହି ନିଆରା ପରମ୍ପରାକୁ ଜୀବିତ ରଖିଛନ୍ତି |

ମାଛ ଛାଲରେ ପୋଷାକ ତିଆରି କରିବା ପାଇଁ ଜମା ହୋଇଥିବା ନଦୀରୁ ମାଛ ଧରିବାକୁ ପଡିଥାଏ | ୟୁ ବେନଫେଙ୍ଗଙ୍କର ଏକ ବୁଟୀକ ମଧ୍ୟ ଅଛି | ସେଠାରେ ସେ ନିଜ ଛାତ୍ରଛାତ୍ରୀଙ୍କୁ ମାଛ ଛାଲ ପୋଷାକ ତିଆରି କରିବା ଶିଖାଉଛନ୍ତି | ଏହି ସମ୍ପ୍ରଦାୟ ଲୋକ ନଦୀରୁ ମାଛ ଧରିବାରେ ପାରଙ୍ଗମ | ଏମାନଙ୍କୁ ଜଳପରି ବଂଶଜ ବୋଲି କୁହାଯାଏ | ସେ କହିଛନ୍ତି, ଆଗରୁ ନିଜ ଇଛାରେ ମାଛ ଧରୁଥିଲେ | କିନ୍ତୁ ଏବେ ବଜାରରୁ କିଣିବାକୁ ପଡୁଛି | ଆଗରୁ ସିଲେଇ କରିବା ପାଇଁ ବାଘ ହାଡ ଏବଂ ହରିଣର ହାଡ ବ୍ୟବହାର କରାଯାଉଥିଲା | କିଣୁ ଏବେ ସିଲେଇ ପାଇଁ ଛୁଞ୍ଚି ସୁତା ବ୍ୟବହାର ହେଉଛି | ମହିଳାଙ୍କ ଗୋଟିଏ ଟପ ଓ ଟ୍ରାଉଜର ତିଆରି କରିବାକୁ ୫୦ ଟି ପୁରୁଷଙ୍କ ପୋଷାକ ପାଇଁ ୫୬ଟି ମାଛର ଛାଲ ଆବଶ୍ୟକ ହୋଇଥାଏ |  

ବଜାରରୁ ମାଛ ଆଣିବା ପରେ ତାଙ୍କ ଛାଲ ବାହାର କରାଯାଇଥାଏ | ଏହାପରେ ତାକୁ ଶୁଖାଇ ଦିଆଯାଏ | ଏହାପରେ ତାକୁ ଆଇରନ କରାଯାଇଥାଏ | ଏହି ପ୍ରକ୍ରିୟା ପାଇଁ ପାଖାପାଖି ମାସେ ଲାଗିଥାଏ | ଏହାପରେ ସିଲେଇ କରିବାକୁ ପାଖାପାଖି ୨୦ ଦିନ ଲାଗିଥାଏ |

ୟୁ ବେନଫେଙ୍ଗ ଚାହୁଁଛନ୍ତି ତାଙ୍କ ପୋଷାକର ବ୍ରାଣ୍ଡିଙ୍ଗ ହେଉ ଯେପରି ସାପ, କୁମ୍ଭୀର ଛାଲରେ ତିଆରି ପୋଷାକ ଏବଂ ଜିନିଷର ହୋଇଥାଏ | ଫଳରେ ତାଙ୍କ ସମ୍ପ୍ରଦାୟର ଲୋକଙ୍କୁ କାମ ମିଳିବ ସହ ରୋଜଗାର ମଧ୍ୟ ହେବ |

   Related Posts