ଭଦ୍ରକ ୪|୬: ଭଦ୍ରକ ଜିଲ୍ଲାରେ ଅପପୁଷ୍ଟିରେ ଶିକାର ଶିଶୁଙ୍କ ସଂଖ୍ୟା ବଢିବଢି ଚାଲିଛି । ପ୍ରତି ବର୍ଷ ଏହି ସଂଖ୍ୟା ବଢି ଚାଲିଥିବାକୁ ଏବେ ଚିନ୍ତାଜନକ ସ୍ଥିତି । ସରକାର ଅଙ୍ଗନୱାଡିରେ ପୁଷ୍ଟିକର ଛତୁଆ, ଅଣ୍ଡା ସବୁକିଛି ଦେଉଛନ୍ତି । ତଥାପି କିପରି, କାହିଁକି ଶିଶୁଙ୍କଠାରେ ପୁଷ୍ଟି ହୀନତା ମାତ୍ରା ବଢି ବଢି ଚାଲିଛି ? ଆହୁରି ଚିନ୍ତା ଜନକ ହେଲା, ପୁଷ୍ଟିହୀନ ଶିଶୁଙ୍କ ମଧ୍ୟରୁ ଖୁବ୍ କମ୍ ଶିଶୁଙ୍କୁ ପୁଷ୍ଟି ସାଧନ କେନ୍ଦ୍ରକୁ ଆଣାଯାଉଛି ।
{"id":119502}ଭଦ୍ରକ ଜିଲ୍ଲାରେ ବଢି ବଢି ଚାଲିଛି ଶିଶୁଙ୍କଠାରେ ପୁଷ୍ଟିହୀନତା । ଏପ୍ରିଲ୍ରେ ଜାରି ସରକାରୀ ରିପୋର୍ଟରେ ଚିନ୍ତାଜନକ ତଥ୍ୟ । ଗତବର୍ଷ ଭଦ୍ରକରେ ୫ଶହ ୨୭ ଜଣ ଶିଶୁ ଅପପୃଷ୍ଟିରେ ଶିକାର ହୋଇଛନ୍ତି । ଛତୁଆ , ଅଣ୍ଡା ଓ ପୁଷ୍ଟିକର ଖାଦ୍ୟ ସହ ଏକାଧିକ ଯୋଜନା ସତ୍ତ୍ୱେ ଏତେ ସଂଖ୍ୟକ ଶିଶୁ ପୁଷ୍ଟିହୀନତାର ଶିକାର ହେବା ଉଦବେଗ ଜନକ ନିଶ୍ଚୟ ।
{"id":119501}ଏପରିକି ପୁଷ୍ଟିହୀନତା ଯୋଗୁଁ ସାରା ଦେଶରେ ଚର୍ଚ୍ଚିତ ଯାଜପୁରର ନଗଡାର ସ୍ଥିତିଠୁ ଭଦ୍ରକର ସ୍ଥିତି ସଂଘାତିକ । ଆହୁରି ଚିନ୍ତାଜନକ ହେଲା , ପୁଷ୍ଟିହୀନ ଶିଶୁ ସରକାରଙ୍କ ପରିଚାଳିତ ପୁଷ୍ଚି ସାଧନ କେନ୍ଦ୍ରକୁ ଆସୁନାହାନ୍ତି । ଏପ୍ରିଲ ମାସରେ ମାତ୍ର ୧୯ ଜଣ ଓ ମେ ମାସରେ ୧୮ ଜଣ ଶିଶୁ ଆସିଥିଲେ । ପୁଷ୍ଟି ସାଧନ କେନ୍ଦ୍ରରେ ୧୫ରୁ୨୦ ଦିନ ରହିବା ପରେ ସେମାନେ ସୁସ୍ଥ ହୋଇଫେରିଛନ୍ତ ।
{"id":119503}ସରକାରୀ ରିପୋର୍ଟ ଅନୁଯାୟୀ ଭଦ୍ରକ ଜିଲ୍ଲାର ବାସୁଦେବପୁରରେ ୮୧, ଭଦ୍ରକରେ ୭୮, ଭଣ୍ଡାରୀପୋଖରୀରେ ୬୬, ବନ୍ତରେ ୮୫, ଚାନ୍ଦବାଲିରେ ୧୩୫, ଧାମନଗରରେ ୩୯ ଓ ତିହିଡିରେ ୪୩ ଜଣ ଶିଶୁ ଅପପୃଷ୍ଟିରେ ଶିକାର ହୋଇଛନ୍ତି । ଏହି ସଂଖ୍ୟା ପଡୋଶୀ ବାଲେଶ୍ବର ଓ ଯାଜପୁର ଜିଲ୍ଲାଠୁ ଅଧିକ ବୋଲି ରିପୋର୍ଟ କହୁଛି । ତେବେ ପୁଷ୍ଟିହୀନଙ୍କ ସେବା ଯତ୍ନ ନେଇ ସରକାରଙ୍କ ଯୋଜନା ଫଳପ୍ରଦ ବୋଲି ପୁଷ୍ଟିସାଧନ କେନ୍ଦ୍ର ସହ ଜଡିତ କର୍ମଚାରୀ ଓ ଉପଦେଷ୍ଟାଙ୍କ ମତ ।