ପୁଣି ଏକ ବାଲ୍ୟ ବିବାହକୁ ବନ୍ଦ କଲା ସିଡବ୍ଲୁସି । ତାହାପୁଣି କୌଣସି ଉପାନ୍ତ ଅଞ୍ଚଳ ନୁହେଁ । ସିଲଭରି ସିଟି କଟକ ଜଗତପୁରରେ ଦେଖିବାକୁ ମିଳିଛି ଏଭଳି ଘଟଣା । ଜଗତପୁର ଅଞ୍ଚଳରେ ରହୁଥିବା ବିହାରର ଜଣେ ଗୁପଚୁପ ବିକାଳି ତାର ୧୫ ବର୍ଷିୟା ଝିଅକୁ କଟକ ରାଣୀହାଟ ଅଞ୍ଚଳର ଜଣେ ଯୁବକଙ୍କ ସହ ବିବାହ କରାଉଥିବା ନେଇ କିଛି ସମାଜସେବୀ ସିଡବ୍ଲୁସି ଓ ଜଗତପୁର ଥାନାକୁ ଖବର ଦେଇଥିଲେ । ପୋଲିସ ତଥା ସିଡବ୍ଲୁସି କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ବିବାହକୁ ବନ୍ଦକୁ କରିଥିଲେ । ତେବେ ଉଭୟ ପରିବାର ପକ୍ଷରୁ ଏହି ବିବାହକୁ ୪ବର୍ଷ ପରେ କରିବା ପାଇଁ ପୋଲିସ ନିକଟରେ ଲିଖିତି ପ୍ରତିଶୃତି ଦେବାପରେ ଉଭୟ ପରିବାରକୁ ପୋଲିସ ଛାଡିଥିଲା । ।