ଖୋର୍ଦ୍ଧା ୨୯।୧୦: ବାଲ୍ୟ ବିବାହ ଚାଲିଥିବା ବେଳେ ଚଢାଉ । ଉଭୟ ବର ଓ କନ୍ୟାଙ୍କୁ ଉଦ୍ଧାର କରିଛି ଶିଶୁ ସୁରକ୍ଷା ୟୁନିଟ । ଖୋର୍ଦ୍ଧା ପଲାଲୋକେଶ୍ୱରପୁର ଅଞ୍ଚଳର ଏକ ମନ୍ଦିରରେ ଚାଲିଥିଲା ବାହାଘର । ଘଟଣାସ୍ଥଳରେ ଖୋର୍ଦ୍ଧା ଆଦର୍ଶ ଥାନା ଓ ଶିଶୁ ସୁରକ୍ଷା ଟିମ୍ ପହଞ୍ଚି ବିବାହକୁ ବନ୍ଦ କରିଛନ୍ତି ।
{"id":352725,"sizeSlug":"large"}
ଖବର ଅନୁଯାୟୀ, ନୟାଗଡ ଜିଲା ଡିମିରିପାଟଣା ଗାଁର ଜଣେ ନାବାଳିକାର ଖୋର୍ଦ୍ଧା ଆଦର୍ଶ ଥାନା ପଲା ଲୋକେଶ୍ୱରପୁର ଅଞ୍ଚଳର ରମେଶ ନାଏକଙ୍କ ସହ ପ୍ରେମ ବିବାହ କରୁଥିଲେ । ସ୍ଥାନୀୟ ଲୋକେଶ୍ଵର ମନ୍ଦିରରେ ଚାଲିଥିଲା ବାହାଘର । ଏହି ବିବାହ ଖବର ପାଇ ଯୁବତୀଙ୍କ ପିତା ଜାଣିପାରି ଆର୍ଦଶ ଥାନାରେ ଅଭିଯୋଗ ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା ।
{"id":352726,"sizeSlug":"large"}
ପୋଲିସ ଓ ଚାଇଲ୍ଡ ଲାଇନ୍ ଉଭୟ ବର ଓ କନ୍ୟାଙ୍କୁ ଅଟକ ରଖ୍ ପଚରାଉଚୁରା କରୁଛି । ତେବେ ନାବାଳିକାଙ୍କ ପିତା ଝିଅର ବୟସ ୧୬ ବର୍ଷ ୩ ମାସ କହୁଥିବାବେଳେ ନାବାଳିକା ତା’ର ବୟସ ୧୮ ବର୍ଷରୁ ଅଧିକ ବୋଲି ଦାବି କରିଛନ୍ତି । ନିଜ ସ୍ବଇଛାରେ ଆସି ବିବାହ କରିଛି ବୋଲି କହିଛି । ବିବାହ କାର୍ଯ୍ୟକ୍ରମ ଚାଲିଥିବାବେଳେ ପୁଲିସ ଏହି ବିଭାଘରକୁ ବନ୍ଦ କରି ଦେଇଥିବା ବେଳେ ଉଭୟ ବର ଓ କନ୍ୟାକୁ ଥାନାକୁ ଆଣି ପଚରାଉଚରା ଜାରି ରହିଛି ।
