Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଶିଶୁ ଦୁଷ୍କର୍ମ ଓ ହତ୍ୟା ଉଦ୍ୟମ ଘଟଣା ନେଇ ବିଧାନସଭାରେ ମୁଲତବୀ ଆଲୋଚନା : ସରକାର କହିଲେ ୧୨୬୩ କେଶ୍‌କୁ ରେଡ୍‌ଫ୍ଲାଗ୍ ମାନ୍ୟତା ଦିଆଯାଇଛି, ଜିଲ୍ଲାପାଳଙ୍କ ଅଫିସ ଘେରିଲା କଂଗ୍ରେସ

24/07/2019 at 5:20 PM

ଭୁବନେଶ୍ବର ୨୪|୭: ଅନୁଗୁଳରେ ଶିଶୁକୁ ଦୁଷ୍କର୍ମ ଓ ହତ୍ୟା ଉଦ୍ୟମ ଘଟଣା, ସୁନ୍ଦରଗଡ଼ରେ ଜଣେ ନାବାଳିକଙ୍କୁ ଦୁଷ୍କର୍ମ ପରେ ହତ୍ୟା ଏବଂ ରାଜ୍ୟର ବିଭିନ୍ନ ସ୍ଥାନରୁ ନାବାଳିକା ଗାୟବ ହୋଇଯିବା ଘଟଣାକୁ ନେଇ ଆଜି ପୁଣି ବିଧାନସଭାକୁ ହୁଲସ୍ତୁଲ କରିଛନ୍ତି ବିରୋଧୀ । ସେପଟେ କଂଗ୍ରେସ ଆଜି ବିଭିନ୍ନ ଜିଲ୍ଲାରେ ଧାରଣା ଦେଇଛି। 

ଆଇନ ଶୃଙ୍ଖଳା ପରିସ୍ଥିତିକୁ ସରକାରଙ୍କୁ ଘେରିଲେ ବିରୋଧୀ । ଗୃହ ଓ ଗୃହ ବାହାରେ ଏହି ପ୍ରସଙ୍ଗରେ ହଲ୍ଲାବୋଲ କରିଛନ୍ତି। ବିରୋଧୀଙ୍କ ସିଧାସଳଖ ଆକ୍ଷେପ, ସରକାର ଏକ୍ଷେତ୍ରରେ ପୂରାପୂରି ବିଫଳ । ରାଜ୍ୟରେ ଯେଭଳି ଦୁଷ୍କର୍ମ ଘଟଣାମାନ ବଢୁଛି ତାହା ସାମାଜିକ ଜୀବନକୁ ପ୍ରଭାବିତ କରିଛି । ଆଇନ ତାବାଟରେ ଯାଉନଥିବାରୁ ଏଭଳି ସ୍ଥିତି ଉପୁଜିଛି, ପୋଲିସକୁ ଗୁଣ୍ଡାମାନେ ଭୟ କରୁନାହାଁନ୍ତି । ରାଜ୍ୟରୁ ଯେଉଁ ଶିଶୁକନ୍ୟାମାନେ ନିଖୋଜ ହେଉଛନ୍ତି ସେମାନେ କୁଆଡେ ଯାଉଛନ୍ତି ତାଙ୍କୁ କିଏ ନେଉଛି ତା ଉପରେ ସରକାର କାହିଁକି ନିରବ ଅଛନ୍ତି ବୋଲି ବିରୋଧୀ ପ୍ରଶ୍ନ କରିଛନ୍ତି ।

ଅନୁଗୁଳ ଓ ସୁନ୍ଦରଗଡରେ ନାବାଳିକା ଶିଶୁଙ୍କୁ ଦୁଷ୍କର୍ମ ଓ ହତ୍ୟା ଘଟଣା ପାଇଁ ଲଗାତର ଦୁଇଦିନ ଧରି ଗୃହକାର୍ଯ୍ୟ ଅଚଳ ହେବାପରେ ଆଜି ବିଧାନସଭାରେ ଏପ୍ରସଙ୍ଗରେ ମୁତଲବୀ ପ୍ରସ୍ତାବ ଉପରେ ଆଲୋଚନା ହୋଇଛି । ସରକାରଙ୍କ ପକ୍ଷରୁ କୁହାଯାଇଛି ଯେ ରାଜ୍ୟରେ ଆଇନ ଶୃଙ୍ଖଳା ଠିକ୍ ଅଛି । ପ୍ରତି ଥାନାରେ ଶିଶୁ ଓ ମହିଳା ଡେସ୍କ କରାଯିବା ସହ ୧ ହଜାର ୨୬୩ ସମ୍ବେଦନଶୀଳ କେଶ୍ କୁ ରେଡଫ୍ଲାଗ ମାନ୍ୟତା ଦିଆଯାଇଛି ।

ସେପଟେ ନାବାଳିକାଙ୍କ ପ୍ରତି ବଢୁଥିବା ଦୁଷ୍କର୍ମ ପ୍ରତିବାଦରେ ସାରା ରାଜ୍ୟରେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ କଂଗ୍ରେସ ପକ୍ଷରୁ ଧାରଣା ଦିଆଯାଇଛି । ଏହି ପ୍ରସଙ୍ଗରେ ହସ୍ତକ୍ଷେପ କରିବାକୁ ଜିଲ୍ଲାପାଳଙ୍କ ଜରିଆରେ ରାଜ୍ୟପାଳଙ୍କ ନିକଟକୁ ଦାବି ପତ୍ର ଦେଇଛି କଂଗ୍ରେସ । ସେପଟେ ଅନୁଗୁଳରେ ନାବାଳିକା ଦୁଷ୍କର୍ମ ଘଟଣାରେ ବିଜେପି ମଧ୍ୟ ରାଜରାସ୍ତାକୁ ଓହ୍ଲାଇଛି । ଏପରିକି ଶବରୁ ଆଖି ତାଡ଼ି ନିଆଯିବା ଘଟଣାରେ ମଧ୍ୟ ପ୍ରତିବାଦ କରିଛି ବିଜେପି।  

   Related Posts