Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଉଦବେଗଜନକ: ୨୧ତାରିଖରୁ ୨୩ ତାରିଖ ଭିତରେ ୪ଟି ନାବାଳିକା ଦୁଷ୍କର୍ମ ଓ ହତ୍ୟାଘଟଣା, ଅନୁଗୁଳ ପିଡୀତାଙ୍କୁ ଏସସିବିରେ ଭେଟିଲେ ଶିଶୁ ସୁରକ୍ଷା କମିଶନର ଟିମ୍

23/07/2019 at 7:02 PM

ଭୁବନେଶ୍ବର୨୩|୭; ରାଜ୍ୟରେ ଦିନକୁ ଦିନ ବୃଦ୍ଧି ପାଉଛି ନାବାଳିକା ଗଣଦୁଷ୍କର୍ମ, ଶିଶୁ ନିଖୋଜ ସଙ୍ଗୀନ ଘଟଣା । ଗତ୨୧ତାରିଖରେ ଅନୁଗୋଳରେ ନାବାଳିକାକୁ ଦୁଷ୍କର୍ମ ଘଟଣାରେ ଏଯାଏ ଅପରାଧୀଙ୍କ ଟେର ପାଉନି ପୋଲିସ ।  ଦୁଷ୍କର୍ମର ଶିକାର ନାବାଳିକାକୁ ଆଜି କଟକ ଏସ.ସି.ବି ମେଡିକାଲର ଭେଟିଛନ୍ତି ରଜ୍ୟ ଶିଶୁ ସୁରକ୍ଷା କମିଶନର ଏକ ଟିମ୍ । ସେପଟେ ଅନୁଗୋଳ ପରେ ଏବେ ସୁନ୍ଦରଗଡ ଜିଲ୍ଲାରୁ ଆସିଛି ୩ଟି ଦୁଷ୍କର୍ମ ମାମଲା । ବାରମ୍ବାର ଏଭଳି ଆଇନଶୃଙ୍ଖଳା ସ୍ଥିତି ରାଜ୍ୟ ସରକାରଙ୍କ ପାରିବା ପଣିଆ ଉପରେ ଉଠାଇଛି ବଡ ପ୍ରଶ୍ନ …..

ଅନୁଗୋଳରୁ ସୁନ୍ଦରଗଡ । ଥମୁନି ଶିଶୁ ଓ ନାବାଳିକା ଦୁଷ୍କର୍ମ, ହତ୍ୟା, ନିଖୋଜ ଭଳି ସଙ୍ଗୀନ ମାମଲା । ଗତ ୨୧ ତାରିଖ ଅନୁଗୋଳରେ ନାବାଳିକା ଦୁଷ୍କର୍ମ ଘଟଣାରେ ଏଯାଏଁ  ବି ପୋଲିସ ହାତ ଖାଲି । ଟିମ୍ ଗଠନ କରି ଖୋଳତାଡ କରୁଥିଲେ ବି ଅପରାଧୀକୁ ଧରିବାରେ ସକ୍ଷମ ହୋଇପାରିନି ଅନୁଗୋଳ ପୋଲିସ ।  କଟକ ଏସ.ସି.ବିରେ ଚିକତ୍ସାଧୀନ ଶିଶୁକୁ ଭେଟିଛନ୍ତି ରାଜ୍ୟ ଶିଶୁ ସୁରକ୍ଷା କମିଶନର ଏକ ଟିମ୍‌ । ଶିଶୁକନ୍ୟାର ସ୍ବାସ୍ଥ୍ୟବସ୍ଥା ସମ୍ପର୍କରେ ପଚାରି ବୁଝିବା ସହ ଚିକତ୍ସା କରୁଥିବା ଡାକ୍ତରଙ୍କ ସହ ଆଲୋଚନା କରିଛନ୍ତି । ଦୋଷୀଙ୍କ ବିରୋଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କମିଶନଙ୍କ ପକ୍ଷରୁ କୁହାଯାଇଛି ।

ସେପଟେ ଅନୁଗୋଳ ପରେ ଏବେ ସୁନ୍ଦରଗଡ ଜିଲ୍ଲାରୁ ଆସିଛି ୩ଟି ସମାନ ଧରଣର ମାମଲା ।  ସୁନ୍ଦରଗଡହେମଗିରୀ ଥାନା ଗୋପାଳପୁର କଲୋନୀ ପଡାର ଜଣେ ୧୫ବର୍ଷୀୟ ନାବାଳିକା ଗାଁ ନିକଟ ନାଳକୁ ଶୌଚ ପାଇଁ ଯାଇ ୩ଦିନ ହେଲା ନିଖୋଜ ଥିଲା । ଗତକାଲି ଅପରାହ୍ନରେ ଗାଁ ପାଖ ଜଙ୍ଗଲରୁ ନାବାଳିକାର ମୃତ ଦେହ ଉଦ୍ଧାର କରାଯାଇଛି ।  ନାବାଳିକାଙ୍କୁ ଗଣ ଦୁଷ୍କର୍ମ ସହ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ । ହେମଗିରି ପୋଲିସ ଏଯାଏଁ ଅପରାଧୀଙ୍କ କୌଣସି ସୁରାଗ ପାଉନି ।

 ସେହିପରି ଏକତରଫା ପ୍ରେମକୁ ନେଇ ରାଜଗାଙ୍ଗପୁର ବାବୁଡ଼ହି  ଟେକାପଡା ଜଙ୍ଗଲରେ ଜଣେ ନାବାଳିକା ଦୁଷ୍କର୍ମର ଶିକାର ହୋଇଛନ୍ତି । ଏହି ଘଟଣାରେ ରମେଶ ଏକ୍କା ନାମକ ଯୁବକକୁ ଗିରଫ କରିଛି ପୋଲିସ । ସେପଟେ ବୀରମିତ୍ରପୁର ହରପାଲି ବସ୍ତି ଅଞ୍ଚଳରେ ଗତ ୮ତାରିଖ ଦିନ ନାବାଳିକାକୁ ଗଣ ଦୁଷ୍କର୍ମ ସହ ଭିଡ଼ିଓ ସୁଟିଙ୍ଗ କରି ଭାଇରାଲ କରିଥିବା  ଲିଖିତ ଅଭିଯୋଗ ହୋଇଛି ବୀରମିତ୍ରପୁର ଥାନାରେ । ଏହି ଘଟଣାରେ ୫ରୁ ୬ଜଣ ଯୁବକଙ୍କ ନାଁରେ ଅଭିଯୋଗ  ହୋଇଥିବା ବେଳେ ମାତ୍ର ଦୁଇ ଜଣଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ

ରାଜ୍ୟରେ ବଢିଚାଲିଥିବା ଦୁଷ୍କର୍ମ, ଶିଶୁ ନିଖୋଜ ଓ ରାହାଜାନୀ ଭଳ ଘଟଣା ଲୋକଙ୍କ ଧନଜୀବନର ସୁରକ୍ଷା ଓ ଆଇନଶୃଙ୍ଖଳା ଉପରେ ବଡ ପ୍ରଶ୍ନବାଚୀ ସୃଷ୍ଟି କରିଛି ।

   Related Posts