ନୂଆଦିଲ୍ଲୀ, ୦୯/୦୫ :  ପୃଥିବୀରେ ମାଡ ହେବ ଚାଇନା ରକେଟ୍ । ପୃଥିବୀ ଉପରେ ବିପଦ ହୋଇ ଘୁରି ବୁଲୁଥିବା ଚୀନ ରକେଟ୍ ରବିବାର ରାତି ମଧ୍ୟରେ ପୃଥିବୀ ପୃଷ୍ଠରେ ମାଡ ହୋଇପାରେ । ଏହି ରକେଟ ଅନିୟନ୍ତ୍ରିତ ହୋଇ ଘୁରି ବୁଲୁଛି । ତେବେ ଏହା କେଉଁଠାରେ ମାଡ ହେବ ତାହା ସ୍ପଷ୍ଟ ହୋଇନାହିଁ । ବୈଜ୍ଞାନିକଙ୍କ ଆକଳନ ଅନୁସାରେ ଏହା ନ୍ୟୁଜିଲାଣ୍ଡର ଆଖପାଖରେ କେଉଁଠି ମାଡ ହୋଇପାରେ ।

ଏହି ରକେଟ୍ ଜନବସତି ଅଞ୍ଚଳ କିମ୍ବା ସମୁଦ୍ରରେ ପଡିପାରେ । ଭାରତୀୟ ସମୟ ଅନୁସାରେ ମେ ୯ ତାରିଖ ରାତି ୧୨ଟାରୁ ଭୋର ସାଢେ ୪ଟା ବିତରେ ଏହା ମାଡ ହେବ । ଚୀନର ଏହି ରକେଟ୍ ୧୦୦ ଫୁଟ୍ ଲମ୍ବା । ଏହାର ଓଜନ ୨୧ ଟନ୍ ଅଟେ । ପୂର୍ବ ବର୍ଷ ମଧ୍ୟ ଚୀନର ଏକ ରକେଟ୍ ଆଫ୍ରିକାରେ ପଡିଥିଲା । ଏକ ଗାଁକୁ ଏହା ନଷ୍ଟ କରିଦେଇଥିଲା ।

ଡ୍ରାଗନର ଏହି ରକେଟ୍ ବର୍ତ୍ତମାନ ପୃଥିବୀର ଚାରିପାଖରେ ଲୋ-ଆର୍ଥ ଅରବିଟରେ ଘୁରି ବୁଲୁଛି । ଏହା ଏବେ ପୃଥିବୀ ପୃଷ୍ଠରୁ ୧୭୦ରୁ ୩୭୨ କିମି ମଧ୍ୟରେ ଘୁରି ବୁଲୁଛି । ଏହାର ଗତି ମଧ୍ୟ ଘଣ୍ଟା ପ୍ରତି ୨୫୪୯୦ କିମି । ଅର୍ଥାତ ଏକ ସେକେଣ୍ଡରେ ୭.୨୦ କିଲୋମିଟର ଅଟେ ।ଏହାକୁ ଗତ ଏପ୍ରିଲ ୨୮ ତାରିଖରେ ତିୟାନହେ ସ୍ପେସ୍ ଷ୍ଟେସନରୁ ଉତକ୍ଷେପଣ କରାଯାଇଥିଲା । ଏବେ କିନ୍ତୁ ଚୀନର ସ୍ପେସ୍ ଏଜେନ୍ସି ଏହା ଉପରୁ ନିୟନ୍ତ୍ରଣ ହରାଇଛି ।

wp:html

China has put the world on edge with its reckless behavior with the Long March 5B core booster, which sent the first part of its new space station into orbit.
https://t.co/SyDk7Dhgjy

— MIT Technology Review (@techreview) May 8, 2021

/wp:html

ପୃଥିବୀରେ ବସବାସ କରୁଥିବା ଲୋକମାନେ କିନ୍ତୁ ଏହାକୁ ନେଇ ଭୟଭୀତ ହୋଇ ପଡିଛନ୍ତି । ଯଦି ଏହା କେଉଁ ଦେଶ ଉପରେ ପଡେ ପ୍ରଥମେ ଲୋକମାନଙ୍କୁ ଅବଗତ କରାଯିବ । ଏହାର ଗତି ଓ ଲଗାତାର ବଦଳୁଥିବା ଦୂରତା କାରଣରୁ ଏହା କେଉଁଠାରେ ପଡିବ ସେନେଇ କିଛି ସ୍ପଷ୍ଟ ଭାବେ ସୂଚନା ମିଳିପାରୁ ନାହିଁ । ଯଦି ଏହାର ଛୋଟ ଅଂଶ ମଧ୍ୟ କେଉଁଠାରେ ପଡିବ ସେଠାରେ ଧ୍ୱଂସ ସ୍ତୁପ ପାଲଟିଯିବ ।

ହାଭାର୍ଡ ୟୁନିଭର୍ସିଟିର ପ୍ରଫେସର ଜୋନାଥନ ମ୍ୟାକଡେବଲ୍ କହିଛନ୍ତି ଯେ, ଗତ ୩୦ ବର୍ଷ ହେବ ଏତେ ଓଜନର ବସ୍ତୁ ପୃଥିବୀରେ ପଡିନାହିଁ । ଚୀନର ଏହି ରକେଟର ଓଜନ ପ୍ରାୟ ୧୭୮୦୦ କେଜି ଅଟେ । ଏହାପୂର୍ବରୁ ୧୯୯୧ରେ ୪୩ ଟନ୍‌ର ସୋଭିଏତ ଋଷର ଏକ ରକେଟ୍ ପୃଥିବୀରେ ମାଡ ହୋଇଥିଲା ।