Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

କରୋନା ସମୟରେ ସାମରିକ ଉତ୍ତେଜନା: ଦକ୍ଷିଣ ଚୀନ ସାଗରରେ ଆମେରିକା ଲଢୁଆ ଜାହାଜକୁ ତଡିଲା ଚୀନ, ୟୁଏସ ପଠାଇଲା ବୋମାବର୍ଷକ ବିମାନ

1/05/2020 at 3:45 PM

ଓ୍ଵାଶିଂଟନ/ବେଜିଂ ୦୧।୦୫: ସମଗ୍ର ଦୁନିଆ କରୋନା ଭାଇରସ୍‌ରେ ବେହାଲ ହୋଇ ପଡିଛି। ମାତ୍ର ଏମିତି ସଙ୍କଟ ସମୟରେ ବି ଚୀନ ଓ ଆମେରିକା ମଧ୍ୟରେ ସାମରିକ ତିକ୍ତତା କ୍ରମାଗତ ବଢିବାରେ ଲାଗିଛି। ଚୀନର ନୌସେନା ଦାବି କରିଛି ଯେ, ତାର ସେନା ଦକ୍ଷିଣ ଚୀନ ସାଗରରେ ଆମେରିକାର ଲଢୁଆ  ଜାହାଜକୁ ନିଜ ଅଞ୍ଚଳରୁ ତଡି ଦେଇଛି। ଅନ୍ୟପଟେ ଆମେରିକା ଚୀନର ଏହି ଦାବିକୁ ଦୃଢ ଭାବେ ଖଣ୍ଡନ କରିଛି। ଏହା ମଧ୍ୟରେ ଆମେରିକା ନିଜର ବୋମାବର୍ଷକ ବିମାନକୁ ଦକ୍ଷିଣ ଚୀନ ସାଗର ଅଞ୍ଚଳକୁ ପଠାଇଛି।

ଚୀନର ପିପୁଲ୍ସ ଲିବେରେସନ ଆର୍ମିର ସଦର୍ଣ୍ଣ ଥିଏଟର କମାଣ୍ଡର ମୁଖପାତ୍ର ବରିଷ୍ଠ କର୍ଣ୍ଣେଲ ଲି ହୁଆମିନ କହିଛନ୍ତି, ଚୀନ ବାୟୁ ସେନା ଓ ନୌସେନାକୁ ନିୟୋଜିତ କରି ନିଜ ଅଞ୍ଚଳରୁ ଆମେରିକାର ଗାଇଡେଡ୍ କ୍ଷେପଣାସ୍ତ୍ର ବିଧ୍ଵଂସକ ୟୁଏସଏସ ବ୍ୟାରିକୁ ତଡି ଦେଇଛି। ଡ୍ରାଗନ ଏହା ମଧ୍ୟ ଦାବି କରିଛି ଯେ, ଆମେରିକା ଲଢୁଆ ଜାହାଜ ଦକ୍ଷିଣ ଚୀନ ସାଗରରେ ତାର ସମୁଦ୍ର କ୍ଷେତ୍ରରେ ଥିଲା। କିନ୍ତୁ ଆମେରିକା ନୌସେନା ଚୀନର ଏହି ଦାବିକୁ ଖଣ୍ଡନ କରିଛି।

ଚୀନ କହିଛି ଯେ, ଆମେରିକାର ଏହି କାର୍ଯ୍ୟ ଅନ୍ତରାଷ୍ଟ୍ରୀୟ ନିୟମର ଉଲ୍ଲଂଘନ କରିଛି ଏବଂ ଚୀନର ସାର୍ବଭୌମ ଓ ସୁରକ୍ଷା ହିତକୁ ଗମ୍ଭୀର ଭାବେ ଉଲ୍ଲଂଘନ କରିଛି। ଏଥିରେ ଆମର ସୁରକ୍ଷା ପ୍ରତି ବିପଦ ବଢିଛି। ଏମିତି ହେଲେ ଅପ୍ରତ୍ୟାଶିତ ପରିଣାମ ମିଳିପାରେ ଏବଂ ଏଥିରେ କରୋନା ବିରୋଧରେ ବିଶ୍ଵର ଲଢେଇ ଦୁର୍ବଳ ହୋଇ ଯାଇପାରେ। ଆମେରିକା ନୌସେନା ନିଜର ଏହି ଦାବିକୁ ଖଣ୍ଡନ କରିଛନ୍ତି। ଆମେରିକା ନୌସେନା କହିଛି ଯେ, ଦୁଇ ଦେଶର ନୌସେନା ମଧ୍ୟରେ କୌଣସି ମୁହାଁମୁହିଁ ଜନକ ସ୍ଥିତି ଉପୁଜିଥିବାର ରିପୋର୍ଟ ନାହିଁ।

ଉଲ୍ଲେଖଯୋଗ୍ୟ, ଚୀନ ଦକ୍ଷିଣ ଚୀନ ସାଗର ଏବଂ ଏହାର ଆଖପାଖ ସମୁଦ୍ରୀ ଅଞ୍ଚଳକୁ ଚୀନ ନିଜର ବୋଲି ଦାବି କରୁଛି। ସେଠାରେ କମ୍ରାଗତ ନିଜର ସାମରିକ ଶକ୍ତି ମଜବୁତ କରୁଛି। ଚୀନ କ୍ରମାଗତ ଦକ୍ଷିଣ ଚୀନ ସାଗରରେ ସାମରିକ ଦଖଲ ଦେଇ ଆସିଛି। କରୋନାର ଏହି ସଙ୍କଟ ସମୟରେ ବି ଏହି କ୍ଷେତ୍ରରେ ଚୀନର ଦାଦାଗିରି କମ ହୋଇ ନାହିଁ। ଗତ ସପ୍ତାହରେ ତାଇଓ୍ଵାନ ଦାବି କରିଥିଲା ଯେ, ଚୀନ ନିଜର ଲଢୁଆ ଜାହାଜ ଓ ଲଢୁଆ ବିମାନ ଏହି ସମୁଦ୍ର ଇଲାକାକୁ ପଠାଇଥିଲା। ଜାପାନ ମଧ୍ୟ ଏହି ସୂଚନା ଠିକ୍ ଥିବା କହିଛି। ମାତ୍ର ଚୀନ ଏହି ଖବରକୁ ଖଣ୍ଡନ କରି କହିଛି ଯେ ଏହା ରୁଟିନ୍ ଏକ୍ସରସାଇଜ୍ ଥିଲା।

   Related Posts