Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ତିକ୍ତତା ପରେ ସଂପର୍କ ଯୋଡିବାକୁ ପ୍ରୟାସ, ୩ ଦଶନ୍ଧି ପରେ ପ୍ରଥମ ଥର ଭାରତଠୁ ଚାଉଳ ଆମଦାନୀ କଲା ଚୀନ

2/12/2020 at 8:16 PM

ନୂଆଦିଲ୍ଲୀ ୦୨।୧୨: ଗତ ତିନି ଦଶନ୍ଧିରେ ପ୍ରଥମ ଥର ଚୀନ ଭାରତରୁ ଚାଉଳ ଆମଦାନୀ କରିବା ଆରମ୍ଭ କରିଛି। ଏହାର କାରଣ ନିଜର ଯୋଗାଣ ସୀମିତ ହୋଇଯିବା ଏବଂ ଭାରତ ଚାଉଳ ଦାମରେ ମୂଲ୍ୟହ୍ରାସ କରିବାରୁ ଏହା ଚୀନକୁ ବେଶ୍ ସୁହାଇବା ପରି ହୋଇଛି। ତେଣୁ ଚୀନ ଏବେ ଭାରତଠୁ ଚାଉଳ ଆମଦାନୀ କରିବା ଆରମ୍ଭ କରିଛି। ଭାରତ ଚୀନରୁ ଆମଦାନୀ ସାମଗ୍ରୀ ଉପରେ ଅଧିକ ଆମଦାନୀ ଶୁଳ୍କ ଲଗାଇଛି।

ଚାଉଳରେ ଦୁନିଆରେ ଭାରତ  ହେଉଛି ସବୁଠୁ ବଡ ରପ୍ତାନୀକାରୀ ଦେଶ ଏବଂ ଚୀନ ହେଉଛି ସବୁଠୁ ବଡ ଆମଦାନୀକାରୀ ଦେଶ। ବେଜିଂ ବାର୍ଷିକ ପ୍ରାୟ ୪୦ ଲକ୍ଷ ଟନ୍ ଚାଉଳ ଆମଦାନୀ କରିଥାଏ। କିନ୍ତୁ ଗୁଣବତ୍ତାର ଦ୍ଵାହି ଦେଇ ଚୀନ ଭାରତଠୁ ଚାଉଳ ଆମଦାନୀ କରିବାକୁ ପଛଘୁଞ୍ଚା ଦେଇ ଆସୁଥିଲା।

ଏହି ସଫଳତା ଏମିତି ସମୟରେ ଆସିଛି ଯେବେ, ପୂର୍ବ ଲଦାଖର ବାସ୍ତବ ନିୟନ୍ତ୍ରଣ ରେଖା ନିକଟରେ ସୀମାକୁ ନେଇ ଉଭୟ ଦେଶ ମଧ୍ୟରେ ଦୀର୍ଘ ଦିନ ହେବ ବିବାଦ ଲାଗି ରହିଛି। ଚାଉଳ ରପ୍ତାନୀକାରୀ ଆସୋସିଏସନର ସଭାପତି ବି ଭି କୃଷ୍ଣ ରାଓ କହିଛନ୍ତି, ପ୍ରଥମ ଥର ଚୀନ ଭାରତଠୁ ଚାଉଳ କିଣିଛି। ଭାରତର ସଫଳ ଗୁଣବତ୍ତାକୁ ଦୃଷ୍ଟିରେ ରଖି ଆଗାମୀ ବର୍ଷ ଚୀନ ଚାଉନ ଆମଦାନୀ ଆହୁରି ବୃଦ୍ଧି କରିପାରେ।

ଶିଳ୍ପ ଅଧିକାରୀମାନେ କହିଛନ୍ତି ଯେ, ଡିସେମ୍ବର-ଫେବୃଆରୀରେ ପରିବହନ ପାଇଁ ୧୦୦୦୦୦ ଟନ୍ ଭଙ୍ଗା ଚାଉଳ ଟନ୍ ପିଛା ପ୍ରାୟ ୩୦୦ଡଲାରରେ ରପ୍ତାନି କରିବାକୁ ଭାରତୀୟ ବ୍ୟବସାୟୀମାନେ ଚୁକ୍ତି କରିଛନ୍ତି। ଭାରତୀୟ ଚାଉଳ ବ୍ୟବସାୟୀଙ୍କ ଅନୁଯାୟୀ, ଚୀନ ସାଧାରଣତଃ ଥାଇଲାଣ୍ଡ, ଭିଏତନାମ, ମିଆଁମାର ଓ ପାକିସ୍ତାନରୁ ଚାଉଳ ଆମଦାନୀ କରିଥାଏ। ଏହି ସବୁ ଦେଶଗୁଡିକରୁ ଚୀନ ଭାରତୀୟ ମୂଲ୍ୟ ତୂଳନାରେ ଟନ୍ ପିଛା ୩୦ ଡଲାର ଅଧିକ ଦେଇ ଚାଉଳ ଅମାଦାନୀ କରୁଛି।

   Related Posts