ଭଦ୍ରକ, ୨୦|୦୩: ବାଲ୍ୟ ବିବାହ ବନ୍ଦ କଲା ପ୍ରଶାସନ । ଶିଶୁ ମଙ୍ଗଳ ସମିତି ବାଲ୍ୟ ବିବାହ ରୋକିବା ବେଳେ ଉତ୍ତେଜନାକୁ ନଜରରେ ରଖି ପୋଲିସ ପହଞ୍ଚି ନାବାଳିକାଙ୍କୁ ଉଦ୍ଧାର କରିଛି । ଏମିତି ଘଟଣା ଘଟିଛି ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ରାଣୀତାଲ ଆଞ୍ଚଳରେ ।
{"id":241542,"width":756,"height":428,"sizeSlug":"large"}ରାଣୀତାଲ ନିକଟ ଏକ ଗ୍ରାମରେ ଜନୈକ ନାବାଳିକାଙ୍କର ବିବାହ ହେଉଥିବା ନେଇ ଭଦ୍ରକ ଜିଲ୍ଲା ଶିଶୁ ମଙ୍ଗଳ ସମିତିକୁ ଖବର ମିଳିଥିଲା। ଶିଶୁ ମଙ୍ଗଳ କମିଟିର ସଦସ୍ୟ ମାନେ ଗାଁରେ ପହଞ୍ଚିଥିଲେ । ତେବେ ଶିଶୁମଙ୍ଗଳ ସମିତିର କର୍ମଚାରୀ ପହଞ୍ଚିବା ପରେ ଗାଁରେ ଉତ୍ତେଜନା ଦେଖାଦେଇଥିଲା । ଖବର ପାଇ ଭଦ୍ରକ ଗ୍ରାମାଞ୍ଚଳ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ନାବାଳିକାଙ୍କ ପରିବାର ଲୋକେ ବୟସ ସମ୍ବନ୍ଧୀୟ କୌଣସି କାଗଜପତ୍ର ଦେଖାଇପାରି ନଥିଲେ । ପୋଲିସ ଓ ଶିଶୁମଙ୍ଗଳ ସମିତି ନାବାଳିକାଙ୍କୁ ଉଦ୍ଧାର କରିଥିଲା ।
ତେବେ ନାବାଳିକାଙ୍କ ଆଧାରକାର୍ଡରେ ୧୮ ବର୍ଷ ହୋଇଥିବା ବେଳେ ପାଠ ପଢୁଥିବା ବିଦ୍ୟାଳୟରେ ଯାଞ୍ଚ କରି ସେ ନାବାଳିକା ହୋଇଥିବା ନେଇ ସୂଚନା ପାଇଥିଲା । ପରେ କେତେକ ସର୍ତ୍ତରେ ଶିଶୁମଙ୍ଗଳ ସମିତି ନାବାଳିକାଙ୍କୁ ପରିବାର ଲୋକଙ୍କୁ ହସ୍ତାନ୍ତର କରିଥିବା କହିଛନ୍ତି ଶିଶୁମଙ୍ଗଳ ସମିତି ଅଧ୍ୟକ୍ଷ ।