Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||
  • ଅଗଷ୍ଟ ଦ୍ଵିତୀୟ ସପ୍ତାହରେ ପ୍ରକାଶ ପାଇବ ଯୁକ୍ତ ୨ ରେଜଲ୍ଟ, ଦଶମ ମାର୍କ ଆଧାରରେ ହେବ ମୂଲ୍ୟାୟନ
  • ||
  • ଯାଜପୁର : ବରମୁଣ୍ଡା ଛକରେ ଦୁର୍ଘଟଣା, ଚାଲିଗଲା ନାରାୟଣଙ୍କ ଜୀବନ
  • ||
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୭ ଜଣଙ୍କ ଜୀବନ, ୩୫୦୮ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୮୦୬ କୋଭିଡ୍ ପଜିଟିଭ୍ ଚିହ୍ନଟ
  • ||
  • କଟକ : ଜୁଆ ଆଡ୍ଡାରେ ଅଚାନକ ଚଢାଉ, ୧୧ଜଣ ଜୁଆଡି ଗିରଫ
  • ||

ଜଗତସିଂହପୁରରେ ବେଆଇନ ନର୍ସିଙ୍ଗ ହୋମରୁ ଶିଶୁ ଚାଲାଣ

28/07/2018 at 7:12 AM

ଜଗତସିଂହପୁର ସହର ମେଡିକାଲ ଛକ ନିକଟରେ ଥିବା ଏକ ଘରୋଇ ଆଚାର୍ଯ୍ୟ ନର୍ସିଂହୋମ ଉପରେ ଗତକାଲି ସିଡବ୍ଲ୍ୟୁସି, ସ୍ୱାସ୍ଥ୍ୟ ବିଭାଗ କର୍ତ୍ତୃପକ୍ଷ ଓ ସ୍ଥାନୀୟ ପୋଲିସ ମିଳିତ ଚଢାଉ କରି ୨ ଜଣ ଅଜଣା ନବଯାତ ଶୁଶୁଙ୍କୁ ଉଦ୍ଧାର କରିଥିଲେ । ଏହି ଦୁଇ ଶିଶୁଙ୍କୁ ବିଦେଶକୁ ଚଲାଣ ପାଇଁ ଯୋଜନା କରାଯାଉଥିବାର ଖବର ପାଇ ଚଢାଇ କରା ଯାଇଥିଲା । ଶିଶୁ ଦୁହିଁଙ୍କର କୌଣସି ସଠିକ ଦାବିଦାର ନମିଳିବାରୁ ସେମାନଙ୍କୁ ସେଠାରୁ ନିଆଯାଇ ଜିଲା ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ରଖା ଯାଇଛି । ଆର ପଟେ ଏହି ନର୍ସିଂ ହୋମଟି ବେଆଇନ ଭାବରେ ଚାଲୁଥିବାର ଜଣା ଯାଇଛି । ତେବେ ଏହି ଘଟଣାକୁ ୨ ଦିନ ହେବାକୁ ବସିଥିଲେ ମଧ୍ୟ ଶିଶୁ ମାନଙ୍କର କୌଣସି ପ୍ରକୃତ ଦାବିଦାର ନବାହାରିବା ଘଟଣା ସଂଦେହକୁ ଅଧତ୍କ ଘନିଭୁତ କରିଛି । ଦୁଇ ଶିଶୁଙ୍କର କେହି ଦାବି ଦାର ନମିଳିବାରୁ ଆଜି ସେମାନଙ୍କୁ ସ୍ୱାସ୍ଥ୍ୟ କେନ୍ଦ୍ରରୁ ନିଆଯାଇ ସ୍ଥାନୀୟ ଶିଶୁ ଆଶ୍ରମରେ ରଖା ଯାଇଛି । ଆରପଟେ ବେଆଇନ ଭାବରେ ଏହି ନସିଂହୋମ ଚାଲିଥିବା ଓ ଏଠାରେ ବେଆଇନ ଭାବରେ ଅଜଣା ଶିଶୁ ମାନଙ୍କୁ ରଖା ଯାଇ ବାହାରକୁ ଚଲାଣ ପାଇଁ ଉଦ୍ୟମ କରା ଯାଉଥିବା ଘଟଣା ପ୍ରଶାସନ ଜାଣିବା ପରେ ମଧ୍ୟ ଏତେ ବେଳ ପର୍ଯ୍ୟନ୍ତ ଏଥିରେ ସଂପୃକ୍ତ ବ୍ୟକ୍ତି ମାନଙ୍କ ବିରୁଦ୍ଧରେ କୌଣସି କାର୍ଯୟାନୁଷ୍ଟାନ ଗ୍ରହଣ କରାଯାଇ ନାହିଁ । ଫଳରେ ଅଭିଯୁକ୍ତ ମାନେ ଖସି ଯିବା ପାଇଁ ସୁଯୋଗ ପାଇବେ ବୋଲି ଆଲୋଚନା ହେଉଛି । ଏହି ବାବଦରେ ଆମ୍ଭେ ଜିଲା ଶିଶୁ ବିକାଶ ଅଧ୍ୟକ୍ଷ, ଜିଲା ସହକାରୀ ମୁଖ୍ୟ ଚିକିତ୍ସା ଅଧତ୍କାରୀ ଓ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲୁ । ସେମାନେ ଖୁବ ଶୀଘ୍ର ଏ ବାବଦରେ ପଦକ୍ଷପ ନିଆଯିବ ବୋଲି କହିଛନ୍ତି ।

   Related Posts