ନୂଆଦିଲ୍ଲୀ, ୨୦।୧୨: ସେଲଫି ନେଇ ଫସିଗଲେ ଏହି ଦେଶର ରାଷ୍ଟ୍ରପତି । କରୋନା କଟକଣା ନଥିବାରୁ ଗଣିଲେ ଫାଇନ୍ । ଚିଲିରେ କରୋନା ପାଇଁ କଡା ନିୟମ ଲାଗୁ କରାଯାଇଛି । ସର୍ବସାଧାରଣ ସ୍ଥାନରେ କଟକଣା ନମାନିଲେ ଫାଇନ ଦେବାକୁ ପଡୁଛି ।
ଏହାମଧ୍ୟରେ ଚିଲି ରାଷ୍ଟ୍ରପତିଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାପରେ ରାଷ୍ଟ୍ରପତି ସେବାଷ୍ଟିୟନ ପିନେରା କ୍ଷମା ମାଗିଛନ୍ତି । ସେ କହିଛନ୍ତି ଯେ, ଘର ପାଖରେ ଥିବା ଏକ ସମୁଦ୍ର କୂଳରେ ସେ ଚାଲୁଥିଲେ । ଏତିକି ବେଳେ ଜଣେ ମହିଳା ଆସି ତାଙ୍କ ସହ ସେଲଫି ନେଇଥିଲେ ।
ସେଲଫିରେ ରାଷ୍ଟ୍ରପତି ଓ ମହିଳା ପାଖାପାଖି ଥିବା ନଜର ଆସିଥିଲା । ଉଭୟ ମାସ୍କ ପିନ୍ଧିନଥିଲେ । ଗତବର୍ଷ ଚିଲିରେ ଅସମାନତାକୁ ନେଇ ବିରୋଧ ପ୍ରଦର୍ଶନ ହୋଇଥିଲା । ଏହି ସମୟରେ ରାଷ୍ଟ୍ରପତି ପିଜ୍ଜା ପାର୍ଟି କରୁଥିବା ଫଟୋ ଭାଇରାଲ ହେବା ପରେ ବିବାଦ ବଢିଥିଲା ।
{"id":380023,"sizeSlug":"large","linkDestination":"none"}ବିନା ମାସ୍କରେ ଜଣେ ଅଜଣା ମହିଳାଙ୍କ ସହ ବିଚରେ ସେଲଫି ପାଇଁ ଚିଲି ରାଷ୍ଟ୍ରପତିଙ୍କ ଉପରେ ୨,୫୭,୬୨୪ ଟଙ୍କାର ଫାଇନ୍ ଲାଗିଛି । ଶୁକ୍ରବାର ହିଁ ଜରିମନା ଲାଗିଥିବା ଜଣେ ସ୍ୱାସ୍ଥ୍ୟ ଅଧିକାରୀ କହିଛନ୍ତି ।
ଚିଲିରେ ଏବେସୁଦ୍ଧା ୫ ଲକ୍ଷ ୮୧ ହଜାର କରୋନା ମାମଲା ସାମ୍ନାକୁ ଆସିଥିବା ବେଳେ ୧୬ ହଜାରରୁ ଅଧିକ ଜୀବନ ହାରିଛନ୍ତି ।