ଅନୁଗୋଳ ୨୩|୯: ଅନୁଗୋଳ ବ୍ଲକ୍ ବନ୍ତଳା ଥାନା ପୋକତୁଙ୍ଗା ବନ୍ଧଫର ଛକ ଅଞ୍ଚଳରେ ଗତ ୧୫ ତାରିଖ ଅପରାହ୍ନରେ ଦୁର୍ଘଟଣାରେ ଶିଶୁପୁତ୍ର ଗୁରୁତର ହୋଇଥିଲା । ତାଙ୍କୁ ପ୍ରଥମେ ବନ୍ତଳା ସ୍ବାସ୍ଥ୍ୟକେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ଏବଂ ତାର ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି। ଜନ ଗହଳି ପୂର୍ଣ୍ଣ ଓ ଛକ ନିକଟରେ ଦ୍ରୁତ ଗତିରେ ଗାଡି ଚଳାଇବା ଦ୍ବାରା ଏହି ଦୁର୍ଘଟଣା ଘଟିଥିବା ଜଣାପଡିଛି । ରାସ୍ତାରେ ସ୍ପୀଡ଼ ବ୍ରେକର ନଥିବା ମଧ୍ୟ ଏହା ଏକ ମୁଖ୍ୟ କାରଣ । ଏହି ହୃଦୟଥରା ଦୃଶ୍ୟ ଜଣେ ଦୋକାନୀଙ୍କ ସିସିଟିଭିରେ କଏଦ ହୋଇଥିଲା । ଘଟଣାରୁ ଜଣା ପଡ଼ିଛି ଯେ ଏହି ଗାଡିଟି ଜଣେ ରାଜନେତାଙ୍କର । ଅବଶ୍ୟ ସେ ସେହି ଗାଡ଼ିରେ ବସି ନଥିଲେ। ଡ୍ରାଇଭର ଗାଡିଟିକୁ ଚଳାଉଥିଲେ । ଯାହାର ଦୃଶ୍ୟ ଆପଣ ଦେଖୁଛନ୍ତି । ଏଭଳି ହୃଦୟଥରା ଦୃଶ୍ୟ ସିସିଟିଭିରେ କଏଦ ହୋଇଛି। ପୋଲିସ ଘଟଣାକୁ ଗଭୀରତା ସହକାରେ ବିଚାର କରି ତଦନ୍ତ ଚଲାଇଛି।