Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଚୀନର ଭୟଙ୍କର ଚାଲ୍… ଭାରତକୁ ଆତ୍ମଘାତୀ ଆତଙ୍କବାଦୀ ପଠାଇ ବଡ ହମଲା ପାଇଁ ପାକିସ୍ତାନକୁ ଦେଇଛି ନିର୍ଦ୍ଦେଶ

19/06/2020 at 9:12 PM

ନୂଆଦିଲ୍ଲୀ, ୧୯|୦୬:   ଭାରତ ସହ ସମ୍ମୁଖ ଯୁଦ୍ଧ କରିବା ପାଇଁ ଚୀନର ସାହସ ହେଉନାହିଁ । ତେଣୁ ପଛରୁ ଛୁରା ମାରିବାର ଷଡଯନ୍ତ୍ର  ଆରମ୍ଭ କରିଛି ଡ୍ରାଗନ୍ । ପାକିସ୍ତାନକୁ କରିଛି ଅସ୍ତ୍ର । ଆତଙ୍କବାଦର ପୃଷ୍ଠପୋଷକ ପାକିସ୍ତାନକୁ ଭାରତରେ ଆତଙ୍କବାଦ ଲାଗି ଚୀନ ନିର୍ଦ୍ଦେଶ ଦେଇଛି । ଭାରତକୁ ଅଧିକ ଆତ୍ନଘାତୀ ପଠାଇବାକୁ ପିପୁଲ୍ସ ଲିବରେସନ ଆର୍ମୀ ଏକ ବ୍ଲୁ-ପ୍ରିଣ୍ଟ କରିଛି । ଏହି ସୂଚନା ଭାରତୀୟ ଗୁଇନ୍ଦା ସଂସ୍ଥା ହାତରେ ଲାଗିଛି ।   

ଭାରତୀୟ ଗୁଇନ୍ଦା ବିଭାଗକୁ ମିଳିଥିବା ସୂଚନାରେ କୁହାଯାଇଛି ଯେ, ଚୀନ ସହ ମିଶି ପାକିସ୍ତାନ ଏନଏଚ୪୪ରେ ଆକ୍ରମଣ କରିବା ପାଇଁ ଷଡଯନ୍ତ୍ର ରଚୁଛି । ଭାରତରେ ଆତଙ୍କବାଦୀଙ୍କ ଅନୁପ୍ରବେଶ ବୃଦ୍ଧି କରିବା ପାଇଁ କୁହାଯାଇଛି । ଆଦିଲ ଅହମ୍ମଦକୁ ଏହି ଦାୟିତ୍ୱ ଦିଆଯାଇଛି । ଆହୁରି ମଧ୍ୟ ଭାରତରେ ଥିବା ଆତଙ୍କବାଦୀଙ୍କୁ ବଡ ଧରଣର ଆକ୍ରମଣ ପାଇଁ କୁହାଯାଇଛି । ଆତଙ୍କବାଦୀଙ୍କ ସହ କିଛି ଆଇଏସଆଇ ଏଜେଣ୍ଟ ରହିଛନ୍ତି ।  ପାକ୍ ସୀମା ନିକଟରେ ଥିବା କଟୋତି ଅଞ୍ଚଳରେ  ଲଶ୍କର ଏ ତୋଏବାର ୬ ଆତଙ୍କବାଦୀଙ୍କ ସହ ଆଇଏସଆଇର ୩ଜଣ ଝେଣ୍ଟ ରହିଛନ୍ତି । ପ୍ରଥମେ ସେମାନେ ମାଷ୍ଟର ଔରଙ୍ଗଜେବ ଓ ପରେ ମାଷ୍ଟର ପରଭେଜଙ୍କ ଘରେ ରହିଥିଲେ । ଏମାନେ ମେଢର ବାଟାଲିୟନ ନିକଟରେ ଭାରତରେ ପ୍ରବେଶ କରିବାକୁ ଉଦ୍ୟମ କରୁଛନ୍ତି ।

ଆହୁରି ମଧ୍ୟ ସୂଚନା ମିଳିଛି ଯେ,  ଜୈଶର ୪ଜଣ ଆତଙ୍କବାଦୀ ଭାରତରେ ଅନୁପ୍ରବେଶ ପାଇଁ ଚେଷ୍ଟା ଚଳାଇଛନ୍ତି । ପୁଞ୍ଚ ସହାପୁର ଅଞ୍ଚଳ ଦେଇ ଏମାନେ ଅନୁପ୍ରବେଶ କରିବେ ବୋଲି ସୂଚନା ମିଳିଛି । ଏହି ସମୟରେ ପାକିସ୍ତାନ ସୀମା ଅସ୍ତ୍ରବିରତି ଉଲଙ୍ଘନ କରି ଭାରତୀୟ ସେନାର ଧ୍ୟାନ ହଟାଇବାକୁ ଚାହିଁବ ।

ରିପୋର୍ଟ ଅନୁସାରେ, ଏନଏଚ ୪୪ ନିକଟରେ ଅନେକ ସନ୍ଦିଗ୍ଧ ବ୍ୟକ୍ତି ଦେଖିବାକୁ ମିଳିଛନ୍ତି । ଏମାନେ ସୁରକ୍ଷାକର୍ମୀଙ୍କ ବିଭିନ୍ନ ତଥ୍ୟ ସଂଗ୍ରହ କରୁଥିବା ଗୁଇନ୍ଦା ବିଭାଗ କହିଛି । ପାକିସ୍ତାନ ଚୀନକୁ ଖୁସି କରିବାକୁ ଏପରି କରୁଛି । ପାକିସ୍ତାନକୁ ସମ୍ପୂର୍ଣ୍ଣ ଭାବେ ସମର୍ଥନ କରୁଛି ଚୀନ । ଏହି ସୂଚନା ପରେ ଭାରତୀୟ ସୁରକ୍ଷା ଏଜେନ୍ସି ମଧ୍ୟ ହାଇ ଆଲର୍ଟରେ ରହିଛି ।

   Related Posts