Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଜିଲାନ୍ସ ନିର୍ଦ୍ଦେଶକଙ୍କ ବିୟୋଗରେ ଶୋକ ପ୍ରକାଶ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ଘରୁ ଉଠାଇ ନେଇ ନାବାଳିକାଙ୍କୁ ଦୁଷ୍କର୍ମ, ୨ ଗିରଫ
  • ||
  • ଆଖିବୁଜିଲେ ଫ୍ଲାଇଂ ଶିଖ୍ ତଥା କିମ୍ୱଦନ୍ତୀ ଧାବକ ମିଲଖା ସିଂହ
  • ||
  • ବରିଷ୍ଠ ଆଇପିଏସ୍‌ ଅଧିକାରୀ ତଥା ରାଜ୍ୟ ଦୁର୍ନୀତି ନିବାରଣ ବିଭାଗର ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କର ପରଲୋକ
  • ||
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||

ସୀମା ବିବାଦ ମଧ୍ୟରେ ଚୀନର ନୂଆ ଚାଲ୍, କହିଲା- ପୂର୍ବ ଲଦାଖରୁ ପ୍ରଥମେ ସୈନ୍ୟ ହଟାଇବ ଭାରତ

14/11/2020 at 10:01 AM

ଲଦାଖ, ୧୪|୧୧: ଭାରତ ଓ ଚୀନ ମଧ୍ୟରେ ସୀମା ବିବାଦ ଲାଗି ରହିଛି । ଏହାମଧ୍ୟରେ ଉଭୟ ଦେଶ ବିବାଦୀୟ କ୍ଷେତ୍ରରୁ ପଛକୁ ହଟିବା ନେଇ ରାଜି ହୋଇଥିବା ସୂଚନା ମିଳିଛି । ଏହାମଧ୍ୟରେ ଚୀନର ସରକାରୀ ଖବର କାଗଜ ଗ୍ଲୋବାଲ ଟାଇମ୍ସ ଦାବି କରିଛି ଯେ, ଭାରତ ନିଜ ଯବାନଙ୍କୁ ବେଆଇନ ଭାବେ ପ୍ୟାଙ୍ଗଙ୍ଗ୍ ହ୍ରଦ ନିକଟବର୍ତ୍ତୀ ଅଞ୍ଚଳକୁ ପଠାଇଥିଲା । ତେଣୁ ଭାରତ ନିଜ ଯବାନଙ୍କୁ ପ୍ରଥମେ ହଟାଇବା ଉଚିତ ।

ଗ୍ଲୋବାଲ ଟାଇମ୍ସର ସୂତ୍ରାନୁସାରେ, ସୈନ୍ୟ ହଟାଇବା ନିଷ୍ପତ୍ତି ନିୟନ୍ତ୍ରଣ ରେଖା ଓ ସୀମା ପ୍ରସଙ୍ଗକୁ ନେଇ ଉପୁଜିଥିବା ସ୍ଥିତି ଉପରେ କିଛି ପ୍ରଭାବ ପକାଇବ ନାହିଁ । ଚୀନ ସେନା ସୀମାରେ ଶାନ୍ତି ପ୍ରତିଷ୍ଠା ପାଇଁ ପ୍ରତିବଦ୍ଧ ରହିଛି । ଏହାସହ ଦେଶର ଅଖଣ୍ଡତାକୁ ମଧ୍ୟ ସୁରକ୍ଷିତ ରଖିବ ।

ଏହାପୂର୍ବରୁ ଗ୍ଲୋବାଲ ଟାଇମ୍ସ ଭାରତୀୟ ଗଣମାଧ୍ୟମରେ ଆସିଥିବା ପ୍ୟାଙ୍ଗଙ୍ଗ୍ ହ୍ରଦ ଫିଙ୍ଗର୍ ୪ ଅଞ୍ଚଳରୁ ପଛକୁ ଚୀନ ହଟିବା ନେଇ ଖବରକୁ ଖଣ୍ଡନ କରିଥିଲା । ଗ୍ଲୋବାଲ ଟାଇମ୍ସ କହିଥିଲା ଯେ, ଭାରତ ଓ ଚୀନ ମଧ୍ୟରେ ସୈନ୍ୟ, ତୋପ, ଟ୍ୟାଙ୍କ୍ ଓ ଅସ୍ତ୍ରଶସ୍ତ ବାହକ ଯାନବାହାନକୁ ପଛକୁ ହଟାଇବା ନେଇ କୌଣସି ସହମତି ପ୍ରକାଶ ପାଇ ନାହିଁ । ଭାରତୀୟ ଗଣମାଧ୍ୟମରେ ଆସୁଥିବା ଖବର ମିଛ ।

ଭାରତୀୟ ଗଣମାଧ୍ୟମରେ ଖବର ଆସିଥିଲା ଯେ, ଭାରତ ଓ ଚୀନ ମଧ୍ୟରେ ଆଲୋଚନା ପରେ ଫିଙ୍ଗର ୮ ପଛକୁ ହଟିବେ ଚୀନ ସୈନ୍ୟ । ଏହାସହ ଭାରତୀୟ ଯବାନ ଫିଙ୍ଗର୍ ୨ରୁ ଫିଙ୍ଗର ୩ ମଧ୍ୟରେ ଥିବା ଧନସିଂ ଥାପ୍ପା ପୋଷ୍ଟର ପଛକୁ ଫେରିବେ । ଏହା ପର୍ଯ୍ୟାୟ କ୍ରମେ ହେବ । ଫିଙ୍ଗର ୩ରୁ ଫିଙ୍ଗର ୮ ଯାଏଁ ବଫର ଜୋନ୍ ଘୋଷିତ ହେବ । ଏହି ଅଞ୍ଚଳକୁ କେହି ଯିବା ଆସିବା କରିପାରିବେ ନାହିଁ ।

ସୂଚନାଯୋଗ୍ୟ, ଉଭୟ ଦେଶ ପ୍ୟାଙ୍ଗଙ୍ଗ୍ ହ୍ରଦ ନିକଟବର୍ତ୍ତୀ ଅଞ୍ଚଳରେ ଯୁଦ୍ଧ ପାଇଁ ପ୍ରସ୍ତୁତ ଅଛନ୍ତି । ତେବେ ଦୀର୍ଘ ୭ ମାସ ଧରି ଲାଗି ରହିଥିବା ଉତ୍ତେଜନା ମଧ୍ୟରେ ଉଭୟ ଦେଶ ଶାନ୍ତି ପ୍ରତିଷ୍ଠା ପାଇଁ ସହମତି ପ୍ରକାଶ କରିଥିଲେ । ନଭେମ୍ବର ୬ ତାରିଖରେ ଉଭୟ ଦେଶ ଏଲଏସିରେ ଉତ୍ତେଜନା ହ୍ରାସ ପାଇଁ ରାଜି ହୋଇଥିଲେ ।

   Related Posts